Tweet
قصة مغامرات حقيقيه من ملفات المباحث العامه لقسم بى واى دى – نايل موتورز
ليلة أمس و فى سرية تامه يغلفها الغموض مع بعض الأكشن و الساسبنس تمكن كلا من "رئيس جهاز مباحث قسم بى واى دى" و "معاون أول مباحث قسم بى واى دى" من إختراق منطقة المعتمديه من نزلة الدائرى بنجاح و تنفيذ عملية النسر المجنح خمسه سته سبعه تلاته أربعه فى حاره مزنوقه !!
بدا الأمر و كأنها مكالمه تليفونيه عاديه بين اتنين اصحاب (مع فارق السن طبعا ) و ذلك للحفاظ على سرية المهمه من أجهزة التنصت المثبته فى "الموبايل أبو كشاف" لكلا الرجلين
و أثناء المكالمه الهاتفيه , نطقت كلمة السر , صمت الرجلين لحظه , كل منهم نظر فى ساعته لإحتساب ساعة الصفر بدقه من لحظة النطق بكلمة السر
و كانت كلمة السر هى "حمدى"
و يقصد بها "حمدى مخترع المانيوال بدون دبرياج"
و بعد إنهاء المكالمه ,, إذا برئيس المباحث يسارع فى إرتداء ملابسه بلهفه و ينزل مسرعا من بيت والده و يأخذ سيارته ذهابا لبيته أولا للأتيان بالأمانه و من ثم الذهاب لمعاون المباحث لتنفيذ المهمه
ما هى تلك الأمانه التى يحملها رئيس المباحث معه ؟ سينكشف سرها مع الأحداث
ملحوظه
الإسم الحركى لرئيس المباحث : أبو عربى
الإسم الحركى لمعاون المباحث: أبو جنى
و ذلك حفاظا على سرية أسمائهم الحقيقيه
تمت المقابله و الحمد لله فى منشية الصدر فى الشارع الواصل من ميدان بن سندر لجامع جمال عبد الناصر "الله يرحمه" على نفس خط شريط المترو
و كانت مهمة أبو جنى صعبه جدا , ألا و هى أن يصل المعتمديه شارع جمال عبد الناصر الرئيسى فى ذمن قياسى و إلا باظت المهمه
السياره المستخدمه فى المهمه هى بى واى دى موديل 2012 سوداء , زجاج فيميه كامل من أجل التمويه
و ابتدى الأكشن و يا ريته مابتدى
يا عم نزلنى يا عم مش لاعب , مش مكمل
بلا مباحث بلا مخابرات بلا زفت
يا با انا مش مستغنى عن عمرى يابا
يابا أنا عندى عيال عايز أربيها يابا
يابا أبوس أيدك , أنا كده حعتزل و حروح أشتغل فى قسم تانى غير البى واى دى
حروح قسم سوزوكى ماروتى , هه ,, ايه رأيك بقى
مالها الماروتى ,, 3 سلندر 800 سى سى ,, ميت فل و عشره
يا با ,, حاسب ,, أبو جــ ,, حاســ ,, الله يخـ ,,, يالهوىىىىى ,, حتدوسه أوعى ,, يانهار اسو... حرام كفــ .... يالهوىىىىى
أشهد ألا إله إلا الله ,, و أشهد أن محمدا رسول الله
يا رب إغفر لى و أعفو عنى و أرحمنى
.................................................. .................................................. .........
كفايه تهريج
نخش فل جد بقه
كل الكلام ده ماحصلش ,, كل ما فيها ان أبوجنى كان فعلا ماشى بسرعه عشان نلحق ميعادنا
العربيه بسم الله ما شاء الله ,, الله أكبر و لا حول و لا قوة إلا بالله العلى العظيم
تسارع هايل
ثبات فوق الممتاز و الدليل ,, طبعا كلنا عارفين طالعة كوبرى 6 أكتوبر من مصر الجديده ,, أخرة الطلعه ديه فيه ماف حاد جدا يمين الكل بيهدى عنده جامد
طبعا أبوجنى و لا هو هنا ,, خد الملف بسرعته ,, اللى هو أى حد قاعد جنبه يقول استحاله العربيه تاخد الملف ده على السرعه ديه
و لكن هوده اللى حصل فعلا
طبعا الكاوتش زيق و صوت إحتكاك الكاوتش بالأرض كان جامد ,, بس و لااااااااااااا أى اندهاشه ,, و لا حتى العربيه مالت شويه
خدنا الطريق أزح أكتوبر فى خمستاشر مايو فى المحور فى الدائرى فى المعتماديه و أخيرا شارع جمال عبد الناصر
عارفين المهمه كانت ايه
بس نتعرف على البشمهندس حمدى العبقرى الفذ مخترع المانيوال بدون دبرياج و هذا يكفينا فخرا و إعتزازا
و على فكره ,, مش هو ده إختراعه الوحيد ,, ده ما شاء الله عليه مخترع حاجات تانيه كتير زى مثلا كبالن تستحمل عن الكبالن العاديه ,, بس أنا مش عايز أقول الفكره عشان برأءة الإختراع
نتكلم بقه شويه عن البشمهندس حمدى
أخلاقه عاليه و كريم جدا ,, بل هو أبو الكرم كله الصراحه ,, هو كان شايلنا من على الأرض شيل و لو كنا قلناله عايزين لبن العصفور كان من قبل ما نقول كان جابهولنا ,, الراجل كريم جدا جدا جدا بشكل فوق الوصف
طبعا طول ماحنا معاه كان بيجيله تليفونات من جميع انحاء الجمهوريه بتسأله و هو بيرد على كل المكالمات بصدر رحب و بيديهم استشارات ميكانيكيه و الراجل لا يبخل عن الناس بالمعلومه
هو بالمناسبه معاه بى واى دى برضه و بيشكر فيها و بيقول انها احسن من كل منافسيها فى حاجات كتير اوى
و طبعا ماينفعش نبقى عنده و مانسألوش عن كل مشاكلنا اللى بتقابلنا فل العربيه
العضه و الونه و بلية الدرك و الدبرياج و الصدأ و البارومه و استهلاك البنزين و كله كله
و الصراحه جاوبنا بشكل مرضى تماما و عملى كمان ,, يعنى جاب قطع غيار مستعمله مرميه عنده فل الورشه و قعد يشرحلنا عليها عملى حته حته لحد مانا اطمنت له بأمانه جدا و لتشخيصه لكل حاجه فل العربيه
و دار بنا حواديت كتير و الصراحه أنا و أبو جنى كنا مبسوطين أوى اننا اتعرفنا عليه و شوفناه و اتكلمنا معاه
طب ايه ,, حنمشى كده من غير مانعمل حاجه
أبو جنى قال أغير زيت الفتيس بالمتعدد اللى جابه 85-140 مع إضافة الأبرو الأمريكى , نشوف حيعمل ايه , يمكن يطلع حلو و ساعتها حعزم كل القسم على كباب زى ما وعدت
و فعلا تم تغير الزيت + الإضافه و طلعنا نجرب و كله تمام بس الحكم مش دلوقتى أكيد ,, لسه حنشوف أبوجنى حيحكلنا عن أداءه مع الوقت
و بعدين قلت لأبو جنى أنا حريحك من السواقه راجع و حسوق انا , قالى ماشى ماعترضش , ما شاء الله الفتيس عنده انعم من عندى , عندى الفتيس لسه شويه عليه
و فل طريق اتعرفت اكتر على ابو جنى , هو انسان جميل و روحه سمحه و خلوق و شاف كتير فل دنيا و فعلا اتشرفت بصحبته و ربنا يديم المعروف
أى معلومات ميكانيكيه عايزين تعرفهوا عن البى واى دى ,, حصريا عند بشمهندس حمدى ,, يا ترحوله يا تكلموه فل تليفون و رقمه موجود هنا عل منتدى فل صفحه بتاعته
و مستنين بقى حكم أبو جنى على الأبرو و المتعدد ,, يا رب خير
ليلة أمس و فى سرية تامه يغلفها الغموض مع بعض الأكشن و الساسبنس تمكن كلا من "رئيس جهاز مباحث قسم بى واى دى" و "معاون أول مباحث قسم بى واى دى" من إختراق منطقة المعتمديه من نزلة الدائرى بنجاح و تنفيذ عملية النسر المجنح خمسه سته سبعه تلاته أربعه فى حاره مزنوقه !!
بدا الأمر و كأنها مكالمه تليفونيه عاديه بين اتنين اصحاب (مع فارق السن طبعا ) و ذلك للحفاظ على سرية المهمه من أجهزة التنصت المثبته فى "الموبايل أبو كشاف" لكلا الرجلين
و أثناء المكالمه الهاتفيه , نطقت كلمة السر , صمت الرجلين لحظه , كل منهم نظر فى ساعته لإحتساب ساعة الصفر بدقه من لحظة النطق بكلمة السر
و كانت كلمة السر هى "حمدى"
و يقصد بها "حمدى مخترع المانيوال بدون دبرياج"
و بعد إنهاء المكالمه ,, إذا برئيس المباحث يسارع فى إرتداء ملابسه بلهفه و ينزل مسرعا من بيت والده و يأخذ سيارته ذهابا لبيته أولا للأتيان بالأمانه و من ثم الذهاب لمعاون المباحث لتنفيذ المهمه
ما هى تلك الأمانه التى يحملها رئيس المباحث معه ؟ سينكشف سرها مع الأحداث
ملحوظه
الإسم الحركى لرئيس المباحث : أبو عربى
الإسم الحركى لمعاون المباحث: أبو جنى
و ذلك حفاظا على سرية أسمائهم الحقيقيه
تمت المقابله و الحمد لله فى منشية الصدر فى الشارع الواصل من ميدان بن سندر لجامع جمال عبد الناصر "الله يرحمه" على نفس خط شريط المترو
و كانت مهمة أبو جنى صعبه جدا , ألا و هى أن يصل المعتمديه شارع جمال عبد الناصر الرئيسى فى ذمن قياسى و إلا باظت المهمه
السياره المستخدمه فى المهمه هى بى واى دى موديل 2012 سوداء , زجاج فيميه كامل من أجل التمويه
و ابتدى الأكشن و يا ريته مابتدى
يا عم نزلنى يا عم مش لاعب , مش مكمل
بلا مباحث بلا مخابرات بلا زفت
يا با انا مش مستغنى عن عمرى يابا
يابا أنا عندى عيال عايز أربيها يابا
يابا أبوس أيدك , أنا كده حعتزل و حروح أشتغل فى قسم تانى غير البى واى دى
حروح قسم سوزوكى ماروتى , هه ,, ايه رأيك بقى
مالها الماروتى ,, 3 سلندر 800 سى سى ,, ميت فل و عشره
يا با ,, حاسب ,, أبو جــ ,, حاســ ,, الله يخـ ,,, يالهوىىىىى ,, حتدوسه أوعى ,, يانهار اسو... حرام كفــ .... يالهوىىىىى
أشهد ألا إله إلا الله ,, و أشهد أن محمدا رسول الله
يا رب إغفر لى و أعفو عنى و أرحمنى
.................................................. .................................................. .........
كفايه تهريج
نخش فل جد بقه
كل الكلام ده ماحصلش ,, كل ما فيها ان أبوجنى كان فعلا ماشى بسرعه عشان نلحق ميعادنا
العربيه بسم الله ما شاء الله ,, الله أكبر و لا حول و لا قوة إلا بالله العلى العظيم
تسارع هايل
ثبات فوق الممتاز و الدليل ,, طبعا كلنا عارفين طالعة كوبرى 6 أكتوبر من مصر الجديده ,, أخرة الطلعه ديه فيه ماف حاد جدا يمين الكل بيهدى عنده جامد
طبعا أبوجنى و لا هو هنا ,, خد الملف بسرعته ,, اللى هو أى حد قاعد جنبه يقول استحاله العربيه تاخد الملف ده على السرعه ديه
و لكن هوده اللى حصل فعلا
طبعا الكاوتش زيق و صوت إحتكاك الكاوتش بالأرض كان جامد ,, بس و لااااااااااااا أى اندهاشه ,, و لا حتى العربيه مالت شويه
خدنا الطريق أزح أكتوبر فى خمستاشر مايو فى المحور فى الدائرى فى المعتماديه و أخيرا شارع جمال عبد الناصر
عارفين المهمه كانت ايه
بس نتعرف على البشمهندس حمدى العبقرى الفذ مخترع المانيوال بدون دبرياج و هذا يكفينا فخرا و إعتزازا
و على فكره ,, مش هو ده إختراعه الوحيد ,, ده ما شاء الله عليه مخترع حاجات تانيه كتير زى مثلا كبالن تستحمل عن الكبالن العاديه ,, بس أنا مش عايز أقول الفكره عشان برأءة الإختراع
نتكلم بقه شويه عن البشمهندس حمدى
أخلاقه عاليه و كريم جدا ,, بل هو أبو الكرم كله الصراحه ,, هو كان شايلنا من على الأرض شيل و لو كنا قلناله عايزين لبن العصفور كان من قبل ما نقول كان جابهولنا ,, الراجل كريم جدا جدا جدا بشكل فوق الوصف
طبعا طول ماحنا معاه كان بيجيله تليفونات من جميع انحاء الجمهوريه بتسأله و هو بيرد على كل المكالمات بصدر رحب و بيديهم استشارات ميكانيكيه و الراجل لا يبخل عن الناس بالمعلومه
هو بالمناسبه معاه بى واى دى برضه و بيشكر فيها و بيقول انها احسن من كل منافسيها فى حاجات كتير اوى
و طبعا ماينفعش نبقى عنده و مانسألوش عن كل مشاكلنا اللى بتقابلنا فل العربيه
العضه و الونه و بلية الدرك و الدبرياج و الصدأ و البارومه و استهلاك البنزين و كله كله
و الصراحه جاوبنا بشكل مرضى تماما و عملى كمان ,, يعنى جاب قطع غيار مستعمله مرميه عنده فل الورشه و قعد يشرحلنا عليها عملى حته حته لحد مانا اطمنت له بأمانه جدا و لتشخيصه لكل حاجه فل العربيه
و دار بنا حواديت كتير و الصراحه أنا و أبو جنى كنا مبسوطين أوى اننا اتعرفنا عليه و شوفناه و اتكلمنا معاه
طب ايه ,, حنمشى كده من غير مانعمل حاجه
أبو جنى قال أغير زيت الفتيس بالمتعدد اللى جابه 85-140 مع إضافة الأبرو الأمريكى , نشوف حيعمل ايه , يمكن يطلع حلو و ساعتها حعزم كل القسم على كباب زى ما وعدت
و فعلا تم تغير الزيت + الإضافه و طلعنا نجرب و كله تمام بس الحكم مش دلوقتى أكيد ,, لسه حنشوف أبوجنى حيحكلنا عن أداءه مع الوقت
و بعدين قلت لأبو جنى أنا حريحك من السواقه راجع و حسوق انا , قالى ماشى ماعترضش , ما شاء الله الفتيس عنده انعم من عندى , عندى الفتيس لسه شويه عليه
و فل طريق اتعرفت اكتر على ابو جنى , هو انسان جميل و روحه سمحه و خلوق و شاف كتير فل دنيا و فعلا اتشرفت بصحبته و ربنا يديم المعروف
أى معلومات ميكانيكيه عايزين تعرفهوا عن البى واى دى ,, حصريا عند بشمهندس حمدى ,, يا ترحوله يا تكلموه فل تليفون و رقمه موجود هنا عل منتدى فل صفحه بتاعته
و مستنين بقى حكم أبو جنى على الأبرو و المتعدد ,, يا رب خير
Comment