حادثه دمرت السياره

[Saudikamal]

السلام عليكم ورحمه الله وبركاته
اخوانى فى المنتدى ارجو المساعده حصل لى حادثه جامده على الدائرى وعايز اعرف اجيب قطع الغيار الكويسه للسياره منين واسعاره تكون كمان كويسه السياره byd f3
مع خالص الشكر للجميع

[ahmedselaraby]

لا حول و لا قوة إلا بالله ,, قدر الله و ما شاء فعل

ألف سلامة على سيادتك ,, طمنا عليك .........

بالنسبة لقطع لغيار ,, فا فيه محل شخلول اللى فل زاوية و ذكى جرجس فى شارع دمشق - هارون الرشيد - مصر الجديدة

هى الحادثة حصلت ازاى ؟

[mohammadrashee]

خير ان شاء الله المهم ان انت كويس وانا معرفش حاجه في البي واي دي معلش

[hugan]

1000سلامه قد ر ولطف
شارع دمشق

[Silent~Dream]

الف سلامه عليك و متزعلش انها جت فى الحديد

[elswaha]

[overline]الحمد لله انك بخير
وعن تجربة
اذهب للتوكيل افضل وأرخص
طبعا مش هاتصدقنى
لكن دى الحقيقة
وتقدر تروح فرع الشرابية
هناك مهندس اسمه محمود
زوق جداً وهايفيدك جدا جدا
والصنايعية هناك افضل حالاً بعد الاسكندرية

[/overline][overline][/overline]

[M I D O]

الحمد لله علي كل شئ و الحمد لله انك بخير ودة المهم

[mohhassan]

قدر الله وما شاء فعل والحمد لله انك بخير وربنا يساعدك

[monami101]

قدر الله وما شاء فعل

[mody112]

الحمد لله على سلامتك واى استفسار من ناحية قطع الغيار انا تحت امرك

[ehabpopo]

قدر الله وما شاء فعل والحمد لله انك بخير *
لو هاتصلح فى التوكيل يبقى خلاص هاتلاقى هناك كل حاجة ....
لو هاتصلع عند ميكانيكى ... روح للاسطى حمدى ... وامشى معاه واحدة واحدة وقطع الغيار عند شخلول كويس واصلى واسعارة افضل من شارع دمشق ... وربنا يوفقك إن شاء الله
بس قولنا اية اللى حصل فى العربية وطمنا عليك

[حمدى الفنى]

حمد الله على سلامتك ما يهمكش كلو سهل اهم حاجة انت

[Saudikamal]

لا حول و لا قوة إلا بالله ,, قدر الله و ما شاء فعل

ألف سلامة على سيادتك ,, طمنا عليك .........

بالنسبة لقطع لغيار ,, فا فيه محل شخلول اللى فل زاوية و ذكى جرجس فى شارع دمشق - هارون الرشيد - مصر الجديدة

هى الحادثة حصلت ازاى ؟

والله العظيم ما اعرف ده انا لسه جايب العربيه فى شهر 8 جديده من وقتها وكل يوم نصيبه شكل لحد اخر مره جابت اجلى

[Saudikamal]

[overline]الحمد لله انك بخير
وعن تجربة
اذهب للتوكيل افضل وأرخص
طبعا مش هاتصدقنى
لكن دى الحقيقة
وتقدر تروح فرع الشرابية
هناك مهندس اسمه محمود
زوق جداً وهايفيدك جدا جدا
والصنايعية هناك افضل حالاً بعد الاسكندرية

[/overline][overline][/overline]

انا حضرتك لسه جايب العربيه من شهريين جديده دافع فيها 77 الف جنيه ولما حصل لى الحادثه الاولى وغيرت طقم دبرياج روحت التوكيل ودفع الف ومتيين جنيه ولما حصل لى الحادثه الاخيره دى جبت الونش ورحت على التوكيل قالى 35 الف جنيه والعربيه فى الضمان انا اكيد يعنى مش هاروح بره من نفسى واضيع الضمان على بس بجد حسبى الله ونعم الوكيل فيهم لان ده اوسخ خدمه عملاء وضمان فى مصر

[Saudikamal]

الحمد لله على سلامتك واى استفسار من ناحية قطع الغيار انا تحت امرك

حضرتك انا المشتروات الى عندى فى العربيه
الدونجل الخلفى
الاربع فوانيس
اكسدام امامى وخلفى
اربع فوانيس شبوره امام وخلف
علبه البور
المروحتيين الى قدام
المقص الامامى يمين
الباره اليمين الى واصله على علبه الدركسيون
البيضه الى فى المقص اليمين
الزجاج الامامى
ولسه فى حاجات تانيه مش عارف اسمها
وكمان المشكله الكبيره فى الجنوت وهى دى اكبر حاجه دايخ عليها وربنا يكرمك ياريت تفدنى فيها