محتاج رايكوا

[mohamed.heiba]

السلام عليكم

ده اللينك بتاع موضوع انا عملته فى قسم المقارنات و بحاول اخد راى الناس فيه عن البى واى دى اتمنى من اصحاب السياره يشاركوا برايهم لانىمحتاجوا فعلا

http://www.nilemotors.net/Nile/385248-a.html#post3875246727

شكرا

[bassem.naguib]

بص يا سيدي الفاضل .. أنت عرضت المشكلة وطريقة سواقتك .. وكمان اتكلمت على العربيات اللي شفتها .. ومواصفات العربية اللي أنت عاوزها وكمان رنج سعرها .

كل ده ينصب في البي واي دي .. بغض النظر عن أن البي واي دي صيني أو أوروبي أو ياباني .. فأي عربية بتبقى عاملة زي الست .. لو أهملتها وهنتها حتهملك وتهينك .. وأي عربية بأسلوب السواقة اللي بتقوله ده مش حتستحمل معاك حتى لو ألماني .

أنصحك تعمل استخارة قبل أي شيء .. وأنت الإجابة جاوبتها بنفسك في اختيار البي واي دي اتوماتيك طبقاً لميزانيتك .

وربنا يوفقك للي فيه الخير إن شاء الله .

[mohamed.heiba]

بص يا سيدي الفاضل .. أنت عرضت المشكلة وطريقة سواقتك .. وكمان اتكلمت على العربيات اللي شفتها .. ومواصفات العربية اللي أنت عاوزها وكمان رنج سعرها .

كل ده ينصب في البي واي دي .. بغض النظر عن أن البي واي دي صيني أو أوروبي أو ياباني .. فأي عربية بتبقى عاملة زي الست .. لو أهملتها وهنتها حتهملك وتهينك .. وأي عربية بأسلوب السواقة اللي بتقوله ده مش حتستحمل معاك حتى لو ألماني .

أنصحك تعمل استخارة قبل أي شيء .. وأنت الإجابة جاوبتها بنفسك في اختيار البي واي دي اتوماتيك طبقاً لميزانيتك .

وربنا يوفقك للي فيه الخير إن شاء الله .

اشكرك على الرد اولا
و ان شاء الله فى استخاره قبل ما اتوكل على الله و اتعاقد عليها
طريقه السواقه دى للاسف انا مجبر عليها
لانى بسوق لمسافات طويله كل يوم
و العربيه دى مش لكده للاسف

السؤال هنا بما انك برده مؤيد لفكره البى واى دى
ايه ابرز عيوبها ؟؟
و هل هيا هتستحمل المسافات اليوميه دى و لا لا
و اظن ممكن طريقه السواقه تتحسن لما تبقى اوتو بدل المانوال ولا ايه ؟؟

[bassem.naguib]

ممكن تاخد لفة في القسم هنا وتشوف العيوب والمميزات للعربية .

أي عربية في الدنيا ليها مميزات وعيوب .. السؤال هنا هل هذه العيوب حتقدر تتعايش معاها وتتقبلها أم لا .. وأي واحد مننا برضه عاوز أحسن عربية في الدنيا .. ولكن الماديات هي اللي بتضعك في نطاق اختيارات محددة مجبرين عليها .

السواقة لمسافات طويلة مش حيكون عليها تأثير .. إنما طريقة القيادة والتعامل مع المطبات أكيد حتأثر على أي عربية .. بالإضافة أن أي عربية أوتوماتيك للحفاظ على الفتيس بتاعها لازم مراعاة الزيت وغياره في ميعادة وإلا حيبوظ .. وساعتها حتزعل قوي .. صون العربية تصونك .. تهين العربية تهينك .. حط القاعدة دي في دماغك مع أي عربية

[cobrahi]

صون العربية تصونك .. تهين العربية تهينك ..

صح لســــــــانك ي باسم انت جبت من الاخر بصراحه
و دة مثل بجد انا بستعمله ف حياتى مع اى سيارة
لذلك السيارة بتفضل وكاله من وقت ما اجيبها لغايت ما ابيعها
مثال انا اشتريت فيرنا 2012 جديدة بعتها بعد سنه و نص او اكتر شويه بشهور كانت عامله 16000 بس يعنى تعتبر كسر زيرو تشوفها من الخارج و الداخل تقول السيارة مستعملتش قبل كدة حتى كاوتش السيارة زى ماهيه جديده