اللى معاه موديل 2007 و2008 التقفيل الصينى

[mody112]

السلام عليكم
ياريت الساده الافاضل اللى معاهم f3 موديل 2007 او 2008 التقفيل الصينى (او اللى عنده معلومة ) يقولى ماستر الفرامل العمومى لو غيره جابه منين بس يكون الاصلى بتاع العربية وهل يختلق الموديل الصيتى عن المصرى .
انا بقول الكلام ده ليه ؟ لانى ماستر الفرامل بتاعى ابتدى يهرب فقلت اغيره على طول وجيبته من شخلول المهم طلع اطول سنه بسيطه من الاصلى بتاع العربية ولما ركبتوه بدال الفرامل كان بينزل لتحت ويحجر ولازم تزق الدواسة من تحت عشان تطلع والمهم الميكانيكى ( حمدى الفنى ) عمله جوان عشان الطول ده واشتغل كويس بس البدال واطى شوية .
طبعا انا كنت عاوز الفرامل ترجع زى ماكنت مع الماستر الاصلى فتانى يوم طلعت على التوكيل وسالتهم على الماستر لموديل 2007 الصينى وكانت الطامة الكبرى وقالولى هى بتفرق يا نهار ابيض هو انتو اللى بتسالونى المهم قلتلهم ايوة بتفرق لانى جبت واحد امبارح وطلع مجتلف ودخلونى المخزن وجابولى ماستر وتقريبا مدير المخزن هناك قالى برضه انه مبيفرقش المصرى عن الصينى فحكتله الحكاية تانى قالى دى ممكن تكون معلومة جديدة بالنسبة لنا والمهم قسنا الزور بتاع الماستر فى التوكيل من عند التيله وكلمت حمدى الفنى وقاس الزور بتاع الماستر الاصلى من عند التيلة برضه ( لانه كان عنده ) وطلع تقريبا نفس المقاس 4.9 سم فقلت الحمد لله وطلعت عليه وقبل ما نركبه قلتله نقيس الاول وللاسف طلع المقاس مش مظبوط وطلع بتاع التوكيل تقريبا نفس الطول بتاع ماستر شخلول والفرق حوالى 4 مم والفرق بين بتاع التوكيل والاصلى ان التيلة بتاعت التوكيل اتخن كتير من التيله بتاعت الاصلى وهو ده اللى عمل الفارق .
افيدونى افادكم الله ايه العمل ؟
منين اجيب الماستر الاصلى ؟
ولو التوكيل مرضيش يرجع الماستر بتاعه مع انى مركبتوش ايه هيكون العمل ؟

[mody112]

مفيش حد بل ريقنا باى حاجة ليه يا رجالة

[mody112]

مفيش حد من غير ماستر فرامل خالص فى مصر موديل 2007 او 2008 غيرى انا ولا ايه ؟
طب مفيش حد عنده معلومة عن الموضوع ده ؟
مستنيكو

[mody112]

طيب لغاية ما حد يرد عليه كنت عاوز احكيلو ايه اللى حصل معايا امبارح فى مركز الشرابية ومن بعده القطامية .
امبارح الساعة 10.3 على الصبح كده روحت مركز الشرابية عشان ارجع الماستر اللى كنت اشتريته منهم واشوف لو عندهم حل للمشكلة دى المهم دخلت على مدير المخزن وفكرته بالمشكلة على طول لقيته بكل بساطة ويسر بيقولى مفيش مشكلة وهنرجعهولك وانا كنت طبعا مركبتوش ولا عملت فيه اى حاجة .قلتله شكرا لكن هل عندك حل قالى الحل بسيط وهو ان الزيادة دى تتجلخ عادى والماستر يركب وان الميكانيكى كان المفروض عمل كده ( الاسطى حمدى مش عارف رايه ايه فى القصة دى ولو انى انا حاسس ان التجليخ للماستر ممكن يسبب مشكلة ) المهم اخدت فلوسى ومشيت وقلت اطلع على فرع القطامية اهم بيشكرو فيه واشوف يمكن يكون عندهم حل للمشكلة العويصة دى روحت على هناك ومن النظرة الاولى كده تحس انك داخل سويقة ولا حد بيقولك رايح فين ولا جاى منين دخلت على الحسابات لقيت العملاء بتوع المركز يعينى عليهم واقفين قدام اوضة الحسابات وبره على السلم فسالت احد العملاء هو مفيش هنا استراحة للعملاء قالى لا فى فوق ولكن الميكروفون بتاع المركز عطلان ومفيش حد من الموظفين يطلعلك فوق لو عربيتك خلصت او احتاجو حاجة .وبسبب الموضوع ده كان فى احد العملاء عمال يزعق ومتنرفز على الاخر ومش عاجبه خالص لا النظام ولا الاسلوب فى المركز وقالهم انا مش جاى هنا تانى .
المهم انا طلبت دخولى للمخزن عشان اشوف على الطبيعة الماستر اللى عندهم زى بتاع الشرابية ولا مختلف هما كانو رافضين فى الاول ولكن انان اصؤيت المهم دخلت وطبعا بتاع المخزن لما سالته على ماستر 2007 قالى مبتفرقش خالص وحسستى انى مبفهمش اى حاجة المهم قلتله طب هات ماستر كده وانا طبعا كان معايا الماستر الاصلى وقيسنا الاتنين لقينا فرق ال 4 مم تقريبا برضه هو هو ولقيت عامل المخزن بيقول ازاى ده ومش عارف ايه قلتله مش انا قلتلك فراح ناده على ميكانيكى من الورشة هناك وقاله شوف كده الميكانيكى قالى عادى احنا بنجلخه ونركبه عادى قلتله نجلخه قالى اه عادى قلتله طب انا مركب واحد تنى من بره زى اللى عندكو بالظبط ممكن تظبطهولى قالى اعمل امر شغل ودخل العربية .
طلعت بره عشان اعمل امر شغل بس المهندس مش موجود وشكلها كده مفيش فى المركز غير مهندس واحد بس فضلت مسنيه طبعا شوية وشوية لقيت راجل محترم ( طلع مدير المخزن ) كده بيتكلم مع العميل اللى كان بيزعق من شوية ده وقرفان من المركز وبيحاول يهديه وسالنى عندك مشكلة قلتله اه وحكيتله المشكلة قالى مينفعش اللى انت بتقوله ده وواحنا واقفين جيه المهندس المنتظر ( احمد متولى تقريبا ) وقلتله على المشكلة برضه قالى لا يمكن قلتله انا كنت لسه جوه فى المخزن وشوفت ماستر من عندكو وطلع فى فرق فى الطول ولما سالته عن التجليخ قالى وهو متشنج كه مينفعش خالص اللى انت بتقول عليه ده تجليخ ايه يا راجل فى ماستر فرامل ده اسمه عك طبعا انا اتنرفزت اكتر وزعقت فى وشه قلتله الكلام ده اتقالى فى توكيل الشرابية واتقالى من صنايعى من عندك فى الورشة جوه حالا لقيت وشه احمر وقالى مين هو قلتله معرفش اسمه طبعا لكن لو دخلنا جوه هجيبهولك لقيته قام قايلى ده ميفهمش حاجة ولو كان عاوز يعمل كده مفيش حد كان هيوافقه ( مش عارف حد مين )ولقيته بيقولى دخ لاعربية واحنا نكشف على دورة الفرامل بالكامل وبالمرة نكشف على ال abs ونركب ماستر جديد ونشوف طبعا انا حسيت ان فى اشتغالة هتتم لانه رفض انه يظبطلى الماستر اللى راكب مع انه هو هو اللى عندهم ودخلنى فى قصص تانية فاخدت عربيتى ومشيت .
هل من افادة ؟

[mody112]

لا حول ولا قوة الا بالله العلى العظيم
هى الناس راحت فين ؟

[MuslimMeskeen]

أنا لسة قاري موضوعك من خلال الرابط اللي حطيته في موضوع د.المناهري.. أنا شوفت العنوان برة.. بس مفتحتوش غير لما نوهت للي قابلك في موضوع د.المناهري.. حاول تغير العنوان أو تكرر الرابط في موضوعات أخرى تتعلق بالفرامل.. أنا الصراحة معنديش معلومة أقدر أفيدك بيها في الأمر ده.. لكن جرب تاخد رأي الاسطى حمدي الفني في حوار التجليخ ده.

[حمدى الفنى]

الموضوع بصيط ومش مستاهل كل المشاوير الى انت عملتها دى وانا حلتلك المشكلة بجوان وقلتلك ما تخفش من حاجة وان كان البدال واطى تعالى وانا هظبطلك رجلاش المسافة بتاع البدال وخلاص

[mody112]

الموضوع بصيط ومش مستاهل كل المشاوير الى انت عملتها دى وانا حلتلك المشكلة بجوان وقلتلك ما تخفش من حاجة وان كان البدال واطى تعالى وانا هظبطلك رجلاش المسافة بتاع البدال وخلاص

لا يا برنس الموضوع مكنش بسيط ولا حاجة دى فرامل وتستاهل المشاوير دى كلها وخصوصا انى بحب اعمل الصح فى عربيتى والجوان ده كمان كان بيدخل هواء باستمرار وبعدين انت قلتلى ان مفيش رجلاش ولو كان فى طب ماتعملش ليه واحنا شغالين عندك ؟

[حمدى الفنى]

واللهى انت الى برنس جوان ايه الى كان بيدخل هوا وهوا بيركب من غيرةو اصلاا يعنى من غيرو مش هيدخل هوا وبحوان هيدخل هوا كلامك مش صح عشان فيه حاجة راكبة عالزور اسمها اولسي يعنى تحط جوان ما تحطش ما لوش دخل وخلى بالك يا برنس كتير النط قليل الصيد وانت ما لكش ورشة محددة وده الى متوهك فالمعلومات وكل الى انت شايفو صح اعملو يا برنس اما العربية كانت عندى ما رجلشتش ليه عشان البدال كان مظبوط وانا كنت هرجلش على رجلك وطلبك واحنا اسفين اننا ضيعنا وقت حضرتك فقرايت الرد وخلناك ترد علينا وتقول يا برنس واللهى انت الى برنس

[mody112]

والله انت الى برنس جوان ايه الى كان بيدخل هوا وهوا بيركب من غيرةو اصلاا يعنى من غيرو مش هيدخل هوا وبحوان هيدخل هوا كلامك مش صح عشان فيه حاجة راكبة عالزور اسمها اولسي يعنى تحط جوان ما تحطش ما لوش دخل
طب ما طالما الجوان راكب يا برنس الاولسيه مش هيبات كويس ع الزور وبالتالى هيدخل هوا


وخلى بالك يا برنس كتير النط قليل الصيد
بس بيبقى كتير الخبرة هههههههههه
وانت ما لكش ورشة محددة وده الى متوهك فالمعلومات
طبيعى ومش انا لوحدى بس اللى ماليش ورشة محددة
وكل الى انت شايفو صح اعملو يا برنس
اكيد - وشكرا على النصيحة
اما العربية كانت عندى ما رجلشتش ليه عشان البدال كان مظبوط وانا كنت هرجلش على رجلك
انت مش فاكر انك قلت انه مفيش رجلاش حتى انت سالتنى لو فى ميكانيكى تانى لعب فى الصباع بتاع الرجلاش وانا ساعتها قلتلك لا

وطلبك واحنا اسفين اننا ضيعنا وقت حضرتك
لا عادى يا برنس من غير اسف ولا حاجة
فقرايت الرد وخلناك ترد علينا وتقول يا برنس والله انت الى برنس
عليا النعمة انت اللى برنس

[mozart face]

--------------------

تم مخالفة القاعدة رقم 12 من قواعد المنتدى والتى تمنع التهكم والتهجم لذا تم حصولك على انذار
مع ايقاف لمدة اسبوع

مشرف 6 ب
12.43am
25/12/2013

[mody112]

-----------------

الاستاذ mozart
وصفك ليه بالوصف ده هو هيرد عليك .(ولو انى غير موافق على الاسلوب غير اللائق فى الحوار عشان المنتدى هيبقى خناقة فى شارع ).
لكن انا مقدرش ابخس الناس حقها هو فاهم فى العربية كويس والدليل انى عملت عنده اللى اصعب من الماستر وهو الصبابات والكاتينة والشهادة لله هو لم يقصر فى هذا الموضوع فى اى شىء.ممكن يكون موضوع الماستر ده فى حاجه عدت عليه وكان ممكن يتداركها فى زيارة اخرى لورشته .
لكن مهما كان لا يليق ان نصفه هكذا .

[mody112]

--------------------

تم مخالفة القاعدة رقم 12 من قواعد المنتدى والتى تمنع التهكم والتهجم لذا تم حصولك على انذار
مع ايقاف لمدة اسبوع

مشرف 6 ب
12.43am
25/12/2013

اشكر لادارة المنتدى سرعة التدخل حتى لا يتحول المنتدى الى ساحة للمعارك والالفاظ الخارجة