البطارية لقتها بتغلى ....

[hany901119]

لبطارية راحت منى واشتريت واحدة ac delco السعودى بـ 460ج بالقديمة وطبعا عملتها معايا الاول ونامت وملقتش فيها ولا نقطة ميه وزوتلها ميه عادية وزقيت العربية ودارت بس فضلت معايا يومين بالظبط تدور وكل حاجة لحد اليوم التالت لقيتها وانا بدور الصبح انها بتعتل تعتيله خفيفه وبعدين دارت عرفت على طول ان قلة الاصل جايه جايه روحت لبتاع بطاريات كشف على البطارية لقى الميه سوده لأن الكربون اللى جوه سااااح ولما فتح العيون لقى الميه بتغلى قالى الحق غير بسرعة جدا وطبعا وانا واقف فاكر اللى حصل للمهندس/حمدى مخترع المانيوال بدون دبرياج فى عربيته وعايز اتفادى ده ولفيت شوية وانا ايدى على قلبى علشان ادور على الـ ac delco لحد مالقيتها وقد كاااان (لقد وقعت فى حبها) بس اللى حصل ده من عدم متابعة مية العربية .. خلى بالكم ؟؟؟!!!
عم حمدى الكهربائى كان ليه دور كبير فى الموضوع ده ... وساعدنى على التليفون انى اعرف العيب ايه اللى خلى العربية ماتدورش لأن المقلب حصل فيا وانا فى 6اكتوبر ومعايا زباين فى العربية وجيت ادور بعد ما استنتهم لقيت انوار التابلوه الزرقا يتاعتى جزء منور وجزء مش منور وفيه زنه من تحت التابلوه وحاجات تخض كده ومش عايزه تدى اى حاجة راح قايلى على طول شوف مية البطارية دى وبالفعل لقيت مفيش مايه (كأن البطارية جافة هههههه ) وقالى زود ميه وزق هتدور بس لازم تغير بطارية قبل ما الشحن مايرجع على الكنترول او الكمبيوتر ...

[Ahmed_Ramadan]

هو أنت ليه بتجيب بطارية سايلة ؟؟؟

[A.Saad]

سائلة ب 460 ؟؟؟؟؟؟؟

[bassem.naguib]

هو أنت ليه بتجيب بطارية سايلة ؟؟؟

سائلة ب 460 ؟؟؟؟؟؟؟

البطارية السائلة دي اللي كانت نازلة في العربية .. وأعتقد أنه مشتراش سائلة بالسعر ده

[hany901119]

البطارية اللى باظت ياجماعة هى اللى سايلة ودى بتاعة الفبريكا (شركة الامل .. هههه) اما اللى جبتها ac delco دى جافة وبـ 460ج بالقديمة

[tarekhassan88]

لو ممكن بس حضرتك تقول انت جبت البطاريه الجديده من فين

[Ahmed_Ramadan]

البطارية السائلة دي اللي كانت نازلة في العربية .. وأعتقد أنه مشتراش سائلة بالسعر ده

أسف مخدتش بالى من إنه جاب الجديدة جافة كنت فاكره جابها سايلة برضه فا كنت مستغرب

[حمدى الفنى]

قدر الله وما شاء فعل ربنا يعوض عليك

[zakiali]

مين الحرامي اللي باعلك الاي سي ديلكو الجافة بــ 460 ؟؟ دي تمنها عند سمير بيومي 340 جنيه بالقديمة .. مش مصدقني اتصل واسأل انا لسه سائل عليها !!!!!!!!

[hany901119]

مين الحرامي اللي باعلك الاي سي ديلكو الجافة بــ 460 ؟؟ دي تمنها عند سمير بيومي 340 جنيه بالقديمة .. مش مصدقني اتصل واسأل انا لسه سائل عليها !!!!!!!!

الحرامى ده يبقى محل على المريوطيه فيصل قبل قرية فلفلة وقبل مطلع الدائرى اتجاه ميدان لبنان مباشرة ومتنساش انا غيرتها يوم الاحد وسمير بيومى كان قافل وكنت لازم اغيرها علشان (متوقفش حالى (انا عربيتى تاكسى) وعلشان متبهدليش العربية اكتر من كده ) فأستعوضت ربنا وغيرتها ومن يوم ما غيرتها والعربية الحمد لله سحبها بقى جميل جدا والماتور ناعم قوى حتى علقت التعليق ده لعم حمدى الكهربائى فقالى ده كله كان من البطارية لأن الشرارة دلوقتى قوية ففرقت معاك فى الكهربا اللى خارجه من البطارية وبتدى للحساسات والموبينا والأزم منه وفعلا ياجماعة فى فرق رهيب ونا ماشى غاز كمااان

[ابوجنى2112]

الحرامى ده يبقى محل على المريوطيه فيصل قبل قرية فلفلة وقبل مطلع الدائرى اتجاه ميدان لبنان مباشرة ومتنساش انا غيرتها يوم الاحد وسمير بيومى كان قافل وكنت لازم اغيرها علشان (متوقفش حالى (انا عربيتى تاكسى) وعلشان متبهدليش العربية اكتر من كده ) فأستعوضت ربنا وغيرتها ومن يوم ما غيرتها والعربية الحمد لله سحبها بقى جميل جدا والماتور ناعم قوى حتى علقت التعليق ده لعم حمدى الكهربائى فقالى ده كله كان من البطارية لأن الشرارة دلوقتى قوية ففرقت معاك فى الكهربا اللى خارجه من البطارية وبتدى للحساسات والموبينا والأزم منه وفعلا ياجماعة فى فرق رهيب ونا ماشى غاز كمااان

هو انتو كدة بتتكلمو على 70 امبير..لو السعر بتاع سمير بيومي كدة..يبقى
حان وقت التغيير..وشكرا على المعلومة..

[peter magdy]

ربنا يعوض عليك يا استاذ هانى فى البطارية القديمة
و يطرحلك الخير فى الجديدة
و انت بتكلم عم حمدى على المشكلة دى كنت عندة وقتها
و مبروك على اللمض الجديدة

[zakiali]

البطاريات السائلة احسن من الجافة بكتير .. وبتعيش أطول