هو ايه اللى بيحصلى ده

[bassem.naguib]

قدر الله وما شاء فعل .. وإن شاء الله بسيطة .. بس يا ريت تطمنا على الشغل اللي اتعمل .. أنا متأكد إن شاء الله أن الشغل حيكون عالي ونضيف ..

هوا فعلاا محتاج ميكانيكى نضيف لو تعرف واحد نضيف قلو عليه

ههههههههههههههه .. متعرفش أنت ميكانيكي أسمه حمدي .. بيقولوا عليه كويس

[megamoro12]

يا اخ حمدى انا مقصدش حاجة الموضوع ان مفيش حد حتى لو راكب عربية كارو مش ممكن يعمل اللى صاحب العربية عملوة دة انا مش مصدق لحد دلوقتى يستعدل صباب مش ممكن يانهار اسود دة لو انت الخواجة مرسيدس مش ممكن تجيبوا مظبوط على الشعرة اقل واجب حيعمل لنفسة حكة جديدة ومسار جديد ولو شعرة علشان يعرف يجرى فيها ياراجل انا لو منك كنت رميت مفاتيح العربية لصاحبها ولا انى اعمل موضوع زى دة وعلى العموم دى حرفنة منك تشكر عليها لكن تستعدل حاجة بمليم علشان تبوظ موتور بالاف الجنيهات على العموم تشكر وبردوا الغلط مش عليك

[mody112]

ياراجل انا لو منك كنت رميت مفاتيح العربية لصاحبها ولا انى اعمل موضوع زى دة

اولا دى قلة ذوق منك عشان تقول انك لو منه كنت رميت المفاتيح فى وش صاحبها ( وهو مش قليل الذوق )
ثانيا كل واحد خر فى عربيته ويا اما تقول رايك بذوق يا اما بلاش منه .
ثالثا الموضوع ده بيتعمل كتير وكونك انت متعرفش عنه حاجة فديه مشكلتك انت .

[mody112]

تم فك وش السلندر وبالكشف والبحث تبين وجود اعوجاج 5 صبابات وتمت المعاونة من قبل حمدى الفنى واستخدام الحرفة والفنية كى لايتم ضرر مادى اكثر من ذالك تم استعدال الخمس صبابات وفريزة وروديه وجلد صباب وتقفيل الوش على نفس جوان السلندر لائنو صاج اصلى ويجوز استخدامو اكثر من مرة ولسنا بحاجة لتغير طقم صباب لائن العوج بصيط ويمكن استعدالو

يا جماعة هو الاسطى حمدى ميقصدش بانه وجد 5 صبابات معووجة انها معووجة العوج اللى يجيى فى دماغنا ( مش خربانة يعنى ) حتى انا صاحب العربية نفسى اتخضيت لما قالى كده لكن طبعا هو فهمنى بعدها ان الاعوجاج يكاد لا يكون يذكر ( على حسب كلامه ) يعنى تقريبا مفيش اعوجاج ولكن هو عمله زى ما تقولو كده زيادة توكيد عشان النسبة البسيطة جدا جدا دى تتمحى تماما ( وهو يشكر على ده ).
انا لو كنت شاكك فى ان الموضوع فى عك او اى حاجة مش مظبوطة كنت جبت طقم صباب جديد ولكن طالما ان المشكلة بسيطة ومش هتتعبنى بعد كده ولا هتعيب العربية يبقى ليه ماهى مش تكاليف على الفاضى وبعدين الاسطى حمدى ظبط الاداءوقالى مفيش داعى لطقم صباب جديد وانا كنت عنده امبار ح واستلمت العربية وبجربها وان شاء الله انزل التقرير من اول ما روحتله لغاية ما استلمت العربية منه بعد التجربة .
وشكرا

[حمدى الفنى]

فى ايه ياجماعة انتو محسسنى انى عملت عملية ترقيع لبنت بنوت هههههه وخالفت ضميرى المهنى الشغل الى بعملو انا واثق منو وانا مش هضر نفسى عشان اوفر للناس انا بس ما بحبش احمل حد حاجة تغرمو ممكن اتقنها من غير تكلفة وبعدين اعترضتو على الصباب وما اعترضتوش على جوان وش السلندر الى ركب تانى هو يا اما تغرمو يا اما نقول الشغل غلط انتو الى بتخلو الصنيىعى يشتغلكو ويريح دماغو والتجربة خير دليل العربية مع صاحبها من امبارح ومشاء الله مبسوط بيها جدا

[bassem.naguib]

في انتظار الأداء بعد العملية الجراحية على يد الجراح العالمي حمدي

[mody112]

استكمالا لمشوار الخنقة والزهق امبارح روحت عشان اغير سير الدينامو للمرة التالتة عند الكهربائى اللى ركبلى الدينامو اول مرة واشتريت سير جديد وروحتله وركبه ولما ركبه شميت ريحت شياط كده وصرخة للسير وبعدين شده شوية الريحة راحت والصرخة كمان وسبحان الله وبلا اى مقدمات لقيت حنفية ميه نزله من نص العربية كده وكل ما نزود مياه تنزل على طول قعدنا نشيك على خراطيم المياه انا والكهربائى موصلناش لحاجة قلتله هطلع على الميكانيكى بتاعى ( الاسطى حمدى ) عشان مروحش لواحد تانى يعدل فى شغله ويبقى عك المهم يادوب اول ما طلعت الدائرى لقيت ريحة الشياط تانى والصرخة تانى ولكن المرة دى مستمرة وهوب عشان تكمل لقيت مؤشر الحرارة ابتدى يعلى ( طبعا المياه بتنقص ) وقفت على جنب وبطلت العربية ورزودت مياه ومن اقرب لفة قكت راجع تانى للكهربائى لانى حسيت انى مش هلحق اروح للاسطى حمدى المهم ةقبل ما اوصل للكهربائى ب 300 م كده السير طار كالعاده ( تانى مرة يطير ) سبت العربية ماشية وهى مبطلة وكملت الحتة الباقية زق وروحتله وطبعا طينت عيشته وقلتله ده تانى سير انت تركبه ويطير وتالت سير بغيره ايه الحل قعد يجرب ويركب ويعمل ويحور وبعدين قالى اصل الدينامو ده فيه المشكلة وبيقفش قلتله انت جاى بعد اسبوع تقولى الدينامو طب كنت فين من اول ما جبناه وزعقت معاه فشكله كش كده وقالى طب استنى هنجرب حاجة تانى وبعد شوية ركبنا السير ( مستعمل للتجربة ) ومفيش شياط ومفيش صرخة طبعا انا قلتله مش همشى من عندك وهسيب العربية دايرة ان شاء لغاية الصبح انا اول ما بطلع مشوار بيقطع لكن كبعا موضوع المياه ده خنقنا قمت رايح على ميكانيكى قريب منه وقلتله شوفهالى قالى طبة المياه اللى ورا وده هياخد وقت ولما سالنى هو فى ايه قلتله على المشكلة قالى حاجة اول مرة اعرفها واظن ان كتير هنا من ملاك البى واى دى هنا ميعرفوهاش وهى ان الدينامو الاستيراد بتاع اللانسر الطنبورة بتاعته 4 مجره بس فى حين ان الطنبورة بتاعت العربية 5 مجرهوان السير 5 مجره يبقى كده السير مش هيبات صح على الدينامو وهيسلخ ويطير ( زى ما بيحصل ) والحمد لله الدينامو القديم كان موجود عند الكهربائى وروحت عشان اجيبه طبعا سالنى فى ايه قلتله وانا قرفان منه على موضوع المجر ده قالى ايه قالى انه عدهم والاتنين 5 مجره قلتله طب هتاكد بنفسى انا والميكانيكى وفعلا روحت عديت مجر الدينامو الاستيراد لقيتهم 4 محره بس يابن التييييييييييييييييييييييييييييييييييييت وانت قلتلى انك عدتهم طبعا رجعتله وانا استشيط غضبا وعملت معاه الصح وخليته يفك المجره القديمة ويركبها على الدينامو الاستيراد وفعلا لقيت السير بايت مستريح على طنبورة الدينامو وطبعا كان الوقت متاخر ومعرفتش ادور العربية عشان حوار الطبب ده وان النهارده ان شاء الله هعرف ايه اللى تم وهقولكو برضه .

[mohammedabdallh]

ربنا يكون فى عونك

[mody112]

ربنا يكون فى عونك

الحمد لله على كل حال

[memo2000soft]

ربنا معاك

[mody112]

ربنا يكون فى عونك

الحمد لله على كل حال

[mody112]

الجديد يا جماعة لغاية دلوقتى
تانى يوم دوت العربية ودارت الحمد لله بس فى حاجة جديدة ظهرت ( بجملة المفاجات ) لقينا الكوعة بتاعت المياه بتجيب مياه برضه (شكل الراجل اللى انا اشتريت منه العربية كان بيحط فى العربية مية طرمبة ) المهم اشترتها من شخلول وركبناها والحمد لله .

[salah_86]

باشا ربنا يكون فى عونك بجد بس الراجل اللى انت اشتريت منه العربية لو كان على علم بعيوب العربية ومصارحكش باللى فيها يبقى منه لله

[mody112]

باشا ربنا يكون فى عونك بجد بس الراجل اللى انت اشتريت منه العربية لو كان على علم بعيوب العربية ومصارحكش باللى فيها يبقى منه لله

حسبى الله ونعم الوكيل فيه

[حمدى الفنى]

في انتظار الأداء بعد العملية الجراحية على يد الجراح العالمي حمدي

انا كمان قاعد مستنى زيك يا عم باسم تملى الرد على الحاجة الكويسة متاخر انما لو فيه حاجة مش كويسة كان زمان الرد نزل فالطبعة الاولى هههههه يا عم احمد انت هتقعد تجرب سنة والا ايه ههههه ما طمنا عليك