إعـــــــلان

Collapse

.

,
See more
See less

منهم لله التجار فى سوق السيارات

Collapse
X
 
  • Filter
  • الوقت
  • Show
Clear All
new posts

  • منهم لله التجار فى سوق السيارات

    احكيلكم على حاجه غريبة جدا

    كنت فى سوق السيارات بالامس الجمعه من الساعة 10 الصبح تقريبا و كنت رايح ادور على بى واى دى مستعمل و انا بعمل كده كل جمعه تقريبا من فتره

    المهم انا كنت شفت عربية على موقع كونتاكت معروضه من حوالى شهر موديل 2012 و كان صاحبها عارضها ب 63000 جنيه و هى عاملة 30000 كم و فيها خبطه بالرفرف الامامى و لونها فضى و لما الفلوس جهزت معايا كلمته فقالى انه باعها و سالته عن ثمن البيع و قالى انها اتباعت ب 58500 جنيه

    المفاجاه بقه انى لقيت العربيه دى اول ما دخلت السوق مع تاجر قاعد تحت شمسيه و معاه كذا عربيه انواع تانيه
    فى الاول ما اخذتش بالى انها العربيه اللى كانت على النت و لما سالته عن التفاصيل و بصيت على العربيه عرفت ان هى دى نفس العربيه لما سالت عن سعرها فوجئت بيه بيقولى 68000 جنيه

    يعنى عايز يبعها و يكسب فيها حوالى عشرة الاف جنيه

    طبعا قلتله السعر ده بعيد جدا و انا عارف العربيه دى كويس و انك مشتريها من النت

    فقعد يقولى العربيه لسه زيرو و فى الضمان و كلام التجار ده

    فقلتله عموما نتقابل الاسبوع اللى جاى فى السوق و نشوف هتعرضها عليه بكام و سيبته و مشيت


    بس الحقيقه انا اتصدمت عربيه صاحبها كان عارضها على النت ب 63000 جنيه و تتباع ب 58500 و التاجر يعرضها فى السوق ب 68000 جنيه كده كتير الحقيقه

  • #2
    لأ حول ولا قوة إلا بالله

    متابع معاك

    Comment


    • #3
      انا رأيي التاجر الحرامي هو اللي يبيع حاجة معيوبة من غير ما يقول على عيبها لكن التاجر اللي يعرف يوقع عربية بأقل من تمنها ويعرضها بسعر اعلى حتى لو مبالغ في مكسبه شوية ده تاجر شاطر ومش حرامي وده طبعا لانه عامل حساب الفصال , محدش ينسى ان ده اكل عيشه واللي عشانه بيقعد ساعات في الشمس بيناهد في اللي رايح واللي جاي , لازم يقول السعر اللي ينفع ينزل بعده يعني عامل حساب الفصال وماتنساش ان الموضوع عرض وطلب وفي سوق المستعمل في مصر دلوقتي كل واحد من حقه يقول اللي هوه عايه . حضرتك طالما العربية كانت عجباك ومرضي بسعر 63000 كان المفروض تنسى هو شاريها بكام وتمسك على ال60 وبعدها ممكن تطلع الف او اتنين وبكدة تبقى اشتريتها بالسعر اللي انت شايفه مناسب للعربية من غير ما تحسبله هو كسب كام

      Comment


      • #4
        انا شايف انه معملش حاجة غلط بصراحة .. هو بيبيع العربية بالسعر اللى هو شايفه مناسب ليه ملهاش علاقة بقى هو جايبها بكام و الموضوع عرض و طلب .. المهم انه مش بيغش فى حاجة فى العربية او ورقها
        Livin' life in the fast lane
        Movin' at the speed of life and I can't slow down
        Only got a gallon in the gas tank
        But I'm almost at the finish line, so I can't stop now

        :nemoflow:[COLOR=RoyalBlue]Vive[/COLOR] [COLOR=Silver]La[/COLOR] [COLOR=Red]France[/COLOR]

        Comment


        • #5
          ياباشا ده الطبيعى
          التجارة شطارة
          Karim Samy - Business Development
          [SIGPIC][/SIGPIC]

          Fiat 128 Model 1983 1100cc
          Lada 2105 Model 1984 1200cc & 1300cc
          Nissan Tiida Model 2007 1600cc
          SEAT ibiza 6k Model 1998 1000cc AER , 1400cc AEX & 1600cc AFT
          Toyota Corolla Model 2013 1600cc

          Comment


          • #6
            مشكور لك من تكرم بالرد على الموضوع

            Comment


            • #7
              الراجل مغلطش فحاجه طالما مغشش خلاص صحابها باعها رخيص هو مش مقدر واشتراها الي مقدر هي ده التجاره
              [CENTER][FONT=Comic Sans MS][SIZE=2]Rap is away to show your Emotions,Rap is big and Endless like oceans,Rap make it easier to show your feels,Rap is alife style and one of my needs[/SIZE][/FONT][/CENTER]

              Comment


              • #8
                no porpllllllllllllllllllllllllllllllllllllllllllllll lllllllllllllllm
                :36_1_50[1]:

                Comment


                • #9
                  معلش و ربنا يعطرك فى واحدة احسن منها
                  بس انا ليا رأى مختلف
                  دلوقتى فى مصر التجارة مبقتش شطارة بقت ازاى تعرف تقلب الزبون
                  يعنى ابسط حاجة لما تيجى تشترى هدوم ممكن مثلا يقولك 100 جنية و يخلص على 70 جنية ( مع اخترامى لاراء حضرتكم ) دة نصب
                  طب ما هو باعة ب 70 جنية هل مش كسبان فية بردو و اكيد مبلغ مش قليل
                  و التاجر اللى اشتراها بعد المصلحة اللى هيعملها دى هل بعد ما اشتراها و لقى فيها عيب هل ممكن يقولة للزبون الجديد ( ما هو عامل مصلحة حلوة )
                  لو قالة على العيب يبقى اسمة تاجر و لو مقلش يبقى اسمة نصب
                  و اللة عندنا التجار فى مصر مش بيشبعو ابدا - و العيب على الناس اللى بتديهم فرصة و تقولك دى شطارة
                  و انا رأى لصاحب الموضوع
                  لما تيجى تشترى عربية اشتريها من صاحبها الاصلى بلاش شغل السماسرة دى انت اصلا متضمنش لما اخدها هو ممكن يكون غير حاجة بدل الاصلى اللى فيها و لو مشيت بيها لاول الشارع و خد فلوسة مش هيعرفك
                  غير لما يكون صاحب العربية مالوش فى الشغل دة ولو حصل حاجة ممكن تتفاهم معاة
                  انا اسف على كلامى بس انا بتغاظ من الاشكال اللى زى - اللى يقولك دى مصالح
                  وربنا يوفقك

                  Comment


                  • #10
                    انت وقعت فى تاجر جشع الصراحه ,, هو مش نصاب بس جشع

                    ممكن تعمل إعلان شراء ,, زى ما ناس بتعمل اعلان بيع ,, فيه ناس بتعمل اعلان شراء


                    مطلوب سياره بى واى دى اف 3 موديل من سنة كذا لسنة كذا


                    ربنا يوفقك لما فيه خير لك

                    Comment


                    • #11
                      المشاركة الأصلية كتبت بواسطة aboamina مشاهدة المشاركة
                      انا رأيي التاجر الحرامي هو اللي يبيع حاجة معيوبة من غير ما يقول على عيبها لكن التاجر اللي يعرف يوقع عربية بأقل من تمنها ويعرضها بسعر اعلى حتى لو مبالغ في مكسبه شوية ده تاجر شاطر ومش حرامي وده طبعا لانه عامل حساب الفصال , محدش ينسى ان ده اكل عيشه واللي عشانه بيقعد ساعات في الشمس بيناهد في اللي رايح واللي جاي , لازم يقول السعر اللي ينفع ينزل بعده يعني عامل حساب الفصال وماتنساش ان الموضوع عرض وطلب وفي سوق المستعمل في مصر دلوقتي كل واحد من حقه يقول اللي هوه عايه . حضرتك طالما العربية كانت عجباك ومرضي بسعر 63000 كان المفروض تنسى هو شاريها بكام وتمسك على ال60 وبعدها ممكن تطلع الف او اتنين وبكدة تبقى اشتريتها بالسعر اللي انت شايفه مناسب للعربية من غير ما تحسبله هو كسب كام
                      +11111

                      Comment


                      • #12
                        ياجماعة فيه بعد آخر لصاحب الموضوع على ما اعتقد
                        او على الاقل انا استشعرته
                        ان سوق السيارات مليانة تجار جشعين وطبعا وصف جشع لا يختلف عليه اثنين في الموقف ده وان كان مش نصاب فهذا امر آخر واعتق ان الجشع هيبقى برضه نصاب يعني لو سألته مثلا هي فابريكة جوه وكانت لا اعتقد هيقول اه فبريكة والا هيبيع بسعر عالي ازاي
                        المهم ان النقطة الي استشعرتها من الكلام ان سوق السيارات ماليانة تجار وغالبا جشعين بيشتروا العربيات من الناس بعد فصال مرين وبعدين يبيعوها بسعر لا يعبر عن قيمتها وياعيني على التعب شوية مناهدة وبعدين قعدة تحت الشمسية هههه

                        اعتقد الانسب مواقع النت بس خلي بالك فيهم تجار برضه كتير وممكن يكونوا بيغيروا رقم الموبيل فماتعرفهمش لكن لو نمرتهم ثابته بيتكشفوا وانت قاعد على النت

                        تحياتي
                        هشام

                        Comment

                        Working...
                        X