العربية إتخبطت و الحمدلله الخسائر جت في الاكصدام

[gad_fcis]

الحمدلله إلنهردة العربية إتخبطت و أنا ماشي


أنا بس سؤالي ، ذي ماهو واضح في الصورة ، العربية هتحتاج تغير اكصدام و طبعاً هيترش و الكبوت هيعدل اللوحة اللي فيه و لو فيه حاجة في صدر العربية هعملهة على البارد و إن كنت أشك إن فيه حاجة


الكلام دة يتكلف كام و فين أحسن مكان أعمله فيه برة التوكيل ؟ و هل هتفرق اني أجيب الاكصدام من التوكيل (ب 250 جنيه ) ولا من برة (ب 100 جنيه ) ؟ يعني إيه العيوب إن الاكصدام يكون مش أصلي مثلاً ؟؟

[melad_bady]

نصيحة التوكيل شوية حرمية من برة احسن و ارخص و كلة موجود زى التوكيل و احسن اسئل مجرب

[bassem.naguib]

قدر الله وما شاء فعل .. وحتحتاج كمان الشبكة الأمامية .. أعتقد أن الاكصدام ممكن يتلحم ويترش .

[gad_fcis]

معاك يا باسم إن الاكصدام ممكن يتلحم و يترش ، بس لو حسبتها ، هتلاقي اني أجيب اكصدام جديد ب-100 جنيه أوفر

[hossam165]

لا حول ولا قوة الا بالله
اولا الحمد لله علي سلامتك يا ابو حميد وانها جت علي قد كه
ثانيا لو عاوز رايي شوف الاكصدام الجديد الي في التوكيل والي بره الاول
اذا وجدت انهم زيي بعض يبقي جيب الي برة
اذا لا قيت الي في التوكيل طري عن الي برة
وان الي برة ناشف
يبقي قدامك حاجة من اتنين تلحم ده وخلاص
يا اما تجيب الي في التوكيل وتركبه عندهم
بالنسبة للشبكة اعتقد انها اذا اتلحمت مش هتبقي واضحة غير عن قرب
او عات واحدة جديدة سواء من التوكيل او من برة ايهما ارخص
وربنا يخلف عليك بالخير ان شاء الله
وتكون اخر الاصابات

[luckyman]

قدر الله وما شاء فعل
بره او توكيل الفيصل ان تجيب الاكصدام اللي خامته نظيفه ويستحمل مش يتقص من اقل خبطه

[ehabpopo]

قدر الله وماشاء فعل .... المهم تكون انت بخير

[ahmedselaraby]

ألف لا بأس عليك ,, و الله زعلتلك أوى ,, و لكن قدر الله و ما شاء فعل ,, المهم انك تكون انت و اسرتك بخير ,, فداك أى حاجه ,, كل اللى يجى فل ريش بقشيش

بالنسبه لعلاج الخبطه ,, فا أهم حاجه تعملها عند حد كويس و خلى بالك بعد ما تظبط ,, تخلى بالك من الفروقات ما بين الكبوت و الرفرف ,, تبقى زى بعض فل نحيتين

بالنسبه للشبكه ,, لو حتغيرها كده كده ,, فا فيه فى شارع دمشق واحد متخصص بى واى دى ,, عنده شبكه مش زى اللى عندك ديه ,, لا شكلها أحلى لترويش البى واى دى ,, هى مكتوب عليها type R و شكلها رياضى أكتر من اللى راكبه عندنا كلنا لو عايز تجمل شكل العربيه

بالنسبه للإكصدام ,, ففعلا شوف اللى فل وكيل و شوف اللى بره ,, لو حسيت انه فيه فرق , خد بتاع الوكيل ,, و لو انى أشور عليك ,, بما انك كده كده حتعمل شغل ,, يبقى تبسط نفسك و تراضى عربيتك بعد الخبطه و تركبلها كساحات تدى شكل حلو للإكصدام و بيتهيئلى رخيصه ,, و يا سلام بقه لو عتب كمان مع كساحات ,, العربيه حتبقى حاجه تانى

نسيت أقولك صحيح إن إكصدام البى واى دى فيه ميزه انه ممكن يترض يرجع زى ما كان عن طريق حاجه زى سيشوار الشعر كده بيطلع هواء سخن بيمشوه على الإكصدام و بيترض بسهوله و يرجع زى ما كان , و ده كان موضوع بيتكلم عنه أبو جنى مع بشمهندس حمدى مخترع المانيوال بدون دبرياج لما روحناله ورشته

[ahmedselaraby]

نزلت سألت عن الشبكه اللى هى type R لقيتها فى شارع دمشق ب 140 جنيه

[bassem.naguib]

كتير 140 جنية .. إذا كان الاكصدام بيقولوا بـ 100 جنية .. كنت سألت بالمرة يا أخي وأنت هناك .

[ph.gadi]

الف سلامة عليك وعلى العربية يا باشا

[ph.gadi]

الفلا سلامة عليك يا حلو فادك

[hamaka]

قدر الله وما شاء فعل يا باشا ، ربنا يعوض بإذن الله ..