مفتاح السياره والريموت

[yasser_z9]

هل يمكن استخراج نسخه من المفتاح والريموت الخاص بالسياره
وما الحل اذا فقد الريموت والمفتاح القديم هل يمكن تغير الشفره بحيث لا يعمل السياره اذا كان قد سرق

[bassem.naguib]

أسأل التوكيل على إمكانية تغيير الشفرة .. أما المفتاح فهو عادي ومفيهوش شريحة .. وبالتالي لو شاكك أنه اتسرق .. يفضل تغيير طقم الكوالين كلها .

[megamoro]

اى بتاع مفاتيح يعملوا ب 10 جنية

[yasser_z9]

850 جنيه تكلفه تغير المفتاح والكوالين والريموت
بصراحه مبلغ عالى جدا بس مش لاقى حل تانى
ياريت لو حد عند فكره تانى يقولى انا منتظر صيانه ال 10000 كليو علشان المشوار بتاعى بعيد

[bassem.naguib]

أنت بتقول أنك شاكك أن المفتاح اتسرق بالريموت .. فلابد من تغيير طقم الكوالين كلها (ده من رأيي) .

أما بالنسبة للتشفير ففيه مراكز بتشفر ريموتات .. إنما تغيير الشفرة للجهاز نفسه فالله وأعلم في إمكانيتها .

[bassem.naguib]

http://www.nilemotors.net/Nile/272276-a.html

موضوع مشابهة لموضوع حضرتك .. وفيه مناقشات قد تكون مفيدة ليك .

[gad_fcis]

850 جنيه تكلفه تغير المفتاح والكوالين والريموت
معلش أنا شايف إن دة مبلغ مش كبير خالص

[mody112]

متهيالى ان التكلفة دى هتبقى شاملة تغيير جهاز الايموبيليزر كمان لان انا اللى اعرفه ان كل جهاز بييجى بمفاتيحه وريموتاته عشان الشفرة بتاعتهم تبقى كاملة متكاملة

[muslem]

ضرورى يا جماعه الخير ... انا حصل معايا نفس المشكلة ضاعت المفاتيح و انا فى القاهرة و لكن العربية حاليا في الاسكندرية فكنت عايز اسأل التوكيل فى الاسكندرية لكن الرقم مش بيلقط اللى هو 4703330 و كان فى نمرة للبشمهندس محمود فى توكيل اسكندرية لكن مش عارفها و مش عارف اجيبها من انهى موضوع نسيت لان عايز اعرف اجيب كام معايا و مش عايز اشيل زيادة كبيرة لان حبقي مواصلات و تغيير الكواليين حيبقي بالريموت ديما ولة لا لو حد عنده معلومة لان فى بتاع مفاتيح بيقول حيغير لى الكواليين ب300 بس