حد جرب يبيع عربية صيني او يشترىها مستعمل؟

[semo210]

السلام عليكم يا جماعة /

محتاج اعرف خبرتهم لو واحد اشترى عربية صيني وحب يبيعها بعد فترة سنة او سنتين مثلا ، هل هيخسر فيها جامد؟ ( انا بتكلم لو هى حالتها كويسة ما حصلش فيها حاجة ) الفكرة اني عايز اعرف قيمة الصيني بتقل قد ايه ف البيع؟ مقارنة بالكوري اللي بيكون حلو ف بيعه ، لاني انا سمعت انه في عربيات بتبقى معروضة تقريبا بنص ثمنها زيرو !! برغم ان مالكها بيقول ان حالتها تمام! محتاج اعرف رايكم ف الموضوع
ده وياريت لو عندكم امثلة حسام

[kokowasfy]

الصينى بتخسر جدا جدا فى البيع حتى لو العربية حالة زيرو ملوش سوق

[hamaka]

مش كل الصينى بيخسر ، لو العربية منتشرة و قطع غيارها كتير هتلاقى سعرها مش بيقع أوى زى التيجو و ال a113 مثلاً شوفهم بيتباعو فى كونتاكت كارز بكام خاصة التيجو ، البريلليانس ممكن تكون بتخسر زيادة سنة مع انها أنضف الصينى و فى رأيى الشخصى هى أحسن من الأفيو من جميع النواحى (و دا رأى شخصى مش حقيقة مسلم بيها اللى عايز يختلف براحته) بس طبعاً الصينى لا يقارن بالكورى من حيث اعادة البيع بأى شكل من الأشكال

[Survival]

افضلها ال بى واى دى و 516 لانتشارها تاكسي و فى العربيات ال 2000 سي سي سعرها بينزل النص تقريبا. المستعمل عرض و طلب مالوش دعوة بالكفاءة.
انا جربت ال m11 و الفيرنا و الاتنين سعرهم مستعمل قريب من بعض لكن بصراحة كعربية لا يوجد مقارنة بس هتلاقى الناس تروح اكتر للفيرنا عشان توافر قطع غيارها.

[hugan]

ان شاء الله افيدك لاني لسه بايع وشاري صيني
فعلا زي الاخhamaka
ماقال
التيجو وال113
بيعهم بيتم بسهوله ويسر ومطلوبين جدا


والخساره فيهم بتكون الطبيعيه النسبه المتعارف عليها زيها زي الكوري او الياباني

عربيتي 516 موديل 2008
متباعه فابريكه بالكامل
115000 كيلو استهلاك خد بالك استهلاك عالي
كانت محتاجه كاوتش
وشغل عفشه
اتباعت لتاجر 41750
يعني التاجر هايكسب فيها مش اقل من 2000جنيه
واتباعت في سوق السيارات من اول مره
طبعا انا مش ها تكلم عن بعض العربيات الاوروبي
اللي بتباع بخساره زيها زي العربيات الصيني

اللي فشلت في مصر

[semo210]

شكرا يا جماعة على ردودكم المفيدة ،

اللي استغربت منه ان حد من اصحابي كان شاري اسبرانزا a216 من حوالي 5 سنين لمراته وكان استعمالها خفيف جداا وكان تمنها وقتها زيرو 54 الف جنيه دلوقتي العربية شغالة تمام وبيعملها صيانة دورية ، برغم كده بيقوللي لو ابتاعت مش هتجيب 30 الف يعني تقريبا نص تمنها زيرو !! فانا بصراحة خايف اشترى حاجة صيني وتضطرني الظروف اني اعيد بيعها واخسر فيها كتير خصوصا اني بفكر ف بي واي دي أف زيرو.

[hamaka]

صلى استخارة و اتكل على الله ، البى واى دى عربية ممتازة و كل اللى معاهم العربية بيشكروا فيها جداً و أنا أعرف كذا واحد منهم معرفة شخصية و فيهم دكتور كبير معاه مرسيدس e كلاس و ركنها و راكب بى واى دى لما سألته عليها شكر فيها جداً و قال انها عربية بتديك أكتر من تمنها بكتير و هوا اتفاجئ بمستواها بس هو كان جابها أيام الثورة عشان كان خايف على المرسيدس و من ساعتها و هو شايل المرسيدس للمناسبات بس و كل مشاويره بالبى واى دى

[hamaka]

و ابقى بص بصة برضه على الامجراند 7 ناس كتير بتشكر فيها و أنا شخصياً رحت شوفتها فى المعرض بتاع المهندسين عربية جميلة جداً عيبها الوحيد مقارنة مع البى واى دى ان مفيش منها أوتوماتيك بس أفضل من البى واى دى فى توكيلها رغم ان أنا مش بحب غبور لتجارب سابقة بس أكيد أفضل بكتير من بتوع بى واى دى على حسب تجارب الناس معاهم ، لكن عموماً اطمن العربية كدة كدة كل الميكانيكية و الكهربائية بيفهموا فيها عشان تاكسى طبعاً فا أول ما ضمانك يخلص هتلاقى صيانتك برة فى المتناول يعنى

[Emad Habib]

اقل سياره معروضه للبيع هى بى واى دى نظرا لتمسك مالكيها بها لجودتها وسهوله اصلاحها

ونجد مثال بى واى دى f3 موديل 2006 gi تباع ب 45000 الى 50000 بشرط ان تكون سليمه

ولن تجدها بسهوله والموديلات حتى 2009 انتاج صينى والانتاج المصرى جيد جدا و تطور وسيتم خلال العام الحالى نزول العديد من الموديلات الجديده

[aboalmaty]

شكرا يا جماعة على ردودكم المفيدة ،

اللي استغربت منه ان حد من اصحابي كان شاري اسبرانزا a216 من حوالي 5 سنين لمراته وكان استعمالها خفيف جداا وكان تمنها وقتها زيرو 54 الف جنيه دلوقتي العربية شغالة تمام وبيعملها صيانة دورية ، برغم كده بيقوللي لو ابتاعت مش هتجيب 30 الف يعني تقريبا نص تمنها زيرو !! فانا بصراحة خايف اشترى حاجة صيني وتضطرني الظروف اني اعيد بيعها واخسر فيها كتير خصوصا اني بفكر ف بي واي دي أف زيرو.

البي واي دي اف 3 بالذات في كل الصيني ماسك سعر زيه زي الفيرنا اللى هي اكتر عربية كوري تقريبا ماسكه سعر
وبخصوص العربية a216 ملهاش سوق لانها شكلها سيء لانها تقريبا a113 وركبولها شنطة بالعافية فطلعت عربية خلطبيطه لذلك اتوقف انتاجها لذلك سعرها لازم يوقع لان مفيش اقبال عليها

الصيني في الوقت الحالي مكسب للى عايز يقني بس مش كل الصيني عندك مثلا
البي واي دي f3
التيجو
a113
a516
البرليانس
الايمجراند
كل دول عربيات صيني مكسب للي هيشتريهم لان فيهم امكانيات مش موجود الا في عربيات بضعف تمنهم تقريبا وجودتهم معقولة جدا

[elmanahry]

فى موضوع منسى فى المشاراكات وهو ارتفاع سعر السيارات ومثالا على ذلك ال byd f3 الاتوماتيك كانت ب 82 الف جنيه الى عام 2009 وهى الان سعرها 96 الف جنيه يعنى انخفاض السعر لن يكون بطريقة بشعة مع ان البائع سيقبض ثمن السيارة بنقود هى سعر اليوم والخسارة الحقيقية سوف تكون ليس فرق سعر بيع كبير بل سوف تكون قيمة الجنيه هذه الايام وهذا سينطبق على كل ماركات السيارات

[ehabpopo]

هو ده الكلام المنطقى فعلا ...

[ehabpopo]

فى موضوع منسى فى المشاراكات وهو ارتفاع سعر السيارات ومثالا على ذلك ال byd f3 الاتوماتيك كانت ب 82 الف جنيه الى عام 2009 وهى الان سعرها 96 الف جنيه يعنى انخفاض السعر لن يكون بطريقة بشعة مع ان البائع سيقبض ثمن السيارة بنقود هى سعر اليوم والخسارة الحقيقية سوف تكون ليس فرق سعر بيع كبير بل سوف تكون قيمة الجنيه هذه الايام وهذا سينطبق على كل ماركات السيارات

هو ده الكلام المنطقى فعلا ...