لتامين العربيه ضد السرقه والتثبيت على الطرق السريعه برجاء المشاركه

[lovernan]

اصدقائى الاعزاء ملاك السياره الجميله byd ونظرا لكثرة الحوادث هذة الايام على كل الطرق السريعه بلا استثناء وطريقه التثبيت بقت بالرشاشات ياترى ازاى نأمن سياراتنا (والامان من عند الله طبعا) ولكن نعمل اللى علينا عايزيين نفتح نقاش عن كل من عنده فكره لتركيب جهاز انذار محترم حتى لو فى التوكيل بس نسعى لده كلنا

ارجو ان الموضوع يلاقى اقبال من الكل للمشاركه

[khaled_sabry]

انا طبعا ماعنديش عربيه byd لكن اسم الموضوع شدنى
انا مركب انذار ولف و فيه كتاوت اضافيه بتركب على بوبينه العربيه
بحيث لاقدر الله لو اتثبت و قدرت احتفظ بالريموت - لو دوست زرار القفل بعدها ب 10 ثوانى الانذار تعمل سارينه و هى ماشيه و بعدها ب 5 ثوانى الانذار يفصل البوبينه و العربيه تقف

[lovernan]

شكرا جزيلا للمشاركه ومنتظريين من الجميع ان يشارك

[rotanamasoud]

انا عامل حركه سريه مش حقولها بالظبط لاكن العربيه مش حدور غير بالضغط على ازرار معينه فى الرموت وفى وضع معين للكونتاك ولو بطلتها لازم تعمل الحركه تانى كل مره بعد لما تبطلها بمعنى لو المفتاح فى العربيه والعربيه بطاله مستحيل تدور (انا غاوى كهربه اوى وانا اللى مصمم السيستم ومنفذه)
يعنى اعتبر عامل امبوليزر وافضل لانها مش حتدور بمفتاحها غير بالسر بتاعى
بس تفتكر لو واحد وقف اى حد مننا بالرشاش وتحت تهديد السلاح الواحد حيعترف ويقول السر