صوت حكه وتصفير من ناحيه سير الكاتينه مع دوارة العربية فقط !!

[mahshahin]

السلام عليكم
................

عربيتي f3 عاملة 37000 كيلو في مشكلة غريبة لاحظتها في العربية عندي اول ما ادورها الصبح اسمع صوت حكة وتصفير من ناحية سير الكاتينه ولما العربية تسخن الصوت يختفي خالص ولو دورتها في اي وقت بعد كدة عادي مفيش اي اصوات !!! ...

انا بقى شاكك في حاجة الموتور عندي من ساعة ما جبت العربية مغسلتوش ولا مرة وكنت بعملوا بالهواء فقط

هل ممكن يكون مثلا في تراب على السير او زيت وقع عليه اثناء تغيير الزيت وهايروح مع الغسيل ولا الموضوع أكبر من كده

[ghareep999]

فيه سير عندك مش مشدود كويس عادة السير لو مش شدود كويس ثانيا ممكن تكون بلية كاتينة تعمل صفارة

[mahshahin]

فيه سير عندك مش مشدود كويس عادة السير لو مش شدود كويس ثانيا ممكن تكون بلية كاتينة تعمل صفارة

شكرا على اهتمامك ... انا عامل دلوقتي حوالي 37.200 هل استنى لحد صيانه الـ 40.000 اللي بيغيرو فيها الكاتينه وسير الدينامو ولا الموضوع ما يتسكتش عليه

[Ahmed Amin]

دا في الغالب سير المجموعة مش سير الكاتينة,
متقلقش سير الكاتينة مش بيعمل صوت كدا, والصوت اللي بيحكي عنه دا بيكون سير المجموعة في الغالب.
لو بيستمر شوية لمدة نص دقيقة مثلاً مع أول الدوارة وبيروح بيبقي سير المجموعة,
ولو العربية صرخت بس مع الدوارة لثانية أو أتنين بيكون ترس المارش.

[mahshahin]

دا في الغالب سير المجموعة مش سير الكاتينة,
متقلقش سير الكاتينة مش بيعمل صوت كدا, والصوت اللي بيحكي عنه دا بيكون سير المجموعة في الغالب.
لو بيستمر شوية لمدة نص دقيقة مثلاً مع أول الدوارة وبيروح بيبقي سير المجموعة,
ولو العربية صرخت بس مع الدوارة لثانية أو أتنين بيكون ترس المارش.

هو فعلا الصوت مع اول الدوارة لمده دقيقة كده وبيروح ......هو أيه سير المجموعة دة !!!!!!

[Ahmadhamza84]

سير الدينمو أو المجموعة محتاج يتشد ...

[Ahmed Amin]

هو فعلا الصوت مع اول الدوارة لمده دقيقة كده وبيروح ......هو أيه سير المجموعة دة !!!!!!

سير الدينمو أو المجموعة محتاج يتشد ...

[mahshahin]

المشكلة ديه تستنى لحد صيانه ال 40 الف ولا لاء

[Ahmed Amin]

تستني عادي مفيش مشاكل. طالما صوت بيطلع في بداية الدوراة وبيروح بعد شوية ومش مستمر,,
وسجل الصوت بالموبيل أو حاجة يكون صوتها واضح, عشان لما تروح توصفهالهم وتسمعلهم الصوت عشان يشوفو هوا سير المجموعة ولا مارش,

[mahshahin]

السلام عليكم
************

بعد الاخذ بنصائح الاخوة الافاضل الاعضاء , قمت بالاتي :

1- شد سير الدينامو
الصوت مارحش

2- شد سير المجموعة ( الميكانيكي بيقول عليه سير التكييف !! )
الصوت مارحش

3 - جبت الميكانيكي وانا بدور العربية الصبح عشان يسمع الصوت .. وقالي ان الصوت ده من طرمبة الباور
واكيدلي كلامه بأنه لما يكسر الدريكسيون للأخر خالص يمين او شمال اسمع صوت نحره

السؤال بقى هل طرمبة الباور ديه ضمن ضمان العربية ولا لاء !!
انا عامل بالعربية 38 الف كيلو

[Ahmed Amin]

المفروض في الضمان, ولو كدا روح لهم في أقرب وقت يناسبك
مش لازم تستني ال 2000 كيلو اللي باقيين,

بس لو الصوت منها المفروض الصوت هيبقي دايم معاك طول الوقت, وهيبان أكتر لما تكسر الدركسيون علي الأخر يمين أو شمال حتي لو بقت سخنة,
لكن أنت بتقول الصوت بيختفي خالص لما العربية بتسخن,!

هناك هتتأكد أكتر لو كان منها ولا كان الصوت بيطلع من حتة تانية.
وأبقي طمنا عملت أيه.

[mahshahin]

المفروض في الضمان, ولو كدا روح لهم في أقرب وقت يناسبك
مش لازم تستني ال 2000 كيلو اللي باقيين,

بس لو الصوت منها المفروض الصوت هيبقي دايم معاك طول الوقت, وهيبان أكتر لما تكسر الدركسيون علي الأخر يمين أو شمال حتي لو بقت سخنة,
لكن أنت بتقول الصوت بيختفي خالص لما العربية بتسخن,!

هناك هتتأكد أكتر لو كان منها ولا كان الصوت بيطلع من حتة تانية.
وأبقي طمنا عملت أيه.

صوت التصفير بيروح لما العربية تسخن ... لكن بعد العربية ما بتسخن ومع كسر الدريكسيون يمين او شمال جامد بسمع صوت نحره

[Ahmed Amin]

صوت التصفير بيروح لما العربية تسخن ... لكن بعد العربية ما بتسخن ومع كسر الدريكسيون يمين او شمال جامد بسمع صوت نحره

يبقي كدا فعلاً ممكن يكون العيب منها,
وكنت أسمع إن فيه صدادات بتكون موجودة عشان متخليش الصوت دا يطلع لما تكسر الدركسيون عال أخر يمين وشمال,
أستني لحد ما تروح الصيانة وخليهم يبصو عليها وأبقي عرفنا قالولك أيه.

[mody112]

ان شاء الله تكون بسيطة
بس ابقى طمنا وقلنا عملت ايه

[monami101]

متابع