الى مالكى ال byd اوتوماتيك

[mody112]

السلام عليكم
الى مالكى ال byd اوتوماتيك كنت عاوز اعرف اخبار الفتيس الاوتوماتيك ايه معاكو وكمان السحب واستهلاك البنزين وهل الونة الرخمة اللى فى الموديلات المانيوال موجودة عندكو فى الاوتوماتيك برضه ؟وايه هى الاختلافات بين الموديل المانيوال والاتوماتيك ؟وهل الموديلات الاوتوماتيك فيها اختلاف عن بعضها يعنى مثلا موديل 2010 يختلف عن 2013 ؟وايه احسن موديل فى الاوتوماتيك ؟
ارجو الافادة . واسف على الاطالة .

[mody112]

هى الرجالة فين ؟؟؟؟؟؟؟؟؟؟؟؟؟

[mody112]

؟؟؟؟؟؟؟؟؟؟؟؟؟؟؟؟؟؟؟؟؟؟؟

[bassem.naguib]

المنتدى مليان مواضيع اتكلمت كتير عن الموضوع ده .. ابحث من البداية وحتلاقي كل اللي أنت عاوزه

[S.Hasan]

اللي شاري العربية دي قليل اوي تقريبا 3 او 4 فا مش عهتلاقي مواضيع كتيرة

[shawadfy2]

انا بضم صوتي لصوتك وحابب اعرف اخبار الاتوماتيك ايه ؟ بلسان مالكيها ويارب حد يرد او يسال لينا حد مالكها وينقلنا ملاحظاته

[gad_fcis]

السلام عليكم و رحمة الله و بركاته


أنا من مالكي byd f3 اتوماتيك ، العربية معايا من شهر مايو 2011 ، عاملة 37000 km ، لم تواجهني أي مشكلة مع الفتيس ، و متوسط إستهلاك البنزين 10 كم في اللتر بالتكييف
سحب العربية معقول مش هقولك طيارة ، بس المنوال طلعتها أحسن كتير و ده طبيعي


موديل العربية مش فارق في الفتيس ، التغيير في الجنوط و لون العدادات و حبة حاجات كدا و ده نفس التغيير اللي موجود في المنوال


أنا كدا كدا كنت ناوي أعمل تقرير بعد صيانة ال-40000 كم ، و من تاني العربية في الفئة السعرية بتاعتها في رأيي هي الاحسن مع تحفظي على سعرها الحالي


أنا تحت أمر حضرتك في أي إستفسار و أسف لتأخري في الرد عشان دخولي محدود الايام ديه

[mody112]

السلام عليكم و رحمة الله و بركاته


أنا من مالكي byd f3 اتوماتيك ، العربية معايا من شهر مايو 2011 ، عاملة 37000 km ، لم تواجهني أي مشكلة مع الفتيس ، و متوسط إستهلاك البنزين 10 كم في اللتر بالتكييف
سحب العربية معقول مش هقولك طيارة ، بس المنوال طلعتها أحسن كتير و ده طبيعي


موديل العربية مش فارق في الفتيس ، التغيير في الجنوط و لون العدادات و حبة حاجات كدا و ده نفس التغيير اللي موجود في المنوال


أنا كدا كدا كنت ناوي أعمل تقرير بعد صيانة ال-40000 كم ، و من تاني العربية في الفئة السعرية بتاعتها في رأيي هي الاحسن مع تحفظي على سعرها الحالي


أنا تحت أمر حضرتك في أي إستفسار و أسف لتأخري في الرد عشان دخولي محدود الايام ديه

اخيرا فى حد بل ريقنا بكلمتين
الف شكر ليك يا باشا بس كنا عاوزين نعرف شوية حاجات منك كده
استهلاك البنزين من غير التكييف اخباره ايه ؟
هل بتسمع صوت الونة الرخمة بتاعت الفتيس دى زى المانيوال كده ؟
فى مشاكل فى الحرارة _(يعنى العربية بتسخن او المؤشر بيهيس )؟
اقصى سرعة جبتها بالعربية كام ؟
الفتيس بينقل من غيار لغياراخر مستريح ولا فيه صوت ولا ناعم ؟
اسف على الاطالة

[gad_fcis]

استهلاك البنزين من غير التكييف اخباره ايه ؟
ممكن نقول 11 كم في اللتر


هل بتسمع صوت الونة الرخمة بتاعت الفتيس دى زى المانيوال كده ؟
مفيش عندى ونة


فى مشاكل فى الحرارة _(يعنى العربية بتسخن او المؤشر بيهيس )؟
حصلت معايا مرتين , مرة لما كانت عملة 2000 كم و مرة لما كانت عملة 36000 كم و فى المرتين ظبتط لوحدها


اقصى سرعة جبتها بالعربية كام ؟
160 كم \س و كان ممكن تجيب اكتر


الفتيس بينقل من غيار لغياراخر مستريح ولا فيه صوت ولا ناعم ؟
النقل مستريح و مفيش تنتيش ولا ترزيع

[Mohamed.Muslim]

ممكن حد يقولى ال byd f3 سعرها كام دلوقتى مانيوال و أتوماتيك ؟؟

[محمد ابراهيم 1]

ممكن حد يقولى ال byd f3 سعرها كام دلوقتى مانيوال و أتوماتيك ؟؟

79 الف للكاملة المانيوال

[mody112]

استهلاك البنزين من غير التكييف اخباره ايه ؟
ممكن نقول 11 كم في اللتر


هل بتسمع صوت الونة الرخمة بتاعت الفتيس دى زى المانيوال كده ؟
مفيش عندى ونة


فى مشاكل فى الحرارة _(يعنى العربية بتسخن او المؤشر بيهيس )؟
حصلت معايا مرتين , مرة لما كانت عملة 2000 كم و مرة لما كانت عملة 36000 كم و فى المرتين ظبتط لوحدها


اقصى سرعة جبتها بالعربية كام ؟
160 كم \س و كان ممكن تجيب اكتر


الفتيس بينقل من غيار لغياراخر مستريح ولا فيه صوت ولا ناعم ؟
النقل مستريح و مفيش تنتيش ولا ترزيع

الف شكر ياباشا واسف على التاخير فى الرد

[yasser_z9]

مفيش صوت ونه فى العربيه من الفتيس زى المانوال
الحراره مظبوطه فى النص عالطول
السرعه 180ك وفت ازود عن كده علشان الكاوتش
الفتيس ناعم وبينقل الغيارات بدون مشاكل وممكن اصلا تسوقها مانيوال وتسحب بيها سحبت المانيوال
استهلاك البنزين طبيعى بس انا مجربتش بدون تكيف

[hugan]

ال بي واي دي
في كلام علي ان فتيسها الاوتو ياباني بالكامل

[abokoko]

بيتقال ان الفتيس هو نفسه فتيس النيسان صنى