10byd f0لترات في 84 كيلومتر

[rdha]

الى الاساتتدة الكرام لاحظت ان سيارتيbyd f0 تستهلك البنزين بكمية فوق المعقول 10لترات في 84 كيلومتر في اخر مرة سرت بها في الطريق مما جعلني في حيرة من امرها هل هدا الاستهلاك طبيعي اما ادا كان غير طبيعي فاين المشكل وماهي النصيحة الواجب اتخادها

[د.عماد صلاح]

عالي جدا

[Silent~Dream]

هى كده استهلاكها عالى جدا و انتظر راى الخبراء فى الاسباب

[bassem.naguib]

حاول تنظف البوابة .. وحط العربية على السكانر .. وإن شاء الله الدنيا حتتظبط معاك .

[saddam]

صديقي المواطن
لو العربية عدت 35 ألف كيلو وأكثر فغالب الظن إن الرشاشات لازم تتحل ويتم المراجعة عليها بجهاز اﻷلترا سونيك جايز بكون الرشاش بيسيل ولكن خد بالك فلتر الهواء في مصر لو قعد فوق ال 5 آلاف في العربية حتبتدي تكتم هواء وتصرف بنزين أكثر
وبالتوفيق وإلى اﻷمام ومن نصر إلى نصر
ودمتم للنضال

[M I D O]

لا طبعا استهلاك عالي جداااااااااااااااااا دي العربية 1000 سي سي يعني المفروض تديها بوق بنزين تجري ومتقفش اكيد في حاجة غلط

[x_gomgom]

المفروض التر داخل البلد يعمل تقريباً 14 كيلو بدون التكيف و قياده هادئه....
انا كانت معايا f0 و كانت فيها المشكله دي و اتحلت كالاتي:
1- تنظيف حساس ال idle و ال tps و دول في البوابه (و في الاخر حساس الايدل اتغير في الضمان)
2- تنظيف الكانستر (دي علبه سوده بلاستيك اول ما تفتح الكبوت بتلقيها في صدر العربيه من الناحية الشمال و داخلها خرطومين) و دا بيتنضف بالهواء ولو هو الي فيه المشكله هتسمع صوت فرقعه خفيفه في الشكمان لو شلت رجلك من على دواسة البنزين و هي واخده غيار......
يا رب اكون افدت

[rdha]

شكرا اساتدتي الكرام على الرد والفائدة سيارتي لم تتجاوز 8000 كم وهناك نقطة اخرى اضطررت لاستعمل بنزين سوبر بدل بنزين الخالي من الرصاص

[S O P H O S]

كتير جدا طبعا يعني 170 كم فالصفيحة

[Ahmed_BYD_F0]

فعلا استهلاك عالى
انا استهلاكى 120 كيلو فى 10 ليتر
وده بسبب انى احيان كتيرة الطريق بيكون واقف ومطالع كتيرة
ممكن يكون سبب الاستهلاك العالى بتاعك ده من كده
وبرده راجع اراء خبراء المنتدى الكبار بتاعنا