حل لمشكلة تقل الفتيس و خصوصا الغيار التانى المعقد

[peter magdy]

مساء الخير على احلى شباب فى المنتدى
كل سنة و حضراتكم بخير
عاملين - وحشينى جدا واللة و وحشانى القعدة معاكم
اتمنى تكونو كلكم بخير
----------------------------------
دلوقتى انا فتيس العربية دى عاملى عقدة لحد دلوقتى
الفتيس تقيل فى النقل و خصوصا الغيار التانى سواء من الاولى الى التانى او من التالت الى التانى
و الفتيس اصلا تقيل فى النقل شوية
و فى اخر صيانة عملتها بيحلو مشكلة تقل الفتيس دة زى الحلاوة - الفتيس بيطلع من عندهم ملبن
و بعد فترة يرجع يتقل تانى و الكلام دة فى اخر صيانتين نفس القصة بتقرر
دلوقتى العربية ماشية تقريبا 6500 كم
و لانى لو رحت للتوكيل هيحسسونى ان المشكلة منى بس هيعملوها و ترجع تانى
هل اغير زيت الفتيس بزيت فالفولين تخليقى ممكن يعدل التقل دة ولا اية الحل علشان انا زهقت من التقل الرخم دة
انا عارف انة موضوع قديم و رخم بس لو حد يعرف حل يقولى علية
شكرا

[Amr Axel]

انا قلت الحل قبل كده و فعلا نجح مع ناس كتيير لأنه كان عندنا في السوزوكي تحديدا الالتو
رجلاش دواسة الدبرياج و يعلي شوية و تغييير زيت الفتيس و ممكن تشحم عصاية الفتيس من تحت وتربطها كويس
و شوف بعدها الدنيا هتبقي حلاوةو ملبن ازاي :)

[hugan]

الدبرياج باكم ولا واير

[eng.salama93]

ظبط رجلاش الدبرياج و ربط عصايه الفتيس زي الزملاء ما قالو و ان شاء الله لو متحسنتش بشكل تام هتحس حتي بفرق كبير

[peter magdy]

انا بشكر مشاركات حضراتكم الغالية
اصل وريت العربية لكذا واحد من زمايلى و جربوها و كمان ميكانيكى و كلهم اجمعو الدبرياج مظبوط
مدام بتدوس علية و بترفع رجليك سنة او اتنين و العربية مش بتمشى يبقى مظبوط مش محتاج لعب
و بردو تفضل مشكلة الغيار التانى - اشمعنى الغيار دة بالذات دون عن غيرة
ما هو الفروض يا كلة يبقى مظبوط يا كلة فية مشكلة
طب اغير الزيت الاول و اجرب ولا حد لية نصايح تانى -انا كنت هحط زيت فالفولين التخليقى
استاذ صابر - ابو جنى - حط الزيت المتعدد و مقلناش اخبارة اية
المشكلة انةهم فى التوكيل بيعملو مسكن للفتيس بيبقى طالع من عندهم ملبن و بعدها بفترة المسكن بيروح تدريجيا
و نرجع كما كنا المعاناة تبدأ تانى
ارجوكم هل من حلول

[cobrahi]

الدبرياج باكم مش وير ع فكرة و النصيحه انك تروح بردو التوكيل و تشرح الوضع لتكرارة معاك اكتر من مرة
و تقابل المسؤل هناك و تعمل مشكله المهم توصل معاهم لحل قاطع مش كل شويه هتروح التوكيل دة طبعا لو انت خارج القاهرة او ف بلد مافيها توكيل زى عندتا ف بورسعيد مفيش ليها اى توكيل و لازم اما مصر او اليكس و الكل بيشكروا ف توكيل البى واى دى الى ف الاسكندريه

[peter magdy]

للاسف الشديد التوكيل دة تنساة خالص لانى روحت القطامية 3 مرات
المشكلة بتتحل لفترة و بيبقى حلو جدا و بعد كدة المشكلة دى بترجع تانى
ولو جيت كلمتهم يجرب العربية و يقول العيب فيك مش بتدوس دبرياج على الاخر مع انى بحس واللة انى هخرم العربية من كتر الدوسة علشان ببقى مركز مع الغيار دة بالذات
هبقى اجرب توكيل اسكندرية بردو المرة الجاية علشان بردو سمعت انة كويس
متشكر لمشاركة حضرتك

[mody112]

للاسف الشديد التوكيل دة تنساة خالص لانى روحت القطامية 3 مرات
المشكلة بتتحل لفترة و بيبقى حلو جدا و بعد كدة المشكلة دى بترجع تانى
ولو جيت كلمتهم يجرب العربية و يقول العيب فيك مش بتدوس دبرياج على الاخر مع انى بحس والله انى هخرم العربية من كتر الدوسة علشان ببقى مركز مع الغيار دة بالذات
هبقى اجرب توكيل اسكندرية بردو المرة الجاية علشان بردو سمعت انة كويس
متشكر لمشاركة حضرتك

هى عربيتك موديل كام ؟
المفروض الموديلات الجديدة تبقى متظبطة عن القديم طبعا لكن للاسف هى هى

[peter magdy]

يا جماعة المشكلة الحمد للة اتحلت الى حد ما
و اتحلت لما قصيت الدواسة شوية و بعتها عن الدبرياج و بقى ناعم و احسن من الاول حبة
بس بردو بفكر اغير الزيت بردو احسن علشان فى اعتقادى ان الفتيس كان جديد و اكيد كان فية رايش
و مع الزيت الجديد الاداء بردو ممكن يبقى افضل
بس مش عارف احط المتعدد اللى حطة ابو جنى ولا احط التخليقى بتاع فالفولين - هبقى اكلم ابو جنى و عرف الزيت عامل معاة اية
---------------
متكشر لمشاركتك يا استاذ مودى - العربية موديل 2013 و ماشية تقريبا 7000 كم
-----------------------
دلوقتى فية حاجة بقالها فاترة ظاهرة معايا و دى بالذات ارجو حل جذرى فيها
العربية لما ببقى فى زحمة و الحركة بطيئة و طبعا الحركة برفع رجلى من على الدبرياج بس علشان العربية تتحرك علشان الزحمة عداد rpm بيعلى لحد 1.5 و بتظهر اكتر فى التانى و اهتزاز الموتور الجامد ببقى حاسس بية جدا و انا رجلى على الدبرياج
ممكن حد يقولى المشكلة كدة فين لانى خايف الموضوع دة يقصف عمر الديسك و الاسطوانة
ارجو الافادة ضرورى
شكرا

[peter magdy]

صحيح و فى حاجة تانى
انا حاطط للعربية زيت فالفولين 5w-40 التخليقى
العربية لو رحت بيها مشوار و ركنتها 3 او 4 ساعات لما اجى ادور العربية عداد rpm بيعلى 1100 تقريبا يعنى قصدى كأنها بتسخن من تانى و الكلام دة كان كمان فى الصيف مش علشان الجو برد
----------------------------
ولاحظت مرة انى لما استنى لما عداد rpm يوصل الى 800 تبقى حلوة لكن لما مستناش يقعد يعلى مع انى كنت لسة ماشى بيها من كام ساعة

[ابوجنى2112]

غير لزيت فتييس وولف مش هاتندم..هاتحس بفرق كبير
المتعدد سيبك منة آخر حاجة ف الزبالة ..وادفع فلوس على الفاضى يابوجنى...هههههههههه
انا غيرت لوولف..الفتيس نعم ..والسحب اختلف..والغيار اتصلح بنسبة 90ْْْْفى المية..

[bassem.naguib]

يا جماعة المشكلة الحمد لله اتحلت الى حد ما
و اتحلت لما قصيت الدواسة شوية و بعتها عن الدبرياج و بقى ناعم و احسن من الاول حبة
بس بردو بفكر اغير الزيت بردو احسن علشان فى اعتقادى ان الفتيس كان جديد و اكيد كان فية رايش
و مع الزيت الجديد الاداء بردو ممكن يبقى افضل
بس مش عارف احط المتعدد اللى حطة ابو جنى ولا احط التخليقى بتاع فالفولين - هبقى اكلم ابو جنى و عرف الزيت عامل معاة اية
---------------
متكشر لمشاركتك يا استاذ مودى - العربية موديل 2013 و ماشية تقريبا 7000 كم
-----------------------
دلوقتى فية حاجة بقالها فاترة ظاهرة معايا و دى بالذات ارجو حل جذرى فيها
العربية لما ببقى فى زحمة و الحركة بطيئة و طبعا الحركة برفع رجلى من على الدبرياج بس علشان العربية تتحرك علشان الزحمة عداد rpm بيعلى لحد 1.5 و بتظهر اكتر فى التانى و اهتزاز الموتور الجامد ببقى حاسس بية جدا و انا رجلى على الدبرياج
ممكن حد يقولى المشكلة كدة فين لانى خايف الموضوع دة يقصف عمر الديسك و الاسطوانة
ارجو الافادة ضرورى
شكرا

في أقرب صيانة خليهم يشوفوا قواعد الموتور .

[peter magdy]

استاذ باسم و استاذ صابر
عاملين وحشتونى كتير واللة انتو و باقى الاعضاء
انا كنت منتظر مشاركتكم و هجرب زيت والف و هكشف على قواعد الموتور المرة الجاية انشاء اللة
بس الزيت هل فية حاجة معينة يعنى تخليق او نصف تخليقى و اوصلهم ازاى
شكرا ليكم و كل سنة و حضراتكم بخير

[monami101]

انا قلت الحل قبل كده و فعلا نجح مع ناس كتيير لأنه كان عندنا في السوزوكي تحديدا الالتو
رجلاش دواسة الدبرياج و يعلي شوية و تغييير زيت الفتيس و ممكن تشحم عصاية الفتيس من تحت وتربطها كويس
و شوف بعدها الدنيا هتبقي حلاوةو ملبن ازاي :)

جزالك الله خيراً يا أخ عمرو

[ahmedselaraby]

مساء الخير على احلى شباب فى المنتدى
كل سنة و حضراتكم بخير
عاملين - وحشينى جدا والله و وحشانى القعدة معاكم
اتمنى تكونو كلكم بخير
----------------------------------
دلوقتى انا فتيس العربية دى عاملى عقدة لحد دلوقتى
الفتيس تقيل فى النقل و خصوصا الغيار التانى سواء من الاولى الى التانى او من التالت الى التانى
و الفتيس اصلا تقيل فى النقل شوية
و فى اخر صيانة عملتها بيحلو مشكلة تقل الفتيس دة زى الحلاوة - الفتيس بيطلع من عندهم ملبن
و بعد فترة يرجع يتقل تانى و الكلام دة فى اخر صيانتين نفس القصة بتقرر
دلوقتى العربية ماشية تقريبا 6500 كم
و لانى لو رحت للتوكيل هيحسسونى ان المشكلة منى بس هيعملوها و ترجع تانى
هل اغير زيت الفتيس بزيت فالفولين تخليقى ممكن يعدل التقل دة ولا اية الحل علشان انا زهقت من التقل الرخم دة
انا عارف انة موضوع قديم و رخم بس لو حد يعرف حل يقولى علية
شكرا

شوف يا بيتر يا حبيبى

انا حقولك على التيته عشان محدش يشتغلك و يقولك غير زيت فتيس و الكلام اللى مش جايب همه ده

زيت الفتيس حينعملك الفتيس فى الاول و حتحس بفرق فل أول و لكن

المشكلة فى بعد كده

التيته هى :

الميكانيزم بتاع الفتيس نفسة

صلى على النبى يا بيتر

روح التوكيل ,, قولهم أنا عايز أشحم الكوبلنج الداخلى اللى هو بيسموه كوبلنج الفتيس

و إذ ربما معندهمش شحم كويس فل توكيل

إنزل التوفيقية ,, هات أربع أنابيب معجون شحم (شبه انبوبة معجون السنان كده) و اشمعنا أربعه ,, عشان كل كوبلنج بياخودله اتنين

فيه شحم ألمانى تقيل يحتوى على مادة ال MoS2

مكتوب عليه كده ,, سعره من 25 جم ل 35 جم للأنبوبه الواحده على حسب نوعه ,, بس هات التقيل لأن الخفيف بيبقى بتاع المرسيدس و هو أغلى

المهم ,, خليهم فل توكيل يكبسولك الشحم فى كوبلنج الفتيس الداخلى + تشحيم عصاية الفتيس من تحت بنفس الشحم

مع رجلاش الدبرياج لإطالة عمره و مايبقاش محمل عليه جامد

بس و إدعيلى

اه صحيح ,, خليهم يبوصوا برده على قاعدة الفتيس لحسن يكون واخد خبطة من تحت و لا حاجه و على فكرة ممكن الخبطة تبقى انت شارى العربيه من الوكيل كده مش شرط تبقى انت اللى نزلت فى بلاعه أو اكلت مطب ,, عادى ,, فى الحالادى حيستعديلوهالك بزرجينه على البارد و العربيه برده ,, ده ممكن يفرق فى مستوى الفتيس تلاقيه على شوية

و ربنا يسترلك طريقك و دايما كده مشرفنا فى المنتدى