عيوب السيارة byd f3

[karemairport]

السلام عليكم
انا اتفرجت على العربية النهارة فى معرض المصرية للسيارات وفى الحقيقة العربية جمية جدا وكنت محتاج اعرف اي هى عيوبها لان اكيد كل سيارة ليها مميزات وعيوب ارجو الافادة حيث اننى بصدد شرائها
وشكراااااا

[hossam165]

السلام عليكم
انا اتفرجت على العربية النهارة فى معرض المصرية للسيارات وفى الحقيقة العربية جمية جدا وكنت محتاج اعرف اي هى عيوبها لان اكيد كل سيارة ليها مميزات وعيوب ارجو الافادة حيث اننى بصدد شرائها
وشكراااااا

اهلا وسهلا بيك عضو معانا
ياريت تشرفنا في المقابلة بتاعتنا الجاية وهتلاقي كل الي انت عاوز تعرفه عن العربية

[el diesel]

انزل اركب تاكسى واساله مش هايفيدك غيره

[bassem.naguib]

بالإضافة لأراء الزملاء .. استعرض مواضيع القسم من البداية وأكيد حتوصل للإجابة .. وقبل ده كله تستخير ربنا سبحانه وتعالى فهو خير الهادين .

[Ramy Rateb]

زى ما الزملاء قالوا لحضرتك لو قريت المواضيع القديمة هتأخد فكرة كويسة عن العربية .. و على فكرة فى أخبار أكيدة ان فى شكل جديد او موديل جديد نازل قريب لكن التفاصيل مش عارفها .. فالأحسن أنك تنتظر شوية و تحكم ساعتها أنى شكل هيكون مناسب ليك اكتر.
بالتوفيق ان شاء الله

[peter magdy]

اى عربية ليا مميزات و عيوب مهما كان نوعها و ثمنها
لكن
فى عيوب مزمنة ملهاش حل و عيوب علاجها بسيط
دور على النت كويس و اسأل اصحاب التاكسى بردو
و زى ما البشمهندس حسام قالك لو حضرتك مقابلة هستفاد كتير
انا حضرت مرتين و استفد كتير و كلهم ناس محترمة جدا
و الميزة فى التوكيل
انة فعلا بيصلح من نفسة و خصوصا لما العربية بيظهر فيها اى مشكلة بيصلحها فى الموديل اللى بعدة و دى ميزة بحترمها جدا جدا فى التوكيل
ربنا يوفقك فى اختيار الصالح

[karemairport]

جزاكم الله خيرا
انا كنت عايز المقابلة الجاية ديه فين والساعة كام
وانا سعيد جداااااااااااااااااااااااااا بالانضمام الى هذا المنتدى

[bassem.naguib]

إن شاء الله نتشرف بيك معانا .. تفاصيل المقابلة في الموضوع ده :

http://www.nilemotors.net/Nile/349646-a.html

[malaa71]

انا معايا العربيه ليها سنه و الحمد لله العربيه زى الفل ما فيهاش الهوا
ومركز الخدمه بتاعهم كويس مش سئ زى ما فى ناس بتقول
وكمان قطع غيارها رخيصه
توكل على الله ومش هاتندم
بالتوفيق