طلب مساعدة ضرورى

[Ahmed_BYD_F0]

بسم الله الرحمن الرحيم

اخوانى الاعزاء خبراء منتدى نايل موتورز الاعزاء
برجاء مساعدتى بصورة عاجلة حيث ان عربيتى BYD F0 2013 ليس بها RPM وكمان الفيتس بتاعها 5 سرعات وغيار للخلف
السؤال الاول : ممكن حد يفيدنا امتى اقوم بتغيير غيار الفيتيس من واحد للاخر يعنى امتى اغير من الاول للثانى ومن الثانى للثالث ومن الثالث الى الرابع ومن الرابع للخامس (يعنى لما اوصل لسرعة كام)
السؤال الثانى: هل وجود عداد الـ RPM مفيد جدا للسيارة واذا كان مفيد ولا يوجد بعربيتى ماذا افعل لكى اعوض عدم وجوده
معلش يا جماعة انا بتاقل عليكو كتير
برجاء اى حد يساعدنى لان الموضوع ده قليقنى كتير ومش عايز ادوس جامد على العربية

[Silent~Dream]

مفيش مشكله انو مش موجود بس بتنقل عميانى يعنى محتاجه شويه خبره لو سواقه هاديه يبقى
الاول 20 الثانى 35 الثالث 50 الرابع 70 الخامس 85-90 . ورجلك تكون خفيفه على دواسه البنزين مش تقيله وانتظر بردو اراء باقى الاخوه الاعضاء .

[lidosasa]

دا حال كل العربيات ال 3 سلندر مش بيبقى فيها عداد rpm
راجع كتالوج العربية حتلاقى السرعات اللى المفروض تنقل عندها الغيار

[bassem.naguib]

تنقل للتاني بمجرد تحرك السيارة بأريحية (10 : 20) كم
الثالث 35 : 40
الرابع 55 : 60
الخامس 75 : 80
وبكدة أنت مش بتحرق على الغيار علشان فترة التليين الأولى للسيارة (أول ألف كيلو متر) .. ويراعي عدم المشي على سرعة واحدة فترة طويلة .. ومتابعة قياس الزيت والمياه .

وبعد كدة تبتدي تفتح الموتور شوية بشوية بتزويد نسب النقل السالفة بنسبة قليلة .. لحد 5000 كم .

وبعد الـ 5000كم ابتدي أحرق على كل غيار لحد ما تجيب أخره وصوت الموتور يعلى .. فتنقل للسرعة الأعلى .. وتكرر هذه العملية كل فترة طويلة لتفويق الموتور لو حسيت أن الأداء بتاعه قل .. ولا ينصح باستخدامها باستمرار للحفاظ على العمر الافتراضي للموتور وكذلك استهلاك البنزين .

والموضوع ده قد يكون مفيد ليك :

http://www.nilemotors.net/Nile/212403-a.html

[Ahmed_BYD_F0]

بسم الله الرحمن الرحيم
السلام عليكم ورحمة الله وبركاته
انا متشكر جدا على المعلومات الهايلة اللى ادتوهالى دى بالنسبة لنقل الغيار يعنى اجمالى لحد دلوقتى انا فهمت انى انقل الغيار الاعلى فى الحالات التالية
الغيار الثانى لما توصل السرعة الى 20
الغيار الثالث لما توصل السرعة الى 40
الغيار الرابع لما توصل السرعة الى 60
الغيار الخامس لما توصل السرعة الى 80
انا فهمت كده صح ولا لا