مشكلة الابواب في الموديل 2007

[lsemseml]

مساء الخير يا شباب
اخوكم اسلام من السويس
لسا مغير قريب من هيونداي فرنا الي BYD f3 2007
العربية مشاء الله عليها زي منتو بتقولو بظبط عربية كاملة وزي الفل ويمكن زيرتي للمنتدي بتعكو هنا هو الاقنعني بيها خصوصاَ اني مشتري عربية بحالتها من راجل كبير استخدامو استخدام زيرو ونظيف جدا
بس في مشكلة صغير ة عندي موضوع الابواب خشنة اوي في الفتح والقفل
ولما سئلت قلولي ان المشكلة اتعلجت في الموديلات الجديدة وحبيت استفسر لو في طريقة ( بس ياريت متكونش غالية علشان لسة مفقتش من تمنها ) اظبط بيها الابواب ولو صنيعي محترم تكونو بتثقو فية
وتحياتي لاجمد منتدي واحلا شباب

[bassem.naguib]

شوف واحد متخصص في ظبط الأبواب عندك في السويس يظبطها ويريحها شوية

[lsemseml]

شوف واحد متخصص في ظبط الأبواب عندك في السويس يظبطها ويريحها شوية

يا باشا منا لو كنت لقيت مكنتش سئلت ياريت لو حد واجة نفس المشكلة يقولنا عمل ايه وفين

[lsemseml]

مساء الخير ياجماعه
انا لما جيت هنا فكرت هيكون التفاعل اكتر من كدة
انا سئلت سؤال من كام يوم ولحد دلوقتي محدش عبرني
هو دة طبيعي ولا انا مطنش ومبتردوش غير علي بعض
ولا ايييييييييييييييييييييييه

[bassem.naguib]

ما هو مش كل الناس من السويس عند حضرتك .. لو في القاهرة أعتقد فيه أكتر من واحد يظبط الأبواب .. بس موضحتش المشكلة في أيه بالظبط في تقل الأبواب في الفتح والقفل .. ولا عدم ترييح الأبواب ؟!

ممكن تجرب wd40 على المفصلات وشوف أيه النظام .. أو أي منتج من منتجات العناية بالسيارات في محطات البنزين وتكون خاصة بتليين مفصلات الأبواب .

دور مثلاً هنا في منتجات فالفولين .. أعتقد عندهم حاجات زي دي :
https://www.facebook.com/ValvolineEg

[bassem.naguib]

[youtube]http://www.youtube.com/watch?v=ToywMoFNAMM[/youtube]

[lsemseml]

تسلم bassem.naguib
انا كل صيانتي بعملها في القاهرة بينا وبنكو ساعه طريق يعني متفرقش معايا المكان بس فعلا الموضوع مش لذيذ
خصوصا اني غلبت مع صنيعيه الابواب
بس اكيد في حد لقي حل للموضوع وبصراحة كنت متخيل التفاعل هيكون اقوي من كدة
المشكلة في القفل والفتح الاربع ابواب زي ميكون معايا عربية موديل السبعينات لازم ترزع الباب مرتين تلاته وبتاع الابواب بيظبطها متكملش اسبوع وترجع ريمه لعدتها القديمة
عايز اعرف ممكن اغير كولين مثلا ولا في صنيعي معين في القاهرة ويكون حد مجربة في الموضوع دة
وشكرا مرة اخري علي الاهتمام ياا bassem.naguib

[mody112]

السلام عليكم
اهل بيك وبكل اهل السويس
على فكرة انا برضه معايا البى واى دى موديل 2007 وكنت اشترتها من السويس عندكو ومش عاوز اقولك انا طلع عينى على بال ما نقلت الملكية من هناك الى القاهرة .
المهم انا عندى برضه نفس مشكلة الابواب بتاعتك دى - وبرضه سالت اول ما جيبتها على حل فى المنتدى بس برضه الحال كان من بعضه ( بس مش عاوزك تتضايق هو التفاعل بيكون على حسب الموضوع وعلى حسب التجربة ولو حد قابله قبل كده بس احيانا بيكون المنتدى نايم خاااااالص انا عندى مواضيع من حوالى شهر او اكتر مفيش حد رد عليه فيها لغاية دلوقتى - مش بقولك بكره تتعود ).
نيجى بقه لمشكلتك على حسب ما فهمت من شرحك للمشكلة ان الباب لازم يترزع جامد علشان يقفل - تمام كده -
هى المشكلة دى فى كل الابواب ولا الباب بتاع السائق فقط (من باب العلم بالشىء ليس الا ؟
الخلاصة المشكلة دى فى الكالون او بمعنى اصح السكاكه (اللسان ) اللى فى الباب وبتقفل على الحديدة اللى فى القايم ودى لازم تتغير لان الجلد اللى عليها بيتقطع وعشان كده لازم ترزع الباب عشان يقفل .
ازيدك من الشعر بيت كمان خد دى للاسف مش هتلاقيها استيراد (ولو لاقيتها قولى ياريت )هتلاقى الكالون كله على بعضيه استيراد تويوتا موديل 2005 عامل 200ج فى الحرفيين وهتلاقيه جديد فى التوكيل برضه كامل ب 220 ج تقريبا .
انا فى واحد بتاع كوالين وصيته عليهم لانه بيسافر بورسعيد بيجيب بضاعة استيراد من هناك .
وانت لو عوزت اى حاجة او جيت القاهرة وحبيت نتقابل معنديش مانع .
اى خدمة .
اخوك احمد.