شكر واجب

[egypt123456]

بعد التحيه الواجبة بسجل شكري للسيارة بي واي دي فلاير BYD Flyer بعد عشرة 8 سنوات من شهر اكتوبر 2005 الي شهر اكتوبر 2013
الف شكر استحملتيني كتير وعشتي مواقف كتير معي
وبصراحة انا بردة استحملت توكيلك كتير
بس الحمد لله علي كل حال - تم بيع السيارة وشكرا

[د.عماد صلاح]

مبروك ...ناوي علي ايه

[mem]

هههههههه طريقتك حلوه فى الكتابه
حلوه استحملت توكلها كتيير
ربنا يوفقك فى احسن منها عربيه وتوكيل

[hossamalsadik]

مبرو ك وربنا يبارك لشريها ان شاء الله

جرب الألمانى

[Ahmed_m7md_A5]

الف مبروك

[ehabpopo]

اولا : الف مبروك البيع .. وربنا يرزقك بافضل منها إن شاء الله
ثانيا : انا بعتبر موضوعك ده شهادة جودة للعربية خاصتا ولماركة بى واى دى عامتا ... 8 سنين لعربية صينى وهى لسة بتبدأ فى مصر واكيد انت بعتها لناس ها تكمل المسيرة معاها ... ده اكيد شهادة جودة للناس اللى بتشكك وبتكتب مشاركات بتحسسنى منها انها زى فوانيس رمضان ...
وابقى طمنا عليك وقولنا جبت ماركة اية ... وبالتوفيق إنشاء الله

[saddam]

صديقي المواطن
وفقك.الله.لما.فيه الخير لك ومنتظرين سماع أخبارك وآخر تطورات الموقف على الصعيدين
وبالتوفيق
ودمتم للنضال

[egypt123456]

العربية علي قد ثمنها بس ليه ملاحظات للجميع وده نتيجة الاستخدام لمدة 8 سنوات بما يرضي الله
1- العربية كانت ب 40 الف جنية في 2005 في نفس الوقت كانت الماروتي ب 36 الف فكانت صفقة رابحة امكانيات اعلي وسعر كويس – بس لو يعود بيه الوقت هشتري الماروتي وده للاسباب الاتية فقط :
2- توافر فقط الغيار
3- سعر قطع غيار رخصي
4- سعر اعادة البيع
5- وللاسف الكلام ده مش موجود في ال byd علي الرغم من انها عربية افضل من الماروتي مليون مرة والله انت كنت بقفل العداد بتعها في السفر 160 ك والتكييف شغال ومحمله ناس كتير ومش تهريج - بس
6- تروح التوكيل مش بيعمل دعاية للعربية ولا بيهتم ولا يوفر قطع غيار إلا في النادر وانت وحظك
علي الرغم من انها مقارنة مع الماروتي افضل مليون مرة
7- التوكيل ليس لديه عمالة مدربة بجد او علي قد عالي من الحرفي الفنية – لا يوجد ضمير

علشان كده انصح اي حد يفكر يشتري اي عربية الاول كويس في الاتي
1- سعر اعادة البيع للسيارة قبل الشراء وده هام جدا حتي لو مش ناوي تبيع
2- مدي توافر قطع الغيار برة التوكيل مش في التوكيل وبس – توكيل شركة الامل كان بيدفع العميل ثمن قطع الغيار بالتركيب حتي لو العميل هيشتري فقط القطع ويركبها برة التوكيل – شيئ غير محترم صح
3- سعر قطع الغير
4- اعتقد الاسباب ده تخلي اي عربية منتشرة وبياعة علي حتي لو فيها مشاكل فنية
واخيرا بالتوفيق للجمع وده رأي شخصي علشان عارف ان في ناس هنا بتشتغل في التوكيل او مع التوكيل وطبعا هتدافع وخلاص

[S O P H O S]

ربنا يعوضك بأحسن منها

[J A G U A R]

ان شاء الله تجيب احسن منها