استفسار عن سوائل العربية

[mazo.hero]

السلام عليكم ورحمة الله

كل سنة وانتم طيبين يا شباب ... شكرا ليكم علي مجهودكم العظيم في المنتدي الكريم

معلش انا خبرتي ضعيفة شوية في الميكانيكا فاستحملوني شوية

ليا استفسار كده بسرعة انهاردة لاحظت ان الماية الخضراء بتاعت العربية تقريبا علي مستوي ال MIN ويمكن تكون قربت تقل عنه كمان
في اعتقادي ان المفروض تكون في المنتصف بين ال min & max
هي العربية عاملة بس بتاع 240 كيلو ولسة مرحتش صيانة الالف
ايه الصح المفروض اعمله هل اشتريلها ماية خضراء (صححولي المعلومة هي ال byd f3 مانوال خضراء ولا ايه ؟) ؟
وهل ده هياثر علي حاجة لما اروح اعمل الصيانة في التوكيل ولا لا ؟

اللي انا عارفه ان العربية الصيانة الاولي بتعاعتها بعد الف كيلو بس انا مش بتحرك بيها كتير هل في مدة معينة لازم اروح فيها التوكيل اعمل صيانة ولا استني لما الالف كيلو يعدوا وابقي اروح ؟

ودي صورة الماية الخضراء في العربية






سؤال تاني انا عايز اعرف كل القرب اللي في العربية اللي فيها سوائل وازاي اشيك عليها ودي صورتهم









شكرا جزيلا مقدما

[mafify]

المية لازم تطمن عليها قبل كل مشوار تعمله
اما باقى السوائل فا لازم تكون بين الmin &max

[aymanshebl]

فيه قربة الميه (اول صورة) و ديه لازم تكون عند علامة الماكس و بتتملى على حسب لون الميه يعنى اخضر او احمر و فيه قربة المساحات و ديه يفضل انها تكون على الماكس لكن ممكن بين الماكس و المينى و قربة زيت الفرامل (اخر صورة ) و ديه برده تكون على الماكس و اخيرا مقياس الزيت و يكون بين الماكس و المينى و يفضل انه يكون على الماكس و بالنسبة لصيانة الالف عادى وقت ما العربية تكملهم بس يستحسن انك تكملهم فى مشوار واحد

[mazo.hero]

المية لازم تطمن عليها قبل كل مشوار تعمله
اما باقى السوائل فا لازم تكون بين الmin &max

يا باشا انا متشكر جدا علي سرعة ردك

[mazo.hero]

فيه قربة الميه (اول صورة) و ديه لازم تكون عند علامة الماكس و بتتملى على حسب لون الميه يعنى اخضر او احمر و فيه قربة المساحات و ديه يفضل انها تكون على الماكس لكن ممكن بين الماكس و المينى و قربة زيت الفرامل (اخر صورة ) و ديه برده تكون على الماكس و اخيرا مقياس الزيت و يكون بين الماكس و المينى و يفضل انه يكون على الماكس و بالنسبة لصيانة الالف عادى وقت ما العربية تكملهم بس يستحسن انك تكملهم فى مشوار واحد

بصراحة رد تفصيلي شكرا ليك جدا

[mazo.hero]

انهاردة ببص علي القربة لقيت الماية نزلت تحت ال min وده من غير ما العربية تتحرك
هل ده معناه ايه ان القربة نفسها اللي بتسرب لان لحد علمي ان دورة المياة مش بتبدا غير لما الموتور يدور
ولا ممكن يكون حاجة تانية بتسرب

انا ان شاء الله هوديها التوكيل بس لما الاجازة تخلص كل سنة وانتم طيبين

[aymanshebl]

اكشف على دورة مياه التبريد ضرورى علشان تعرف التسريب منين

[mazo.hero]

آسف لتاخير ردي
قبل ما اروح التوكيل زودت الماية الخضراء لحد الماكس و رحت التوكيل وجالي امر الشغل و قبل ما يبدأوا في حاجة بصيت لقيت الماية زايدة عن الماكس بحاجة بسيطة ، في اعتقادي لان العربية كانت لسة سخنة ودورة المياة سخنة وزي انتم عارفين ان التمدد بيزيد مع السخونة
المهم معني كده ان الماية منقصتش خلال المشوار كله ، وان الماية في الاغلب نقصت مرة واحدة
المهم بعد العربية ما دخلت بحوالي نص ساعة الفني قاللي المشكلة اتحلت وقاللي ان الكوليهات كانت عايزة تتربط او يتأكد عليها

طبعا انا عملت نفسي فاهم :d زي ما انتم عارفين انا مليش في الكلام ده ... فياريت لو حد يفيدنا ايه هيا الكوليهات دي ؟ (بتاعت العربية مش اللي عند الجواهرجي :)

شكرا مقدما

[ابوجنى2112]

الكوليهات دي ؟ (بتاعت العربية مش اللي عند الجواهرجي :)
هههههههههههههه...
حبيب قلبى...
المقصود بالكولية....بعنى الأفيز اللى ماسك الخرطوم..ممكن تكون مش مربوطة كويس.
وهو قرررررررط عليها.(ربطها جامد بالمفك ) ودمتم

[mazo.hero]

الكوليهات دي ؟ (بتاعت العربية مش اللي عند الجواهرجي :)
هههههههههههههه...
حبيب قلبى...
المقصود بالكولية....بعنى الأفيز اللى ماسك الخرطوم..ممكن تكون مش مربوطة كويس.
وهو قرررررررط عليها.(ربطها جامد بالمفك ) ودمتم

استاذنا انا شاكر جدا ليك ربنا يخليك لينا