كومبريسور تكييف البى واى دى f3

[mostafa123]

السلام عليكم ورحمة الله وبركاته
الإخوة الأفاضل جميعا ..
الكومبريسور الخاص بالتكييف الله يرحمه إذ فجأة وبدون أى مقدمات
المهم أريد أن أغير الكومبريسور ولكن بماركة أخرى غير الموجودة بالتوكيل
التكييف من أول يوم وده كتبته فى مداخلاتى من سنتين ونص إنه أداءه ضعبف جدا ولا يبرد بالشكل المناسب ده غير المشكلة اللى كانت فى مروحة التكييف وإتغيرت بطلوع الروح طبعا ده غير المشكلة المزمنة بتاعة مفتاح توزيع هواء التكييف اللى تتصلح من هنا وتبوظ تانى يوم من هنا .. بصراحة أسوء أداء تكييف شفته فى عربية ملاكى فى حياتى ...
المهم تنصحونى بإيه وبأى ماركة ..
وإيه اللى يركب عليها ..
وسعره كام ..
وهل صحيح لازم أغير السربنتينة كمان والـ Expansion Valve . أصل سمعت إمبارح والنهارده كمية إفتاءات غير عادية بعد ما عديت على عشرة من بتوع التكييف منهم اللى جهله واضح بين ومنهم اللى نصبه أوضح من ضوء النهار زى المراكبى اللى فى جسر السويس وأنصحكم تبعدوا عنه حتى لو شاطر لإن الأسعار اللى قالها لى تدل فعلا إنه نصاب كبير ..

وبالتالى وهى المشكلة الأكبر .. أروح لمين عنده دم وضمير يركب لى الكومبريسور ويظبط التكييف ...

أفتونا مأجورين غير مأزورين إن شاء الله

شكرا لمساعداتكم مقدما

[ZOoOoMA]

تكييفات ساندن

[lonedoctor]

اظن انه المكيف بتاع حضرتك كان فيه عيب تصنيع من الاول واظن انه ده حالة فردية لان مكيف السيارة افضل شئ فيها اساسا ولا يوجد شكاوى منه على الاطلاق وانا اعرف انه كمبروسور الميتسوبسشى بيركب عليها وممكن تشتريه استيراد مستعمل

[mostafa123]

تكييفات ساندن

شكرا لك
ألاقيه فين وبكام ومين يركبه ..؟؟
بس يكون جديد مش إستيراد

[ahmed1981]

ديافيا بكوبري القبة من جسر السويس بعد الششنجي على اليمين
متخصصين جداً
وغاليين شوية
روح اعرض عليهم الأمر يمكن يدولك سعر كويس

أو
هاي كول (تقريباً إسمهم كده)
خلف سوق القنال بمنطقة قباء
يمين الجامع اللي ورا سوق القنال

-

[mostafa123]

اظن انه المكيف بتاع حضرتك كان فيه عيب تصنيع من الاول واظن انه ده حالة فردية لان مكيف السيارة افضل شئ فيها اساسا ولا يوجد شكاوى منه على الاطلاق وانا اعرف انه كمبروسور الميتسوبسشى بيركب عليها وممكن تشتريه استيراد مستعمل

شكرا لك على الإستجابة

المشكلة إنه يكون عندك مشكلة وإنت عارفها وتقول التوكيل عليها من أول خمسة ألاف أو أقل كمان ولكن مركز الخدمة واللى فيه يصر على إننا حمير ما بنعرفش نركب وكأننا أول مرة نركب عربية فى حياتنا ..

أنا عارف إن التكييف فيه مشكلة هو نظام توزيع الهواء فى العربية ده غير إن العزل بتاع العربية زى الزفت والطين وكل ده بلغت بيه .. يعنى يقول لك التكييف كويس وشحنه حلو .. ونظام توزيع الهواء من الفتحات اللى خلانى أشوف الأمرين بيبوظ كل شوية .. ده غير إن والعربية مقفلة تماما فى سخونية طالعة من تحت رجلى يعنى سخونة الموتور بتدخل العربية .. ده غير إن كل الروائح خارج العربية بتدخل جوة العربية حتى وهى مقفلة تماما ...

أنا حاسس إنى لو شلت التابلوه هلاقى قصادى الموتور على طول ومش هلاقى لا عزل ولا يحزنون ..

أخيرا أنا رافض فكرة الإستيراد تماما لإنها عاملة زى البطيخة إنت وحظك وممكن الواحد يلف حوالين نفسه يركب ويفك لحد ما يلاقى حاجة معقولة .. ده غير قلة الضمير غير الطبيعية اللى بقت فى الصنايعية وبيبقوا شايفين الواحد عبارة عن زكيبة فلوس حلال سرقتها ..

المراكبى اللى فى جسر السويس قال لى أركب لك واحد إستيراد ب 800 جنيه أو جديد فوق الألفين جنيه بشوية .. قلته له الإستيراد ده إيه .. ؟؟ قال صينى بى واى دى بتاع بلادها .. والجديد برضه صينى بى واى دى بتاع بلادها ... !!!!

شكرا لك

[mostafa123]

ديافيا بكوبري القبة من جسر السويس بعد الششنجي على اليمين
متخصصين جداً
وغاليين شوية
روح اعرض عليهم الأمر يمكن يدولك سعر كويس

أو
هاي كول (تقريباً إسمهم كده)
خلف سوق القنال بمنطقة قباء
يمين الجامع اللي ورا سوق القنال

-

جزاك الله خيرا ..
سوق القنال قريب منى .. أروح واشوفهم ..
المشكلة إنى عايز أعرف الأسعار تقريبيا قبل ما أروح علشان ما يبيعوش ويشتروا في ..

عندك أى فكرة البى واى دى يركب لها إيه وسعره كام جديد ...؟؟

جزاك الله خيرا مرة أخرى

[ahmed1981]

جزاك الله خيرا ..
سوق القنال قريب منى .. أروح واشوفهم ..
المشكلة إنى عايز أعرف الأسعار تقريبيا قبل ما أروح علشان ما يبيعوش ويشتروا في ..

عندك أى فكرة البى واى دى يركب لها إيه وسعره كام جديد ...؟؟

جزاك الله خيرا مرة أخرى

العربيات الصيني ميزتها إنها أصلاً متولفة من عربيات ياباني
وبالتالي بيكون التوليف ليها سهل
وال بي واي دي إف3 بيركبلها حاجات من الكورولا وحاجات من اللانسر
أكيد لو فني كويس هيعرف يقلك بيركبها إيه
ومش شرط إن الكمبريسور الصيني وحش
في الغالب بيكون كويس إلا لو فيه عيب صناعة

أنا كنت مركب للشاهين كباس ساندن ياباني ولسبب ما غيرته وركبت واحد صيني أصغر
وكان أداؤه زي الياباني بالظبط

-

[gad_fcis]

الرجل دة كل الناس بتشكر فيه ، كلمه و شوف إيه النظام
مهندس: أحمد حنفى
رقم التليفون:01065020100
العنوان : شارع التعاون بالمعادى قريبا من نادى المعادى و جامع الفتح الاسلامى و مكتب صحة المعادى
التخصص : كهرباء وتكيف لجميع انواع السيارات بمختلف انواعها وموديلاتها

[mostafa123]

الرجل دة كل الناس بتشكر فيه ، كلمه و شوف إيه النظام
مهندس: أحمد حنفى
رقم التليفون:01065020100
العنوان : شارع التعاون بالمعادى قريبا من نادى المعادى و جامع الفتح الاسلامى و مكتب صحة المعادى
التخصص : كهرباء وتكيف لجميع انواع السيارات بمختلف انواعها وموديلاتها

جزاك الله كل خير
هاتصل بيه بعد ما أخد رد نهائى من كوول إير اللى فى قباء ...
أنا رحت له النهارده ولسه هيسأل على الأسعار ويرد لى على بكره أو يوم الإثنين ..
المشكلة إنه بيقول العربية لازم تبات عنده لإن فيها شغل كثير لإنه هيفك التابلوه ..
بس أنا الصراحة مابحبش العربية تبات عند صنايعى حتى ولو أنا عارفه ..


الغريبة بقى .. مفيش واحد رحت له إلا وإستعجب وقال لى بدرى قوى الكومبريسور يبوظ فى عربية موديل 2011 .. خصوصا إنى ماشغلتوش كثير .. العربية عدى عليها موسمين صيف فقط ومالحقتش تدخل فى الثالث وتكييفها يضرب

شكرا شركة الأمل .. بتعرفوا فعلا تطهقوا الناس فى العربية بسبب عدم رقابة الجودة فى مصنع التجميع اللى النظام فيه أكيد لا يمكن يختلف عن ما نلاقيه فى مراكز الخدمة .. المهم العربية تتجمع بأى شكل والزبون يلبس وبعد كده يخبط دماغه فى الحيط

[mostafa123]

حد عنده علم بسعر الكومبريسور الصغير اللى بيركب فى العربية من الشركة ..؟؟
أنا بسأل علشان فى حالة لو الحلول قفلت قدامى واضطررت لشراء الكومبريسور الصينى ...
وهل فيه محل بيبيع كومبريسورات البى واى دى ..؟؟
أنا أتصلت بمركز صيانة إسكندرية وقال لى مفيش غير الكبير و سعره 1200 جنيه والصغير مش موجود ..
ولسه هيوصل المركز يا الأسبوع اللى جاى أو اللى بعده وسعره لم يحدد بعد لإنه متوقف على الجمارك كما أخبرنى الطرف الأخر على التليفون ..
واعتقد برضه إنه غير موجود فى القطامية ولا الشرابية ..
واللى عايز يركب بيركب الكبير وبيغيروا المواسير والقواعد والله أعلم بيغيروا إيه تانى ..
طيب ليه الشركة مابتوفرش حتى قطعة الغيار الأصلية فى العربيات اللى هى إنتجتها ..؟؟؟

[ehabpopo]

الله يكون فى عون حضرتك ... يا ريتك فى الضمان ... كنت تبعت شكوة لحماية المستهلك
........ ربنا يعوض عليك ............

[mostafa123]

الله يكون فى عون حضرتك ... يا ريتك فى الضمان ... كنت تبعت شكوة لحماية المستهلك
........ ربنا يعوض عليك ............

أستاذى الفاضل ..
أنا طلعت نفسى بنفسى من الضمان والعربية كانت لسه عاملة 25 الف كم بس ..
الضمان ده أكذوبة كبرى خصوصا لما تشتكى من حاجة ويأكد كلامك كذا صنايعى بره وتروح التوكيل ويقول لك لأ مفيش حاجة .. كله مظبوط ...
حاجة فعلا تفور الدم
وأكبر مثال حصل معايا المساعدين اللى بقى مالهاش أى تلاتين لازمة من خمسة ألاف كم فقط ..
أقسم بالله العظيم الذى لا إله إلا هو ..
أنا ركبت العربية حوالى 3 شهور بدون حمل لا فى الشنطة ولا على الكنبة اللى ورا وأكثر حمل هو أولادى لإنهم صغار الحجم والسن وكلهم على بعض مايعملوش حوالى 150 كم .. وفى الوقت ده كنت مستمتع جدا بعلو العربية عن الأرض وعدم إحتكاكها بالمطبات
مع أول أول إختبار حقيقى بعد 3 شهور من شراء العربية والكنبة إتملت العربية هبطت وسحفت والمطبات بقت شئ كارثى بالنسبة لى .. ومن يومها والعربية تقريبا مافيهاش مساعدين
يبقى أنا أروح زى الأهبل أعمل إيه فى توكيل العميل عنده مشروع نصاب عايز ينصب عليه ويغير الحاجة وخلاص ..؟؟
لما أعوز أعمل حاجة مهمة أروح مركز إسكندرية وأخر مرة رحت غيرت السيور .. غير كده بقى مستحيل إنى أروح إسكندرية كل 5 ألاف كم لإن السفر مرهق جدا ده غير إنى مش فاضى ...
فكان لازم أطلع نفسى من ضمان وهمى ليس له أى وجود

[lonedoctor]

طيب بدل ما تدفع 800 جنيه فى كمبريسور صينى مستعمل ماتركب بتاع الميتسوبيشى مستعمل برضه واسال عليه وشوف

[mostafa123]

طيب بدل ما تدفع 800 جنيه فى كمبريسور صينى مستعمل ماتركب بتاع الميتسوبيشى مستعمل برضه واسال عليه وشوف

الكومبريسور الصينى الصغير من الشركة أعتقد إن هو فى حدود 800 جنيه أقل أو أكثر. إنما اللى قالى إن سعره 800 جنيه مستعمل الراجل اللى إسمه المراكبى اللى فى جسر السويس والجديد منه فوق الـ 2000 جنيه .. علشان كده قلت واضح إنه نصاب ... لإنه أكد على إن الكومبريسور مستعمل أو جديد هيبقى صينى بتاع البى واى دى