تغيير ظهر المراية ...

[mz_moataz]

سلام عليكم جميعاً ..
الواحد مكسوف أنه لما يتزنق ييجي يسأل من غير ميخش يرمي السلام حتي قبل كده .. :)
لكن دعم الناس هنا وحبهم للمساعدة بيشجع الواحد ...
==
النهاردة عربية شرطة ( حسبي الله ونعم الوكيل ) كسرتلي ضهر المراية اليمين .. والحمدلله مخدتش المراية كلها
( يعني مش شغالين وكمااااااااااان بيخسروا الناس )
ضهرها طبعاً بقي الجزء البلاستيك هو اللي باين .. فخايف وانا بغسلها ييجي عليها مية ولا حاجة بدل ما تبقي ضهر تبوظ الموتور ولا حاجة ..
فقلت أسال لو فيه حد يعرف محل قطع غيار في شارع دمشق او في اي حتة اشتري منه الضهر ..
وبلاش التوكيل علشان بقي عشان يومهم بمليون سنة وعندهم عدم إهتمام ولا مبالاة تخنق ..

خالص شكري مقدماً علي الافادة

[bassem.naguib]

أسأل عند شخلول المشاركة دي فيها رقم تليفونه :

http://www.nilemotors.net/Nile/3874788386-post38.html

والموضوع ده برضه فيه ناس تانية في شارع دمشق زي زكي جرجس وفي التوفيقية .. من الأخر قطع الغيار في كل حته .

http://www.nilemotors.net/Nile/332164-a.html

ومن غير كسوف يا باشا تسأل في أي وقت من غير إحراج .. ويا ريت تشاركنا معاك بتجاربك وخبراتك مع العربية .. خاااالص تحياتي .

[ehabpopo]

المراية بتتباع عند شخلول كاملة ( المرايا كاملة ب 100 جم ) .. وكمان بتتباع قطع غيار .. ( القاعدة لوحدها والكفر لوحده و الجزء اللى بيكون فية المرايا لوحدة ) ... اتصل بية وان شاء الله تلاقيها ..

[hany901119]

بس خلى بالك ان واحد حبيبى وجارى جاب المرايا قبل كده لما تكسرت منه من بره التوكيل المرايه

مقعدتش شهرين وماتورها باظ فراح جابها من التوكيل ليها سنه شغاله زى الفل علما بأن الفرق كان

حوالى 50ج (طبعا انا بتكلم على المرايا كلها )وممكن تجيب بتاعة التويوتا استيراد واتفضل ياسيدى رقم شخلول 01224455753

[ehabpopo]

بس خلى بالك ان واحد حبيبى وجارى جاب المرايا قبل كده لما تكسرت منه من بره التوكيل المرايه

مقعدتش شهرين وماتورها باظ فراح جابها من التوكيل ليها سنه شغاله زى الفل علما بأن الفرق كان

حوالى 50ج (طبعا انا بتكلم على المرايا كلها )وممكن تجيب بتاعة التويوتا استيراد واتفضل ياسيدى رقم شخلول 01224455753 :copy of new:

الكلام ده حصل وانا فى القطامية امام عينى فعلا ... وكان واحد مركب المراية من برة التوكيل ... وجاى يغيرها بسبب انها باظت بسرعة وكمان الزواية بتاعتها مش بتلف كاملة ... بس المشكلة انها فى التوكيل كلها لونها ابيض ...
سعرها 190 جم

[mz_moataz]

شاكر لكم جميعاً الرد والمساعدة ...
تم الأتصال بالفعل بشخلول وقالي ان ضهر المراية متوفر بعشرين جنيه ..
لكن لونه أسود ويتوجب عليا رشه بلون السيارة ...
وبالفعل أشتريت الضهر وقمت بتركيبه بعد محاولات متعددة لكن محتاج فعلاً أني أعدي عليه بغراء شفاف علشان المية متتسربش للمراية نفسها .
وبالنسبة للون فأنا مش حنبلي :)) وسايبها سودا ..
والله حلوة مش بطالة :)
==
وأنا عند شخلول قلت بالمرة بقي أشتري الدراع بتاع الفوج وطقم الفوج نفسه وبالفعل أشترتهم والراجل الحقيقة كان مبسوط لما عرف اني جبت تلفونه من المنتدي :)
قلت له طب فين خصم المنتدي بقي :)
فزودلي عشرة جنيه ع الدراع :)
==
الدراع ب 100 وطقم الفوج ب 100 برضه ..
الحقيقة كنت حاسس اني ماشي علي وصفة الشباب هنا :) وكانت سطور بيتر مفصلة لدرجة تحس انك بيتر :))
والنهاردة عديت علي الحاج حمدي وركبنا الليلة دي في ساعتين
قبل ما نركب قالي انت عندك مشكلة صغيرة .. الدراع الأصلي فيه Auto
اللي انت جايبه مفيهوش ..
فهل بتستخدم الأوتو ؟
طبعأً حضراتكم عارفين حكاية الأوتو ده اللي هو بيعلي الاضاءة حسب وضع النور في الطريق بس بأمانة ربنا انا مش بستخدمه ومش بحس بيه أصلاً لما ببقي جايب عليه حتي لو في الضلمة :)
فقلت له اتوكل علي الله
وقعدت معاه فترة لا بأس بيها واتكلمنا عن موضوع جهاز الانذار اللي حمسني الصراحة .. ونويت اني اركبه عن قريب ان شاء الله ..
وحأبقي أشرح لكم في موضوع منفصل تفصيلات عن جهاز الانذار نفسه .
==
اللطيف بقي انه قال انه بيحاول يطور في الجهاز ويربطه بدايرة اشارة بحيث اول ما تبعد عن العربية تفصل تماماً .. بدون الضغط علي زر او ريموت او ماشابه .
حاجة كده زي اشارة الراوتر لو تبعد عنه السرعة تقل لحد متفصل .. مع الفارق في التشبيه طبعاً .
==
بعد ما مشيت لاحظت نفس ملاحظة بيتر :)
رغم ان بعد التركيب مكنش العيب واضح كده خصوصاً ان كلام بيتر كان في دماغي بالحرف
ان النور بيضرب علي جناب العربية وفي ارتفاع اكصدام العربية اللي قصادي مش بيفرش علي الارض
وخمنت ان ده بسبب ضعف اللمبات او أن الفوج نفسه عاوز يتضبط
وكلمت الحج حمدي وقالي ابقي اعدي عليه يضبطه مفيش مشاكل ..
دي صورة للعربية


من الجدير بالذكر أن اضاءة الفوجات علي الطريق بسيطة جداً غير الصورة خالص ..
غير العربيات السيراتو مثلأً الفوجات بتاعتها تجيب عمي مزدوج :)
==
كانت تجربة لا بأس بها وشاكر جداً افضالكم
وتحت أمركم في أي حاجة ويارب أقدر اساعد ..

[bassem.naguib]

على فكرة خاصية الأوتو بتاعة النور في الدراع يستلزم وجود حساس للنور .. والحساس ده مش موجود إلا في العربية الأتوماتيك .. فكدة كدة مكنش حيبقى ليه لازمة لو كان الدراع فيه الأوتو .

بالنسبة لنور الكشافات حاول تجيب لمبات أقوي شوية (بس مش فاكر الوات بتاعها كام) .. وخلي بالك الوات ميكونش عالي قوي علشان ميأثرش على الفوج أو الضفيرة نفسها .

وفي انتظار المزيد من المشاركات .. خااااالص تحياتي .

[ehabpopo]

اللمبات 55 wat . وبتكون h3 وليها فيشة صغيرة ... ودى صورتها

والدراع اللى بيبيعة شخلول مافيهوش ال اوتو ... اما الدراع اللى فى ميدان الجامع فية ال اوتو ... علشان كدة اغلى من 100 جم ...

[mz_moataz]

اللمبات 55 wat . وبتكون h3 وليها فيشة صغيرة ... ودى صورتها

والدراع اللى بيبيعة شخلول مافيهوش ال اوتو ... اما الدراع اللى فى ميدان الجامع فية ال اوتو ... علشان كدة اغلى من 100 جم ...

إيهاب باشا ..
لا خاب من إستشار ..
شاكر جداً للإضافة ..
انا عربيتي أوتوماتيك .. ومفترض الدراع كان فيه الأوتو .. لكن بكل أمانة محصلش وأخدت بالي انه فارق
يعني يهيألي الضوء ثابت وهو علي الوضع Auto لا بيزيد ولا بينقصض علي عكس المفروض ..
==
وبما إني للأسف اتسرعت واشتريت الدراع من غير الاوتو .. فلا مناص إني إما أتكيف أو اشوفله بيعة أو أحاول مع شخلول أرجعه :) ( وده طبعاً من رابع المستحيلات )
==
وبخصوص اللمبات .. منين أقدر اجيبها ؟؟ وهل قدرتها تفوق اللي راكبة مع الكشاف ؟

[ehabpopo]

اسف على التأخير فى الرد ... بس اللمبات لازم تكون 55 wat... علشان ضفية الكهربة ... ولو ها تجيب لمبات اكبر منها فى الواط ... يبقى لازم تركب كتاوت وبكده هلتكون بتلعب فى ضفيرة الكهربا ... وده مش مستحب ... لان كشافات الشبورة اصلا خامتها زبالة ومش ها تستحمل شدت الاضائة كمان ...
ممكن تكيب نفس اللمبات بنفس الواط بس نوع نضيف ... انا سمعت ان التنجسرام نوعها نضيف بس ماجربتهاش ... وموجودة عن محل الاكسسوارات اللى قبل محل شخلول مباشرتا ... حتى لو رحت عند شخلول وسألت على المحل ... هايشورولك بسهولة علية *
وشفت ناس مركبين زينون ... بس ماعرفش قصتة اية ... وهل مركبين على الدراع ... ولا ليهم طريقة تانية ... الموضوع ده ممكن عم حمدى الكهربائى يفيدك فية

[melsheshtawy]

يا جماعة مع إحترامى لجميع الآراء .. أنا هختلف معاكو شوية
أنا شايف إن حكاية النور مش بيفرش قدام العربية دى مشكلة تصميم فى مكان وجود الفوانيس (حيث إنها موجوده فى أقصى الطرفين وبإرتفاع منخفض) وده باين جدا فى الصورة إللى ناشرها زميلنا الأستاذ معتز
وعلى فكرة أنا إعتقادى الشخصى إن نور الفوجات ده أساسا (من أيام مكنا بنسميه نور الشبورة) مش وظيفته أصلا يكشف الطريق بقدر ما وظيفتة يبين إن فى عربية مقابلة ويحدد أبعادها خصوصا وقت الشبورة بدون ما يأذى عين سائق السيارة المقابلة زى فكرة الفانوس الخلفى بتاع الشبورة كده فى إنه يوضح إن فى عربية ماشية)
ودى قناعتى من أيام عربيتى القديمة إللى كنت مش بعرف إن نور الفوج شغال ولا لأ إلا من اللمبه الخاصة بيه فى التابلوه

[mz_moataz]

يا جماعة مع إحترامى لجميع الآراء .. أنا هختلف معاكو شوية
أنا شايف إن حكاية النور مش بيفرش قدام العربية دى مشكلة تصميم فى مكان وجود الفوانيس (حيث إنها موجوده فى أقصى الطرفين وبإرتفاع منخفض) وده باين جدا فى الصورة إللى ناشرها زميلنا الأستاذ معتز
وعلى فكرة أنا إعتقادى الشخصى إن نور الفوجات ده أساسا (من أيام مكنا بنسميه نور الشبورة) مش وظيفته أصلا يكشف الطريق بقدر ما وظيفتة يبين إن فى عربية مقابلة ويحدد أبعادها خصوصا وقت الشبورة بدون ما يأذى عين سائق السيارة المقابلة زى فكرة الفانوس الخلفى بتاع الشبورة كده فى إنه يوضح إن فى عربية ماشية)
ودى قناعتى من أيام عربيتى القديمة إللى كنت مش بعرف إن نور الفوج شغال ولا لأ إلا من اللمبه الخاصة بيه فى التابلوه

والله ملاحظة جديرة بالأهتمام ..
الكشافات فعلأً مجنحة شوية لخارج إطار العربية ..
لكن عربيات تانية كتير كشافاتها في نفس المكان ..
وضوئها أقوي ..
كالسيراتو إن لم يخني الظن ..
وانا كل هدفي الصراحة اكشف المطبات دون الحاجة للضوء الواطي اللي بيجيب اصلاً عمي للي جاي في وشي :))

[melsheshtawy]

والله ملاحظة جديرة بالأهتمام ..
الكشافات فعلأً مجنحة شوية لخارج إطار العربية ..
لكن عربيات تانية كتير كشافاتها في نفس المكان ..
وضوئها أقوي ..
كالسيراتو إن لم يخني الظن ..
وانا كل هدفي الصراحة اكشف المطبات دون الحاجة للضوء الواطي اللي بيجيب اصلاً عمي للي جاي في وشي :))

أنا هقولك رأيى فى الموضوع ده برضه .... إتجاة الإضاءة بيعتمد أساسا على توجية القمرة داخل الفانوس (يعنى برضه التصميم ليه دور أساسى) بجانب إن عشان الحكم يكون مظبوط لازم تكون ركبت العربية وبصيت على الإضاءة وإنت داخل الصالون لأنك لو بتحكم على الإضاءة وإنت شايفها من برة العربية هتلاقيها كويسة جدا وشديدة (حتى فى سيارتك) لكن من جوه مش هتشوف أى حاجة لأنها مش راميه مسافة بعدية قدام العربية .. الإستثناء الوحيد فى ذلك ربما يكون التيجو وده ممكن يكون بسبب علو الفوانيس عن الأرض فبيهيأ لها فرصة تفرش على الأرض)
خلى بالك أنا ملاحظاتى كلها مبينه على سكنى فى دور عالى والشارع إضائته من قد كده فدايما بلاحظ إن أى فوج لايت فى أى عربية آخرة 3 - 4 متر قدامها منها طبعا جزء إنت مش بتشوفة أصلا من داخل العربية وده إللى بتبقى فى الإضاءة قوية وما عدا ذلك حتى المسافة المكشوفة بتكون بضوء أقل مستمحلكش تاخد أى رد فعل لو شفت حاجة وبناءا علية بأكد أن الفوجات أكبر إشتغالة فى كشف الطريق وكل دورها تحديد السيارة للمقابل فى الشبورة ودى وجهه نظر شخصية تحتمل الصواب أو الخطأ

[mody112]

هات لمبتين اوسرام 55 وات من التوفيقية الواحدة ب 14 ج المانى

[peter magdy]

بصو يا جماعة
خلاصة نور الشبورة بعد عدة تجارب مع عم حمدى
اولا اللمبة اللى بتيجى مع كشاف الشبورة نفسة ملهاش لازمة غير انها منظر لكن اضاة ضايعة
استاذ هانى قدر يوصل لتوكيل فيلبس و مشكورا اتصل بيا و قالى علية علشان كنت بسأل علية
غيرت نور الكشاف اللى فوق طقم
فية اللمبة اللى بتنور مع التبلوة ( اللمبة الضعيفة قوى ) و معاهم لمبة الواطى -للون الابيض شبية الزينون
و غيرت اللمبتين بتوع الشبورة بردو
روحت لعم حمدى و ركبهم - نور اللى طالع من الكشاف قوى جدا لكن مشتت مش مركز على الارض
بعدها بومين روحت تانى لعم حمدى و شلت العدسة اللى قدام اللمبة فى الشبورة ( الفكرة جاتلى علشان شبورة كيا سيراتو و اسبرنزا تيكو كدة من غير عدسة ) فقلت اعمل زيهم
فعلا النور بقى اقوى لكن المشكلة بردو النور مشتت
لكن بيضهر حلو لو فعلا فى شارع مظلم بيبقو فرشين فى الارض بوضوع لكن لو فى الشوراع العادية مش هتحس انهم منورين اصلا
--------------------------
لمبة زى النور العالى بتاع الكشاف العادى اللى فوق ( لمبة النور العالى ) هل ممكن تركب فى الشبورة دى
طبعا هيا مش نفس المقاس لكن ممكن يبقى فى طريقة تتركب بيها - اكيد نورها هيبقى قوى
بس المشكلة ان الكشاف نفسة مش حلو علشان بيشتت الاضاءة بس مع اللمبة هيبقى نورها قوى بس ممكن تضايق اللى قدامك
دى خلاصى كشاف الشبورة