مراسلة الشركة الأم و إرسال الشكاوى

[mostafa123]

برجاء مراعاة أن لا يحيد النقد عن مجراه .

نقد إيه يا سيدى الفاضل ..؟؟ هو إحنا بنتكلم سياسة ..؟؟
إحنا بنتكلم على شركة بتنصب علينا ..
أجزاء فى العربية بتبوظ فى الضمان والتوكيل بيستهبل ومش عايز يغير ..
وأنا مش أول واحد يحصل معاه الكلام ده
وياريت تروح موضوع الكومبريسور علشان تشوف أخر أوجه النصب بتاعة الشركة ..
طالما بيستهبلوا يبقى يقابلوا بقى ويستحملوا ..
موضوع حماية المستهلك والكلام ده إيدك منه والأرض وعايز ناس فاضية وما أحب على قلب التوكيل منه ..
أنا باتكلم بوقائع والتاريخ يشهد منذ صيانة الألف إلى اليوم ولم نلقى إلا إستهبال وإستعباط من التوكيل ..
وإن شاء الله هننشر كل إستهبالاتهم وهنتكلم عليها ويبقوا يورونا يعرفوا يقنعوا واحد يدخل هنا فى المنتدى يشترى العربية ولا لأ ..
التوكيل يتعدل ويحترم عملاءه هنحترمه ونشجعه ونشجع العربية ..
يستهبل.. مش هنشتغل مطبلاتية وهنحذر الناس منهم وبعد كده الناس حرة تشترى ما تشتريش مش مشكلتنا ..

[bassem.naguib]

أولاً وأخيراً .. أنا متضامن معاك قلباً وقالباً .. بل ومتعاطف معاك في المشكلة اللي أنت فيها وبتعاني منها .

كل ما أقصده يا سيدي المحترم .. هو أن لا نتجاوز في اللفظ أو القول .. ثم متنساش أن العقد شريعة المتعاقدين وأنت اللي خرجت نفسك بره الضمان بإرادتك بسبب سوء خدمتهم .. ولو كنت عاوز تاخد حقك بشكل كامل وقانوني كان لازم تلتزم بشروط الضمان .. ويكون نفسك أطول من كدة معاهم .. وده حال معظم التوكيلات في مصر .. ولو مش مصدقني القي نظره على الأقسام الأخرى .

نقد إيه يا سيدى الفاضل ..؟؟ هو إحنا بنتكلم سياسة ..؟؟
إحنا بنتكلم على شركة بتنصب علينا ..
أجزاء فى العربية بتبوظ فى الضمان والتوكيل بيستهبلومش عايز يغير ..
وأنا مش أول واحد يحصل معاه الكلام ده
وياريت تروح موضوع الكومبريسور علشان تشوف أخر أوجه النصب بتاعة الشركة ..
طالما بيستهبلوا يبقى يقابلوا بقى ويستحملوا ..
موضوع حماية المستهلك والكلام ده إيدك منه والأرض وعايز ناس فاضية وما أحب على قلب التوكيل منه ..
أنا باتكلم بوقائع والتاريخ يشهد منذ صيانة الألف إلى اليوم ولم نلقى إلا إستهبال وإستعباط من التوكيل ..
وإن شاء الله هننشر كل إستهبالاتهم وهنتكلم عليها ويبقوا يورونا يعرفوا يقنعوا واحد يدخل هنا فى المنتدى يشترى العربية ولا لأ ..
التوكيل يتعدل ويحترم عملاءه هنحترمه ونشجعه ونشجع العربية ..
يستهبل.. مش هنشتغل مطبلاتية وهنحذر الناس منهم وبعد كده الناس حرة تشترى ما تشتريش مش مشكلتنا ..

أنا عن نفسي سأضع جملة " مش حنشتغل مطبلاتية " على أن محملها جيد .. وأكيد أنت تقصد ذلك .. فأنت انسان محترم وعلى قدر كبير من العلم كما عهدناك .. ولكني أربأ بك وبباقي الأعضاء المحترمين أن تقال ألفاظ تحوي شخصنة وسباب لأحد حفاظاً على تقاليد المنتدى .

خطوة جيدة وشكرا على الإيميل ..
هابعت لهم إن شاء الله على موضوع المساعدين وموضوع التكييف اللى إشتكيت منهم من زمان وفضلوا يستهبلوا لحد ما زهقوا الواحد وطهقوه فى عيشته وخلوه يطلع بالعربية من الضمان بنفسه .. برضه نقول لهم على زيت التموين اللى مصرين يحطوه فى العربية بتاع موبيل ولو العميل أصر إنه يحط زيت تانى بيمضوه إقرار إنهم غير مسؤولين عن اللى ممكن يحصل فى الموتور .. يعنى مجرد إنك تغير زيت مش على مزاجهم ده معناه إنه الموتور خرج برة الضمان .. منتهى الخبث واللؤم .. ده غير كمية الجهل والتناحة فى كل الموجودين فى مركز القطامية فى موضوع الزيت ده .. بيحسسوا الواحد إن العربية ممكن تنفجر لو ماحطتش زيت الزفت موبيل ده ..

فعلا هو ده الحل مع الشركة لكى تحترم عملاءها ولا تعاملهم كما ولو أنهم مجموعة من اللصوص والنصابين فى حين أن الواقع يقول إننا نتعرض لنصب مقنع .. وكل ده مذكور فى مداخلاتى القديمة والبلاوى اللى شفتها فى مركز الهباب القطامية

شركة الأمل للنصب المقنع

كل دي الفاظ كان يمكن الاستعاضه عنها بعبارات أخرى تؤدي نفس الغرض ولكن بشكل أفضل .. منعاً لحدوث المزيد من التجاوزات في المشاركات القادمة .. وإلا تحولنا إلى منتدى سباب وشتائم مش عرض للمشكلة وكيفية حلها .


وفي النهاية لا يسعني القول إلا أن أقول ربنا معاك .. وكان ممكن تاخد حقك بشكل قانوني لو كنت مستمر في الضمان .. وكل شيء قسمة ونصيب .. خاااالص تحياتي .

[ahmedselaraby]

طبعا انا مقدر غضبك و حقك


بس أخذ الحق حرفه على رأى أخونا الكبير أستاذ باسم


و لو اتكلمنا يبقى لازم نتكلم فى حقائق مش كلام إنفعالى و عاطفى


عشان خاطرى ريحنى و شيل الجمله اللى انت كاتبها ان التوكيل هو الأسوأ


عشان ديه حقيقه غير مؤكده ,, سيادتك ماتعاملتش مع كل التوكيلات عشان تجزم بالكلام ده

و ربنا يسهل ان شاء الله و نعرف نجيبلك حقك


شكرا لتفهمك


و يا ريت تحضر معانا مقابله القسم الصينى يوم الخميس القادم 30/5

[megamoro]

يا حبايب شركة الامل والمدافعين عنها فى الباطل بطلوا بقى نظام الطبل والزمر على رأى الراجل اجمل حاجة فى شركة الامل انها ملهاش دعوة بالمنتدى اللى عمالين تشتموا فية الشركة وماشية بنفس السياسة بتحسسونى انكم بتكتبوا فى جريدة الدستور ولا الوفد والشعب كلة حيقرأ المعاناة بتاعة الناس مع شركة الامل شركة الامل بتقول لكم اخبطوا راسكوا فى الحيط خليهم يلعبوا