تجربتى مع مبيعات byd

[aboomar22]

اولا انا مش عامل الموضوع ده للنقض او تشويه صورة انا الغرض من الموضوع لو حد على اتصال بالوكيل ينبه لطريقة تعامل الموظفين مع العملاء

اولا زميلتى فى الشغل عايزة عربية وكانت رايحة تشوف الباندينو فى غبور قلتلها ايه رايك نشوف byd f0 هى عربية صغيرة ومناسبة جدا لبنت وسعرها ممتاز وتكييف المهم قالتلى طيب نشوفها جبت تليفونات الشركة اتاكد قبل ما نروح نتفرج نص المكالمة
شركة الامل +++ايوه يافندم
حضرتك عندكم العربية fo انا كنت فاكر اسمها اف او ==لا هى اسمها اف زيرو
اه انا اسف طيب هى موجوده ==استنا لما اسأل ==لا مش موجودة
طيب ممكن الاقي فى اى فرع من فروعكم .... معرفش اتصل واسال
طيب حضرتك ممكن اسيب رقم تليفونى لو جت المعرض او حضرتك عرفت هى فى اى فرع تكلمنى .... لا ابقى اتصل بينا بعد كام يوم احسن
شكرا يا فندم ....اى خدمة
بعدها كلمت غبور ومش هقولكم على الاحترافية فى التعامل وعلى فكرة ده تانى موقف مع الامل وتقريبا بنفس الطريقة
للحق الراجل مغلطش فى الكلام لكن ده مش طريقة ناس بتوع مبيعات ده طريقة موظفين حكومة احنا فعلا عايزين نشوف العربية بس متخوفين بعدها نلاقى نفس الطريقة فى الصيانة او خدمة مابعد البيع عموما لو احد السادة الافاضل على اتصال بالشركة يحاول يوصل ليهم الملاحظة دى اكيد بتكرر مع ناس غيرى وده بزنس واكيد صاحب الشركة مش هيعجبة ثانيا ممكن الاقى العربية فين غير الامل يعنى يكون موزع معتمد مثلا وشكرا جزيلا

[mohamed hussei]

مفيش احترافية ممكن لسا واحد جديد
هي بانديدوا بكام

[aboomar22]

باندينو مانوال ب 63 وكاملة جنوط وايرباج فرامل abs =ebd ب67 اوتوماتيك 1500 سى سى 75 وكاملة 79 وموديل الكروس اظن 89

[mohamed hussei]

اسعار لذيذة بس هي تقفيل مصري ولة صيني

[aboomar22]

صينى ---الايميجراند هى اللى مصرى غبور -- الباندينو كله صينى طيب يا جماعة الf0 ممكن الاقيها فين

[mohamed hussei]

انزل توكيل بنفسك هتلقيها او مصرية

[S O P H O S]

بردوا الطريقة فكل مكان ليها عامل كبير
فالبيع والشراء

[M I D O]

توكيل الامل من الفشل الي الافشل .. مفيش اي اسلوب محترف في التعامل او بمعني اصح مبيعرفوش يجذبو المشتري للمنتج

[Emad Habib]

صينى ---الايميجراند هى اللى مصرى غبور -- الباندينو كله صينى طيب يا جماعة الf0 ممكن الاقيها فين

الاستاذ/ الفاضل تحياتى

ردا على سيادتك بخصوص السياره الاف زيرو لقد نفذت وبيعت كل السيارات التى وصلت الى مصر خلال 2013 ونحن فى انتظار دفعه جديده من السيارات اف زبرو وغيرها من الموديلات الحديثه
وايضا سيارات كهربائيه تعمل بالكهرباء والبنزين موديل 2014

ونشكر سيادتكم على حسن تعاونكم وقريبا جدا مع عروض جديده

[M I D O]

الاستاذ/ الفاضل تحياتى

ردا على سيادتك بخصوص السياره الاف زيرو لقد نفذت وبيعت كل السيارات التى وصلت الى مصر خلال 2013 ونحن فى انتظار دفعه جديده من السيارات اف زبرو وغيرها من الموديلات الحديثه
وايضا سيارات كهربائيه تعمل بالكهرباء والبنزين موديل 2014

ونشكر سيادتكم على حسن تعاونكم وقريبا جدا مع عروض جديده

معا احترامي لحضرتك لانك شغال في شركة الامل احب اقول لحضرتك انها شركة فاشلة معندهاش اي احترافية في التعامل ولا مراكز خدمة محترمة والعربية لولا انها في مشروع التاكسي مكانتش هتبيع 100 عربية في مصر كلها وشكرا ...

[aboomar22]

ياجماعة الخير انا زى ما كتبت فى اول سطر انا مش الغرض تشوية الشركة انما كنت اود لفت النظر فقط للتطوير او التحسين وشكرا جزيلا للجميع

[Dr_Moustafa]

معا احترامي لحضرتك لانك شغال في شركة الامل احب اقول لحضرتك انها شركة فاشلة معندهاش اي احترافية في التعامل ولا مراكز خدمة محترمة والعربية لولا انها في مشروع التاكسي مكانتش هتبيع 100 عربية في مصر كلها وشكرا ...

+11111

[mk3]

اكيد تليفون الامل نمره عاديه وغبور نمره مختصره كول سنتر وظيفتهم يتكلموا وده بتمنه ومحمل على تمن العربيات

[aha3020]

فعلا دى حقيقة
التوكيل من الفشل الى الافشل
مش المهم العربية المهم خدمة ما بعد البيع
ودى سيئة جداً ف الامل
:01964e~163:

معا احترامي لحضرتك لانك شغال في شركة الامل احب اقول لحضرتك انها شركة فاشلة معندهاش اي احترافية في التعامل ولا مراكز خدمة محترمة والعربية لولا انها في مشروع التاكسي مكانتش هتبيع 100 عربية في مصر كلها وشكرا ...

[mody112]

يا جماعة ده توكيل كان بيبيع لادا وكلنا عارفين ايه هى اللادا ومرة واحدة بقى معاه عربية اوبشن وحركات وبقت تبيع بيع بالهبل ملاكى وتاكسى والاقبال بقى شديد عليها من غير اى اعلان ولا اى حاجة هى العربية بتعلن عن نفسها فهما يتعبوا نفسهم ليه فى كول سنتر ويدفعوا فلوس للى هييجى يشتغلو فيه هما ماشيين على شغل اللادا للاسف .