فرامل byd

[belalelkawasmy]

السلام عليكم
انا امتلك سياره byd كنت فرحان بها جدا لحد ما قابلنى مشكله فى الفرامل واتسببت لى فى حادث وذهبت اللى مركز الخدمه فى القطاميه فوجئت باهمال شديد وعدم حل المشكله وهبت للمركز اكتر من مره وحتى الان لم تحل المشكله انا والله بكون سايق العربيه وانا خايف لانى ممكن اعمل حادث فى اى وقت بجد ومش عارف اعمل ايه

[2CODE]

اكيد يا فندم يعني على قد ما بتدفع على قد ما بتاخد حضرتك متستناش فرامل perfect من عربية بحوالي 80 الف جنية !!!!!

وربنا يستر طريقنا جميعاً بس ياريت نعرف هو ايه الموقف اللي حصل ؟

[bassem.naguib]

أيه مشكلة الفرامل اللي ظهرت معاك بالظبط ؟!

أنا أول مرة أسمع حد بيشتكي من فرامل البي واي دي .

[dr.hazem]

اكيد يا فندم يعني على قد ما بتدفع على قد ما بتاخد حضرتك متستناش فرامل perfect من عربية بحوالي 80 الف جنية !!!!!

وربنا يستر طريقنا جميعاً بس ياريت نعرف هو ايه الموقف اللي حصل ؟

الحمد لله راكب عربيه باقل من كدة وفراملها بوش وممتازة واسعفتني كتير وكفايه عليا ايام التلج والعربيه فراملها زي الفل ...
مش لازم ادفع كتير عشان اركب عربيه فتيسها من سيليسبيد وكونترولها من ماجنتي مارلي وفراملها بوش... عن شيري كيو كيو اتحدث...
تحياتي

Sent from my Xperia Arc S using Forum Runner

[hugan]

الحمد لله راكب عربيه باقل من كدة وفراملها بوش وممتازة واسعفتني كتير وكفايه عليا ايام التلج والعربيه فراملها زي الفل ...
مش لازم ادفع كتير عشان اركب عربيه فتيسها من سيليسبيد وكونترولها من ماجنتي مارلي وفراملها بوش... عن شيري كيو كيو اتحدث...
تحياتي

Sent from my Xperia Arc S using Forum Runner

المشكله ان بتوع الالماني مروقين بتوع الكوري
يقوم بتوع الكوري يحاولو ينفسوا شويه علي بتوع الصيني
يقوم بتوع الصيني ياولداه مش عارفين يردو علي بتوع الكوري
وهلم جرا
انا مش فاهم ايه علاقه سعر العربيه بفراملها
يمكن الصيني علي الاقل فيه abs
وطنابير خلفيه سكينه
مش موجوده في الكوري اللي لسه بينزل بطنابير قباقيبي
زي الشاهين وال 28 والانوس
علي العموم انا راكب عربيتن صيني
والحمدلله فراملهم ممتازه
وبيعملوا الصح في اي وقت

[belalelkawasmy]

يعنى علشان انا دافع 80 الف ودا مبلغ قليل يبقا اموت وانا سايق عربيتى المفروض انت صنعت عربيه بفرامل abcتكون بكفاءه او مكنتش عملتها اصلا
اما المشكله اللى فى الفرامل تقريبا مفيش فرامل مفاجاه يعنى لو اضريت انك تقف لاى ظرف يبئا ربنا يعوض عليك ربنا وانا والله عملت حادث بسبب الموضوع دا والحمد لله ربنا نجانى
فى الاول كانت فرملها جميله وكانت اكتر حاجه عجبانى بس للاسف مركز خدمه byd سيئ جدا ومش مهم عندهم حياتى لانى اشتكيت لهم كتير من الموضوع دا و ردهم ليا ان مش من المفروض انى افرمل بطريقه مفااجأه
هل دا كلام يعقل؟؟؟؟؟

[Amr Axel]

يا أ \ belalelkawasmy كلام حضرتك مش موضح السبب هجوم فقط و انا مقدر حالة حضرتك
بس يا ريت حضرتك تشرح لنا المشكلة كانت ايه بالظبط و ايه السبب و الحادثة كانت ظروفها ايه
لأن حضرتك بتقول كانت فراملها كويسة لكن ساعتها لأ معناها انه مش عيب صناعة في العربية فواضح انه بسبب أخر لذلك يرجي التوضيح عشان نقدر نفهم و لو فيه شيئا ما نوعي الناس

[bassem.naguib]

فيه جزئية قد لا يعلمها الكثير من الناس .. وهي أن الفرامل المزودة بنظام الـ abs ليها اشتراطات علشان يشتغل النظام ده .. وهي أني أدوس بقوة وللأخرعلى دواسة الفرامل .

ولمعرفة ما هو نظام الـ abs .. هو ببساطة شديدة نظام يجعل تيل الفرامل يلامس الطنابير بشكل متتابع وليس باستمرار كما هو الحال في الفرامل العادية .. ويعتقد البعض أن هذا النظام يقوي من الفرامل ولكنه يعمل على تهدئة سرعة السيارة في المقام الأول وليس الوقوف بقوة .

طب أيه فائدة النظام ده .. فائدته أنه بيعطي ليا فرصة أني أناور بالعربية وأفادي بيها العوائق التي أمامي من غير ما العربية تلف بيا .. بمعنى أنه لو العربية مفيهاش abs وجيت دوست على الفرامل ولفيت الدركسيون فالطبيعي أن العربية تلف بيا .. إنما مع وجود النظام ده لو لفيت الدركسيون لتفادي العوائق التي أمامي العربية مش حتلف مني وحترجع لمسارها الطبيعي بعد ما كسرت الدركسيون .

بيشتغل امتى تاني النظام ده .. لو فيه مية أو زيت أو رمل خفيف على الأرض ..

النظام ده بيعمل في المقام الأول على تهدئة سرعة العربية .. وبنسمع الصوت بتاعة عندما يفعل كصوت دربكة جاي من ناحية العجل والطنابير .

طب لا قدر الله أن في ظرف مفاجئ ومحتاج العربية تقف في الحال .. تبقى الدوسة على الفرامل بالراحة وبشكل تدريجي (وليس مفاجئ) لأخر الدواسة .. أنا عارف وأنا بقول الكلام ده أنه في الحالات الحرجة الانسان بيتصرف بتلقائية وبيدوس على الفرامل بقوة وبشكل مفاجئ .. ولكن مع التعود حتلاقي الموضوع بقى سهل .
بالإضافة طبعاً أنه فيه عوامل أخرى تؤثر على قوة الفرامل مثل التيل وجودته وفرد الكاوتش ومدى حساسيتها للتماسك مع الأرض .

مش عارف إذا كان شرحي وصل لحضرتك ولا لآه .. وهل هذا ما حدث معك أم لا .. وفي النهاية ألف سلامة عليك من الحوادث وربنا يسلم طريقك وطريقنا كلنا من كل شر ومكروه .. ولو مكنش الأمر كذلك .. فيجب متابعة مركز الصيانة حتى تحل المشكلة بشكل جذري .



[youtube]http://www.youtube.com/watch?v=hwwXukJaTlM[/youtube]

[mohamed1979]

فيه جزئية قد لا يعلمها الكثير من الناس .. وهي أن الفرامل المزودة بنظام الـ abs ليها اشتراطات علشان يشتغل النظام ده .. وهي أني أدوس بقوة وللأخرعلى دواسة الفرامل .

ولمعرفة ما هو نظام الـ abs .. هو ببساطة شديدة نظام يجعل تيل الفرامل يلامس الطنابير بشكل متتابع وليس باستمرار كما هو الحال في الفرامل العادية .. ويعتقد البعض أن هذا النظام يقوي من الفرامل ولكنه يعمل على تهدئة سرعة السيارة في المقام الأول وليس الوقوف بقوة .

طب أيه فائدة النظام ده .. فائدته أنه بيعطي ليا فرصة أني أناور بالعربية وأفادي بيها العوائق التي أمامي من غير ما العربية تلف بيا .. بمعنى أنه لو العربية مفيهاش abs وجيت دوست على الفرامل ولفيت الدركسيون فالطبيعي أن العربية تلف بيا .. إنما مع وجود النظام ده لو لفيت الدركسيون لتفادي العوائق التي أمامي العربية مش حتلف مني وحترجع لمسارها الطبيعي بعد ما كسرت الدركسيون .

بيشتغل امتى تاني النظام ده .. لو فيه مية أو زيت أو رمل خفيف على الأرض ..

النظام ده بيعمل في المقام الأول على تهدئة سرعة العربية .. وبنسمع الصوت بتاعة عندما يفعل كصوت دربكة جاي من ناحية العجل والطنابير .

طب لا قدر الله أن في ظرف مفاجئ ومحتاج العربية تقف في الحال .. تبقى الدوسة على الفرامل بالراحة وبشكل تدريجي (وليس مفاجئ) لأخر الدواسة .. أنا عارف وأنا بقول الكلام ده أنه في الحالات الحرجة الانسان بيتصرف بتلقائية وبيدوس على الفرامل بقوة وبشكل مفاجئ .. ولكن مع التعود حتلاقي الموضوع بقى سهل .
بالإضافة طبعاً أنه فيه عوامل أخرى تؤثر على قوة الفرامل مثل التيل وجودته وفرد الكاوتش ومدى حساسيتها للتماسك مع الأرض .

مش عارف إذا كان شرحي وصل لحضرتك ولا لآه .. وهل هذا ما حدث معك أم لا .. وفي النهاية ألف سلامة عليك من الحوادث وربنا يسلم طريقك وطريقنا كلنا من كل شر ومكروه .. ولو مكنش الأمر كذلك .. فيجب متابعة مركز الصيانة حتى تحل المشكلة بشكل جذري .



[youtube]http://www.youtube.com/watch?v=hwwxukjatlm[/youtube]

شرح مبسط و جميل
احيك عليه

[ehabpopo]

يا أ \ belalelkawasmy كلام حضرتك مش موضح السبب هجوم فقط و انا مقدر حالة حضرتك
بس يا ريت حضرتك تشرح لنا المشكلة كانت ايه بالظبط و ايه السبب و الحادثة كانت ظروفها ايه
لأن حضرتك بتقول كانت فراملها كويسة لكن ساعتها لأ معناها انه مش عيب صناعة في العربية فواضح انه بسبب أخر لذلك يرجي التوضيح عشان نقدر نفهم و لو فيه شيئا ما نوعي الناس

فعلا الكلام مش واضح بالظبط ... زى ما عمرو قال ...
يا ريت تكشف كويس على العربية او توديها لحد متخصص ... وتطمنا عليك وعلى العربية ...

[M I D O]

توكيل الامل افشل توكيل في الجمهورية

[belalelkawasmy]

المشكله ان aps بيخرف عندى يعنى فى دوسه الفرامل انا وحظى مره تقف ومره تخفف السرعه وروحت مركز خدمه المقطم اكتر من مره ومفيش حد حللى المشكله انا مش مخدرم فى الميكانيكا علشان احدد سبب العطل لكن دا وظيفه مركز الخدمه اومال على اى اساس ان السياره ليها ضمان

[belalelkawasmy]

المشكله ان aps بيخرف عندى يعنى فى دوسه الفرامل انا وحظى مره تقف ومره تخفف السرعه وروحت مركز خدمه المقطم اكتر من مره ومفيش حد حللى المشكله انا مش مخدرم فى الميكانيكا علشان احدد سبب العطل لكن دا وظيفه مركز الخدمه اومال على اى اساس ان السياره ليها ضمان

[lonedoctor]

اصلا الفرامل فى السيارة دى احلى حاجة فيها وانا عندى كورلا 2010 فراملها اضعف من البى واى دى اساسا
المشكلة انه تظبيط الفرامل يحتاج الى جهاز معين يقوم بافراغ دورة الباكم من اى فقاعات هواء وللاسف فرع القطامية صلحوا لى الفرامل مرتين وبعد شوية ترجع اسوء مما كانت بسبب وانا اسف فى التعبير الاستسهال والضغط عليهم كبير والموضوع ده بيستهلك وقت
وذهبت الى فرع اسكندرية وامرى الله الله حيث قام بتظبيط الفرامل على الشعرة واكتر من الشعرة كمان الانسان المحترم الخلوق الباشمهندس اسامة مبروك من اكتر من سنتين وهو اللى عرفنى سر الجهاز بتاع الفرامل ده وعلى حسب كلامه انه اى سيارة فيها abs لازم تتظبط بالجهاز ده (او للامانة ربما اكون انا اللى فهمت كدة لحسن حد يقول لى كلامك غلط فانا لست مهندس سيارات)ومن ساعتها زى الفل
تقبل تحياتى

[mody112]

الاستاذ باسم جابلك الفايدة
انت ممكن تعمل حاجة بدل ما تدوخ نفسك جرب تشيل فيشة جهاز abs وبعدين جرب الفرامل ( المفروض هتلاقى العربية العجل بيصرخ وبتقف اسرع ) وبعدين حط الفيشة تانى وجرب ( تدوس جامد و تدوس متقطع ) لو ظبطت معاك واتعودت عليها والجهاز شغال كان بها لو لا وحسيت ان الفرامل من غير ال absافضل ( بالنسبة لك ) افصلها .
وعلى فكرة فى ناس كتير فاصلين الجهاز وعادى هى الفكرة كلها زى ما سبق وشرح الاستاذ باسم فكرة المناورة اثناء الضغط على الفرامل لو مش فارق معاك افصلها .
لو عندك مشكلة فى الجهاز لمبة بتاعته هتنور فى التابلوه.