دخلت على وحدة مرور وكان فيه تفتيش على الرخص

[aboalmaty]

دخلت على وحدة مرور وكان فيه تفتيش على الرخص المهم طلعت رخصتي ورخصة العربية طبعا العربية مش باسمي فقال لي معك توكيل قلت له هو فيه توكيل بس مش معايا دلوقتي
اعطى الرخصتين لعسكري وراح يفحصهم رحت معه بحث على الكمبيوتر واعطى الرخصتين لعسكري تاني كتب معلومات الرخصة بتاعت العربية ومعلوماتي واعطاني الرخصتين وقال لي مع السلامة

السؤال الان ما هو الاجراء القانوني الصحيح لمثل هذا وهل عدم حملي للتوكيل فيه اي مخالفة ؟

[أبو ياسين]

لا بس هو عايز يتاكد انها مش مسروقة و لا الرخص مضروبة

[reda elgohary]

بص ياباشا هو اليومين دول لازم نتحمل الشرطة لآنه فيه سيارات كتير اتسرقت الفترة اللى فاتت ،،وأنا كنت من يومين عديت ع لجنة ف شارع عمومى ولم يكن معى أي ورق لا بطاقة ولا رخص ولا أي شئ ،،أمين الشرطة قال هات مفاتيح العربية قبل ما تنزل منها ،،قلت له انا عاوز أكلم الضابط وكلمته وقلت له ظروفى ،والراجل قال لى أتفضل مع السلامة.

[khalid_adel]

اللي عمله ده عين الصح
وانت غلطان المفروض تمشي بالتوكيل حتي ولو صوره فجيبك

[lidosasa]

هو عمل الصح وطلع محترم معاك وخلاك تمشى
هو بيتأكد إن العربية مش متبلغ بسرقتها لآن فيه ناس بتسيب الرخصة جوا العربية فممكن العربية تتسرق برخصتها .
لازم وضرورى جداً إنك تشيل صورة ضوئية من التوكيل معاك