أيهما الأفضل byd 1500 ccتجميع صيني والا byd 1600 ccتجميع مصصري

[samy_laf]

السلام عليكم :
أرجو المساعدة أنا رحت المصرية للسيارات فرع كلية البنات عشان أشتري عربية byd المهم هناك أقنعوني بأن العربية byd f3 2013 المجمعه في الصين أفضل من المجمعه في مصر رغم أنها 1500 cc
فهل هذا الكلام صحيح أم لا ؟
أرجو الإفادة للاهمية وجزاكم الله خيرا

[ahmedalaahosny]

التقفيل المصرى كان كله عيوب اللى يشخلل واللى يزيق هى حاجات بسيطة بس بتزعل اوى لما تكع جامد (تحويشة العمر ) ف عربية تبقى مش طايقها من كتر الاصوات اللى مانتاش عارف دى جاية منين خاصة لو كنت شكاك او موسوس غير كده هى عربية روعة

[katoba]

اعتقد ان كلامهم فعلا صحيح الصينى افضل

[samy_laf]

أنا عارف فعلا أن التقفيل الصيني أفضل بس من ناحية الماتور العربية f3 المجمعه في الصين 1500 cc وهو ماتور هوندا سيتي بس مفيش علامة تدل علي ذلك بخلاف المجمعه في مصر ماتور 1600 ميتشوبيشي ومكتوب عليه ميتشوبيشي وباقي المكونات وحدة بعد ذلك فالأفضليه لمن ؟

[mohamed1979]

هل فيه فرق فى السعر بين الأتنين

[YahiaAshraf]

التقفيل الصينى أفضل بكتير
بالنسبة للمحرك 1500 سى سى نفس بتاع هوندا سيتى يولد 108 حصان

استهلاك اقل في البنزين عن الـF3 الـ1600 CC وسرعة اعلي عند عدد لفات اقل للموتور الفتيس ايضا هو نفس بتاع الهوندا سيتى





المحرك ال 1500 سى سى بينتج نفس قوة ال 1600 سى سى

لانه بتكنولوجى عالية


أنا سمعت كمان ان النسخة اللى بمحرك و فتيس الهوندا سيتى هتتجمع فى مصر قريب بدل من ال 1600 سى سى
تحياتى

[samy_laf]

السلام عليكم
أنا سألت في الأمل عن هذا الموضوع وقالولي إن التقفيل بتاع f3 في الصين أفضل بكتير من التقفيل المصري بس الماتور بتاع f3 المجمع هنا في مصر متجرب والسأل مازال مطروح أيهما أفضل ؟

[Patrickologyy]

التقفيل الصينى أحسن بكتير من المصرى .. و الموتور ال 1500 سى سى موفر فى البنزين عن ال 1600 و بيطلع 108 حصان زى ال 1600 و ده موتور هوندا سيتى كده كده فالصينى أحسن بكتير من التقفيل المصرى

[mohamed1979]

كنت عايز اعرف الاسعار كام لموديلات byd
بالنسبه للتقفيل الصينى و المصرى

[bassem.naguib]

الموتور الـ 1500 هو نفس الموتور اللي نازل في العربية g3 .. ممكن تسأل ملاكها عن أداء الموتور عامل أزاي .

والتقفيل الصيني حيكون أفضل حالاً بنسبة قليلة عن التقفيل المصري وخاصة في الدهان .. إلا أن عدد بنط اللحام في التقفيل المصري أكثر من مثيلتها في التقفيل الصيني .

ومن رأيي أن عيوب التقفيل بيتم تلافيها في الصيانات اللي بعد كدة .. وزي ما قال الزملاء بالرغم أنها حاجات بسيطة إلا أنها تضايق .

[samy_laf]

أسعار الأثنين واحد في التوكيل 78000

[M I D O]

اكيد التقفيل الصيني احسن بس المحرك ال 1600 افضل بمراحل لان الشعب المصري مش بياخد الثقة في حاجة بسهولة ومعني انة اخد الثقة في المحرك ال 1600 لانسر انة محرك ممتاز ونقطة تغيير المحرك ل 1500 دي هتبقي نقطة ضد توكيل الامل

[M I D O]

التقفيل الصينى أفضل بكتير
بالنسبة للمحرك 1500 سى سى نفس بتاع هوندا سيتى يولد 108 حصان

استهلاك اقل في البنزين عن الـf3 الـ1600 cc وسرعة اعلي عند عدد لفات اقل للموتور الفتيس ايضا هو نفس بتاع الهوندا سيتى





المحرك ال 1500 سى سى بينتج نفس قوة ال 1600 سى سى

لانه بتكنولوجى عالية


أنا سمعت كمان ان النسخة اللى بمحرك و فتيس الهوندا سيتى هتتجمع فى مصر قريب بدل من ال 1600 سى سى
تحياتى

هوة صغير كدة لية انا حاسس انة محرك عربية لعبة

[kobara]

اقسم باللة العربية دى رديئة جدا اخويا اتقلب بيها والايرباج مفتحش ولا اى بى اس نفع ولا اى حاجة نص العربيات المرمية فى التوكيل كلها مقلوبة .

[M I D O]

اقسم بالله العربية دى رديئة جدا اخويا اتقلب بيها والايرباج مفتحش ولا اى بى اس نفع ولا اى حاجة نص العربيات المرمية فى التوكيل كلها مقلوبة .

لو الايرباج و ال abs مشتغلوش يا باشا و العربية في الضمان يبقي عيب صناعة ولازم التوكيل يلبس التصليحات