حاجة غريبة بعد الاستلام..

[MAHA2MAHA2000]

الحمد لله استلمت f0 و إن شاء الله بكره اروح المرور

الغريب بقة اني بفتح العربية مش عايزة تتفتح

غير بعد محاولات كتيرة بالريموت او بالكارت الذكي غيرت البطريات بتاعت الاتنين

و برضه نفس الموضوع

يا ترى حد عنده تفسير للحركة ديه

[bassem.naguib]

الباب اللي مش عاوز يتفتح ولا العربية مش راضية تدور .

[MAHA2MAHA2000]

المسوجر يا باشا مش عايز يتفتح لا بالزرار بتاع السمارت كارد و لا بالريموت

رحت غير بطارية الاتنين

و درضه لازم تضغط علي الريموت او الزرار كذا مرة عشان المسوجر يفتح

و لما دخلت الموضوع عادي

و لما تحاول تقفل نفس الحكاية برضه

لازم الضغط كذا مرة عشان تقفل

يا ترى ايه السبب

[bassem.naguib]

اعتقد أن التلميسات بتاعة الريموت من الداخل عاوزة تتنضف .. أو التكويد بتاع الريموت والكارت بيعلق .. بس قبل ما تعمل أي حاجة .. يا ريت تتصل بالتوكيل وتشوف المشكلة دي علشان الضمان .

[hossam165]

بلاش استعجال في الترخيص وشوف الكتالوج بيقول ايه في الموضوع ده
اذا وجدت شيء مخالف عما يحدث معك
مترخصش العربية وروح علي المعرض تاني
يا اما يحللك المشكلة
يا اما يغيرلك العربية وتمسك بحقق يا صديقي
فاذا قمت بالترخيص انسي اي شيء ممكن يتعمل العربية بقت بتاعتك رضيت ام ابيت
ومهما كان العيب كبير او بسيط

[MAHA2MAHA2000]

شكرا علي الرد و إن شاء الله اكلم الشركة بكره الصبح

[esam123]

متابع

[MAHA2MAHA2000]

آسف علي التأخير يا شباب

الحمد لله العربية الصبح و لا كان فيها اي حاجة

و غيرت مكانها و جربت كانت زي الفل

كررتها معايا لما ركنت في نفس المكان تحت البيت

غير كده الحمد لله زي الفل

يبدو ان في حد عنده لاسلكي او حاجة بتأثر علي الموجات

زي ما كان مكتوب في الكتالوج

و آسف جدا علي تأخر الرد بس كنت مشغول شويتين

[bassem.naguib]

مش شرط يكون مجال مغناطيسي .. ممكن يكون مكان فيه كابلات كهربا أو ما شابه .

والحمد لله أن المشكلة اتحلت .. بس يا ريت تبقى متابع معانا باستمرار عن أداء العربية وتقييمك لها .

[MAHA2MAHA2000]

ان شاء الله يا باسم باشا

و كلنا نستفيد بتجارب بعض

[Muahmmad Honda]

الف مبروك يا باشا :)

[MAHA2MAHA2000]

الله يبارك فيك يا باشا و عقبالك ان شاء الله