يا اهل الخير عايز اشترى الوحش بى واى دى اف3 المانيوال

[tarekhassan88]

السلام عليكم

الحقيقه انا معجب جدا بال بى واى دى اف 3 ( المانيوال )

بس مش معايا فلوسها زيرو و عايز اشتريها مستعمل و عايز اعرف شويه تفاصيل كده

اولا عايز اعرف التجميع المصرى بدا من موديل سنة كام

ثانيا سمعت ان موديل 2010 فيه شويه مشاكل زى الصاج اللى بيصدى و عايز اتاكد من الموضوع ده

ثالثا كمعلومات انا عرفتها بالنسبه لسعر الزيرو فى كل سنه فكانت كالتالى ( المانيوال )

سنة 2010 كان سعر الزيرو وقتها حوالى 66000 جنيه

سنه 2011 كان سعر الزيرو زقتها حوالى 70000 جنيه

سنه 2012 كان سعر الزيرو وقتها حوالى 73000 جنيه ( التعديلات الجديده )

سنة 2013 سعر الزيرو حوالى 78000 جنيه

اخيرا عايز اعرف من الخبراء الموجودين هنا رنج للسعر بالنسبه للسياره المستعمله طبعا ( عارف ان كل سياره حسب ظروفها بس انا بتكلم فى رنج سعر بالتقريب لكل سنه )

معلش انا طالب طلبات كتير جدا بس عارف ان الاعضاء المحترمين و اللى بيحبوا الخير اكيد هيساعدونى

مستنى ردودكم و شكرا مقدما

[ahmedselaraby]

خد فكره عامه على أسعار المستعمل من الروابط ديه

http://www.car100100.com/makecars.php?make_id=40

http://www........cars.com/usedcars_...1&CarModel=386

http://eg.hatla2ee.com/ar/car/search?make=6&city=0&dateMin=0&dateMax=0&model=114&body=&priceMin=&priceMax=

[url=http://www.carsdir.com/carsforsale.asp?CountryID=70&MakeID=82&ModelID=253 9&YearFrom=0&YearTo=0&PriceFrom=0&PriceTo=0]

[ahmedselaraby]

اكتشفت ان المنتدى بيلغى الروابط المنافسه اتوماتيك عشان كده بعض الروابط مش حتفتح

بس ممكن حوجل يفيدك

[tarekhassan88]

خد فكره عامه على أسعار المستعمل من الروابط ديه

http://www.car100100.com/makecars.php?make_id=40

http://www........cars.com/usedcars_...1&carmodel=386

http://eg.hatla2ee.com/ar/car/search?make=6&city=0&datemin=0&datemax=0&model=114&body=&pricemin=&pricemax=

[url=http://www.carsdir.com/carsforsale.asp?countryid=70&makeid=82&modelid=253 9&yearfrom=0&yearto=0&pricefrom=0&priceto=0]

كالعاده رائع يا احمد باشا

جزاك الله خير

ومستنى المزيد من باقى الاعضاء

[bassem.naguib]

بص يا طارق باشا .. عليك وعلى الاستخارة أولاً وأخيراً لأن اعجابك بالشيء (أياً كان) مش كفاية لأنه ممكن ربنا ميكونش كاتب ليك خير فيها زي ما أنت متصور بالرغم من أنها كويسة .. والعكس صحيح .

رنج الاسعار في تصوري لسنة 2010 أو 2011 ممكن يوصل لنهاية الخمسينات (55 : 59) لو حالة العربية بصفة عامة جيدة جداً .

وفي انتظار المزيد من الأراء

[tarekhassan88]

بص يا طارق باشا .. عليك وعلى الاستخارة أولاً وأخيراً لأن اعجابك بالشيء (أياً كان) مش كفاية لأنه ممكن ربنا ميكونش كاتب ليك خير فيها زي ما أنت متصور بالرغم من أنها كويسة .. والعكس صحيح .

رنج الاسعار في تصوري لسنة 2010 أو 2011 ممكن يوصل لنهاية الخمسينات (55 : 59) لو حالة العربية بصفة عامة جيدة جداً .

وفي انتظار المزيد من الأراء

جزاك الله خيرا استاذ باسم

واكيد طبعا الاستخاره من اهم الاشياء و اكيد طبعا هعمل استخاره و ربنا يوفقنى للى فيه الخير


معلش هتقل على حضرتك كنت عايز كمان اعرف سعر 2012 و حالتها جيده جدا و عامله كيلو قليل ممكن تبقى كام ( الشكل قبل التعديلات يعنى اول 2012 )

و كمان عايز اسال على موضوع الصدا اللى بيظهر فى الصاج ده و هل ده موجود فى كل الموديلات و لا مرتبط بموديلات معينه و هل ليه حل لو ظهر و شكرا مقدما


و منتظر باقى الردود من الاعضاء المحترمين

[megamoro]

موضوع صدا الصاج فى كل الموديلات للبى واى دى يا عزيزى لان شركة الامل مش بتحط المادة المانعة للصدا قبل الدهان بيوفروا وبيجيبوا الواد زلطة المكوجى يجى يدهن السيارات بتاعتهم وان كان علي حسن سليمان كان ادالك السيارة على الصاج وقالك ادهن اللون اللى تحبة دى شركة الامل وانا عارفهم حبايبى

[bassem.naguib]

جزاك الله خيرا استاذ باسم

واكيد طبعا الاستخاره من اهم الاشياء و اكيد طبعا هعمل استخاره و ربنا يوفقنى للى فيه الخير


معلش هتقل على حضرتك كنت عايز كمان اعرف سعر 2012 و حالتها جيده جدا و عامله كيلو قليل ممكن تبقى كام ( الشكل قبل التعديلات يعنى اول 2012 )

و كمان عايز اسال على موضوع الصدا اللى بيظهر فى الصاج ده و هل ده موجود فى كل الموديلات و لا مرتبط بموديلات معينه و هل ليه حل لو ظهر و شكرا مقدما


و منتظر باقى الردود من الاعضاء المحترمين

سعر 2012 في تصوري ممكن لو حالة كويسة وكيلو متر قليل .. ممكن تعمل في رنج (65 : 68) وأنت وشطارتك في الآخر في الفصال .. والله وأعلم .

والموضوع ده حيكون الرد فيه من أستاذ/ شريف أفيد وأقيم وأجدر على الإجابة الدقيقة .

http://www.nilemotors.net/Nile/329130-a.html

بالنسبة لموضوع الصدأ .. علشان نجيب الناهية في الموضوع ده بالذات .. أي عربية بتتجمع في مصر من أي ماركة .. ينقصها مراقبة الجودة عليها بدرجة أو بأخرى ومن ماركة لأخرى أيضاً .. سواء في الصناعة نفسها أو في التقفيل .. وبجولة صغيرة في الأقسام الأخرى حتسمع وتشوف عجب العجاب في ماركات وموديلات التقفيل المصري .. اللي يقولك البوية بهتت واتقشرت واللي يقول ظهر صدأ في أماكن شكلها مترشش قبل كدة ... إلخ

من وجهة نظري أيضاً الدهان بتاع البي واي دي ضعيف شوية وبه تقصير في بعض المناطق وإن كان تحسن نوعاً ما في الدفعات الأخيرة .. بس حكاية أنها مش معزولة تماماً أو ما شابه مستبعد .

ولعلمك النقاش في أي قسم بيتعمق في كل المشاكل الصغيرة والكبيرة اللي بيواجهها ملاكها .. والعبرة إذا كانت المشكلة مزمنة ومتكررة بصفة دائمة أم لا .. وهل يمكن تداركها أم لا .

وأترك الحكم النهائي في هذه النقطة لملاك العربية فهم الأجدر بالتحدث عنها عما إذا كانت مزمنة وليس لها حل أم أنها قابلة للحل .

[tarekhassan88]

شكرا استاذ باسم على مجهودك و الحقيقه الخدمه الخاصه بتقييم المستعمل دى فكره ممتازه جدا


منتظر راى باقى الاعضاء

[tarekhassan88]

موضوع صدا الصاج فى كل الموديلات للبى واى دى يا عزيزى لان شركة الامل مش بتحط المادة المانعة للصدا قبل الدهان بيوفروا وبيجيبوا الواد زلطة المكوجى يجى يدهن السيارات بتاعتهم وان كان علي حسن سليمان كان ادالك السيارة على الصاج وقالك ادهن اللون اللى تحبة دى شركة الامل وانا عارفهم حبايبى

يا باشا شكل العربيه تعباك و مش مريحاك أنا رأى انك تعرضها للبيع و تريح نفسك من مشاكلها

[tarekhassan88]

لا زلت منتظر الكثير من الاعضاء المحترمين و شكرا

[tarekhassan88]

منتظر

[bassem.naguib]

ما تردوا على الراجل يا جماعة !!! فيه أيه ؟!

[ahmedselaraby]

خرجت أول سيارات بي واي دي فئة f3 من خط الإنتاج بمصر في 13 ديسمبر 2009

و فعلا دهان التقفيل الصينى أفضل من اللى متجمعه فى مصر

بس لو لقيت واحده موديل 2010 تقفيل مصرى مافيهاش صدأ بعد الكشف عليها يبقى خلاص 100%

[amagroup]

بص انا لو هجيب صيني افضل اجيب اسبرانزا لانها ااثبتت وجودها برغم بعض العيوب لكن في النهايه اضمن من أي حاجه تانيه اما بقي أي نوع تاني فانا بخاف منه ومبصقش فيه مع اني معجب جدا بbyd كمان بريليانس