بخصوص البقشيش لموظف المبيعات اللى في معرض السيارات ... المفروض كام ؟؟

[maybe]

أنا حجزت سيارة بي واي دي من معرض ... والراجل اللى اتعاملت معاه محترم ومؤدب جدا
لما أستلم العربية إن شاء ... المفروض أديه كام إكرامية أو بقشيش ؟؟؟
شكرا يا سادة

[ebrahim portsa]

أولا مبروك علي السياره وربنا يديك خيرها ويكفيك شرها وانا بفكر اجيب نفس السياره أتو ممكن تكلمنا عن تجربتك معها

[maybe]

الله يبارك في حضرتك ...
أنا لسه المفروض أستلمها الأسبوع القادم إن شاء الله ...
بس عموما هي سيارة ممتازة مقارنتة بالسيارات التي في حدود هذا السعر طبعا ...
الكل بيشكر جدا فيها ...
ويكفي أن الماتور متسوبيشي ...
والعافشة تويوتا كورولا ...

الملحوظة الوحيدة بالنسبة لي عليها أن الخامات ليست بالجودة العالية ....
ويجيلك احساس أنها هيظهر عليها السن بدري ...
علشان كده محتاجه عناية فائقة للمحافظة عليها ....
واعتقد ان ده أمر طبيعي لو اخذنا في الاعتبار السعر

[hossam_elwani]

وﻻ مليم

[J A G U A R]

طبقله 20 جنيه

[amr011111]

من 200 ل 300 جنيه
انا رأى انك تديله فلوس بطيب خاطر واعتبر ان تمن العربيه كان زاد ال 200 جنيه دول
لان ده فى الاخر موظف غلبان وبيبقى شاب بيكون نفسه ومرتبه مش كبير

[shifo]

أنا حجزت سيارة بي واي دي من معرض ... والراجل اللى اتعاملت معاه محترم ومؤدب جدا
لما أستلم العربية إن شاء ... المفروض أديه كام إكرامية أو بقشيش ؟؟؟
شكرا يا سادة

الموظف ولا مليم انما العمال ممكن 50 جم لكل واحد - الموظف له حافز همولة بيع على كل سياره من المعرض نفسه9

[bassemali]

100 جنيه للموظف .. وخمسين لكل عامل .. انا عملت كده .

[Ahmed_BYD_F0]

اما بالنسبة لى انا مدفعتش ولا مليم للموظف
ودعت 250 جنيه للعمال