دعوه للنقاش

[memos]

السلام عليكم ورحمه الله احب اتكلم معاكم اليوم فى مدى ما يمكن ان يتحمله التوكيل من اصلاحات فى ما ينتجه وهل كل توكيل يجب ان يبحث عن اشياء ليتخلص من ضمان الوحده اتكلم هذا الكلام بعد تجربه مررت بها الا وهى ان التكيف سرب والسياره على 45000 وبعد الكشف وجد ان المبخر الداخلى <السربنتينه > بها تنفيس او تسريب ولأنى لم احضر زياره 40000 وال45000 اصبحت خارج الضمان وقمت بالدفع كاملا تمن الشحن كان 300 اصبح 350 والسربنتينه 440 +ضريبه المبيعات المبلغ كاملا 870 وللحق قام محمد رمضان مدير المركز بخصم مبلغ 120 مصنعيه تركيب المبخر ما اقصده ما هو علاقه زيارات الصيانه العاديه بالتكيف ولو افترضنا انه تمت زياره ال40000 وكشفوا على التكيف وظهر انه سليم وبعد ذلك باظ هل كان سيتم التغير فى الضمان ولا هى حجه علشان يتخلصوا من ضمان اى سياره الشركات الكبيره لا تفعل ذلك مفروض انى ادفع تمن الفريون ولو انه غالى جدا لا اعرف لماذا مع ان اتخن محل بره بيعمله بأقل من نصف التمن قلت يمكن بيصلحوا حاجه بالمبلغ ده اتضح انه شحن فقط ما علينا انما قطعه الغيار يجب ان تظل فى الضمان المعلن طوال فتره ال60000 لانه ليس من الطبيعى ان كل فتره زياره واتحدى ان ده ممكن يحصل هيكشف على التكيف وخصوصا ان الفتره الماضيه كانت شتاء يأخى يعملوا الحاجات الى الناس بتطلبها بضمير ده ساعات الناس بتطلب 5 حاجات بيتعمل حاجه واحده ومش بضمير تعرفوا هما فكوا التابلوه وركبوه وجالى الراجل الكهربائى الى فكه وركبه وقالى تمام يابيه فكتهولك وركبتهولك تمام مفهوش غلطه زى الصنايعيه الى فى الشارع مستنى بقشيش طبعا انا لم اعطيه لأنى الصراحه كنت محروق من المبلغ نزلت استلم العربيه لقيت التابلوه كله زيت وكأنه كان بيشتغل فى الماتور قلت معلش شغلت التكيف اشتغل وفجأه لقيته فصل ببص على الزرار لقيته فاصل دوست عليه دخل لجوه ومش راضى يطلع فضلت احاول فيه لحد ما هدانى تفكيرى انا افك الدرج بتاع التابلوه وزقيت الزرار من الخلف لحد مرجع في مكانه ببص على مفتاح البوابه يمين وشمال لقيته فى النص جبته شمال لقيته بيتحرك وكانه سايب ومن ساعتها والعادم الخرجى بيخشلى فى العربيه تبص على الهوايات اثار المفك معلم فى التابلوه ولما حب يرجع الهوايات مرجعهاش لطبيعتها للأسف كل ما بنقول التوكيل بياخد خبره نلاقيه بيزداد سوء لحد امتى

[ehabpopo]

قلبى معاك يا ايمن ... وانا عارف لما الواحد عربيتة بتتهان كده بيبقى مدايق قوى ... اكنة هو كمان اتهان *
وطبعا مش هانتكلم ونزيد ونعيد فى موضوع التوكيل ... ومش ها نغلط ونقول كلام وحش ...
بس هانقول يا رب ياخدو بالهم ويعرفو ان اى واحد عندة عربية بتكون غزيزة علية ... ويجيبو ناس محترمة بقة تشتغل فى العربية ... ويعلموهم الشغل الصح والنضافة ... هو احنا هانفضل طول العمر نتكلم فى المواضيع دى .... دى حاجة تزهق

[elmanahry]

قلبى معاك يايشمهندس ايمن العشوائية فى العمل والاصلاحات مالهاش حل ولكن يعض الامور باعتبرها اقدار مكتوب ان الانسان يخسر وهنا نقول يعوض ربنا عليك وعلينا ويبعد عنك لحظات الشر والخسارة والمرارة قلبى معاك وربنا يعوض عليك والله يسامح كل من اساء واهمل وياريت شركة الامل تهتدى لصنايعية على مستوى اعلى

[Ahmed_BYD_F0]

بس يا جماعة انا عندى سؤال مهم جدا
ايه هو افضل مركز صيانة للسيارة byd f0 لانى قريب حعمل صيانة الالف ارووح افضل مكان فين

[mody112]

ربنا يعوض عليك - وحسبى الله ونعم الوكيل فى كل من لا يتق الله فى عمله
وبعدين هو جاى يقولك انا عملتهولك زى الصنايعى اللى بره ده ايه الجهل ده امال هو توكيل على ايه وبينفخو الناس فى الاسعار والمصنعيات ليه عشان يبقى الشغل زى بره وللاسف الشغل كمان زى الزفت ده انت كويس انك متهورتش عليهم وطوقت فيهم الضرب .

[mody112]

بس يا جماعة انا عندى سؤال مهم جدا
ايه هو افضل مركز صيانة للسيارة byd f0 لانى قريب حعمل صيانة الالف ارووح افضل مكان فين

بيشكرو جدا فى مركز خدمة الاسكندرية لو تقدر تروحلهم

[Ahmed_BYD_F0]

بيشكرو جدا فى مركز خدمة الاسكندرية لو تقدر تروحلهم

اولا الف شكر يا mody على اهتمامك بالرد على استفسارى
ممكن تقولى مركز خدمة اسكندرية ده فين بالظبط وانا من ساكنى منطقة دار السلام واروحله ازاى