رسالة وداع

[hamada hendawy]

حبيت اودع كل أعضاء المنتدى قبل ذهابى للتوكيل يوم الاتنين بكرة هاخلية يوم للتسوق واحضر الشدة الحامية واجيب زجاجات مياة بزيادة واحاول اروح لدكتور نفسى يخلينى هادئ ويدينى اى مهدئات للمهمة الصعبة دى وخصوصا انى مش رايح الصيانة العادية وتغيير ذيت الى انا كنت مقرر اغيرة برة التوكيل واللى يحصل يحصل وكنت رايح اركب الزينون الى اضطريت لتأجيلة عشان ما يخليهوش حجة لتلف الدينامو الى حصل عندى بعد 300 كيلو بسبب قوطاش بطارية خارجة من المصنع مفكوكة لأن أكيد دة السبب لان لمبة الدينامو كدة مانورتش الا بعد تشريزها وتحرك القوطاش من مكانة وتبطيلة للعربية كذا مرة وانا ماشى وطبعا الدينامو شكلة ما استحملش الصدمة فباظ انا الى خايف منة انى الاقى حد يقلى ان لمبة البطارية تنور وترعش كدة فى عربية زيرو ان دة طبيعى بيتهيألى مش هاينفع ارد علية بالكلام عشان كدة قلت اودعكوا قبل ما اروح ولو ربنا قدر ورجعت بالسلامة عشان خاطر عيالى هابقى احكيلكوا على الى حصل ويا رب يخلفوا ظنى ويبقوا كويسين على الاقل فى المعاملة المرة دى .

[hugan]

ياباشا سيبك من التوكيل الصيانه في الخارج افضل
وتعمل الشغل اللي انت عايزه
ال بي واي دي صيانتها سهله وقطع غياراها متوفره

[saddam]

صديقي المواطن
خليك هادي وطبيعي ومينفعش إنسان محترم ووطني زيك يبقى مبيت النية من بالليل لتاتي يوم إنه رايح وناوي على خناقات ومشاكل وصوت عالي بعدين قطاش بطارية يعمل فيك كده دي مشكلة أسخف من السخافة وكتت شفتها وإنت بتبص عالمكنة مش تمشي بيها 300 كيلو وإنت مش واخد بالك بعدين متقلقش رغم إنهم توكيل وشلة من الفشلة لكن لو الدينمو فيه حاجة حيتغير
وهذا ما لزم بيانه ودمتم
وبالتوفيق وإلى اﻷمام ومن نصر إلى نصر
ودمتم للنضال

[kokowasfy]

صديقي المواطن
خليك هادي وطبيعي ومينفعش إنسان محترم ووطني زيك يبقى مبيت النية من بالليل لتاتي يوم إنه رايح وناوي على خناقات ومشاكل وصوت عالي بعدين قطاش بطارية يعمل فيك كده دي مشكلة أسخف من السخافة وكتت شفتها وإنت بتبص عالمكنة مش تمشي بيها 300 كيلو وإنت مش واخد بالك بعدين متقلقش رغم إنهم توكيل وشلة من الفشلة لكن لو الدينمو فيه حاجة حيتغير
وهذا ما لزم بيانه ودمتم
وبالتوفيق وإلى اﻷمام ومن نصر إلى نصر
ودمتم للنضال

استاذ صدام بنفسو واللة وحشتنا ردودك جدا فينك من زمان

[hamada hendawy]

انا والله ما كنتش ناوى اروح تانى بس موضوع رعشة وتنوير لمبة البطارية واحتمال تغيير الدينامو دة هو الى رجعنى تناى عن رأى اكيد الدينامو هايبقى برة غالى انا معرفش تمنة بس حرام اغيرة عشان غلطتهم هما وبعدين مش موضوع قطاش البطارية فى الى اتسبب فية بعد كدة اهى غلطة بسيطة بس بتتسبب فى حاجة كبيرة وانا خايف من محاولة اقناعهم لية ان دة هو الى طبيعى ان اللمبة ترعش زى ما حاولوا يقنعونى ان فرش الارضية كدة طبيعى ان تبقى الضفيرة واقعة من كل حتة تحت الفرش مش راكبة فى مكانها والله اصلا شكلهم مركبين فرش مش بتاع العربية الكلبسات بتاعتة عمال الاقيها بتقع لوحدها والاقيها تحت رجلى ولقيت حتة من الموكيت مقطوعة الظاهر من محاولة شدها لتركيبها بس الموضوع دة مش هاتكلم فية تانى هاحترم نفسى واروح لسروجى برة يظبطة ويركبلى فرش جلد علية لان شكلة ما ينفعش يتظبط لازم يتغير بس هاتحرق فى دمك وخلاص انا اهم حاجة يغيرولى الدينامو لان بيتهيألى كدة بخبرتى ان كدة فى حاجة باظت والقطاش باين علية شكل الشرز ولقيت غطاء علبة الفيوزات مرمى عليها كدة من غير تثبيت انا ركبتة كان فى صعوبة فى تركيبة عشان كدة لما تعب الى كان بيركبة فى المصنع راح رمية علية كدة وخلاص عرفت لية بقى حضرتك الواحد رايحلهم وهو مشحون عشان حاجات تافهة وصغيرة بس بتتسبب فى أضرار كبيرة جدا

[ابوجنى2112]

حبيت اودع كل أعضاء المنتدى قبل ذهابى للتوكيل يوم الاتنين بكرة هاخلية يوم للتسوق واحضر الشدة الحامية واجيب زجاجات مياة بزيادة واحاول اروح لدكتور نفسى يخلينى هادئ ويدينى اى مهدئات للمهمة الصعبة دى وخصوصا انى مش رايح الصيانة العادية وتغيير ذيت الى انا كنت مقرر اغيرة برة التوكيل واللى يحصل يحصل وكنت رايح اركب الزينون الى اضطريت لتأجيلة عشان ما يخليهوش حجة لتلف الدينامو الى حصل عندى بعد 300 كيلو بسبب قوطاش بطارية خارجة من المصنع مفكوكة لأن أكيد دة السبب لان لمبة الدينامو كدة مانورتش الا بعد تشريزها وتحرك القوطاش من مكانة وتبطيلة للعربية كذا مرة وانا ماشى وطبعا الدينامو شكلة ما استحملش الصدمة فباظ انا الى خايف منة انى الاقى حد يقلى ان لمبة البطارية تنور وترعش كدة فى عربية زيرو ان دة طبيعى بيتهيألى مش هاينفع ارد علية بالكلام عشان كدة قلت اودعكوا قبل ما اروح ولو ربنا قدر ورجعت بالسلامة عشان خاطر عيالى هابقى احكيلكوا على الى حصل ويا رب يخلفوا ظنى ويبقوا كويسين على الاقل فى المعاملة المرة دى .

سؤال صغنن فى السريع..الدينامو بايظ..متأكد
يعنى حضرتك ماشى بدون شحن..وشغال على البطارية..

[hamada hendawy]

لا مش بايظ انا بصراحة بقالى يومين مانزلتيش من البيت بس لما تيجى تدور العربية لمبة البطارية بتطفى عندى بتطفى بس تروح مولعة تانى على خفيف كدة وترعش شوية وتطفى تانى هو لو ما بيشحنش هاتنور اللمبة على طول بس حضرتك عارف بقى القلق النفسى لا يكون حاجة تانية خربت ومش هاتبان دلوقتى من كتر الشرز الى حصل فى القطاش اسود بس انا نظفتة كويس دة رحتى الكاوتش الى على القطاش مكانش راكب والله لا بصراحة تقفيل زبالة انا مجاش فى بالى اصلا افتح الكبود من يوم ما جيبت العربيةبس طبعا عديت على كل حاجة بعد الموضوع دة هى العربية هرتلت شوية بعد فصل البطارية ورسترت الكنترول بس ظبطت بعد كدة بس ساعات بحسها عالية شوية على السلانسية بعد ماتسخن مش عارف هى كانت كدة ولا انا الى بقيت حساس لاى حاجة منها بعد الموضوع دة عموما انا هاخليهم فى التوكيل يحطوها على الجهاز عشان اطمن على موضوع الكنترول دة بس الدينامو اكيد ان فى حاجة خربت بس بصراحة انا ما حاولتيش اقيس شحنة ولا اعرف فى اية بالظبط

[ابوجنى2112]

من فضلك ..عاوز من طلب صغيّر
حضرتك افتح الكبوت ...بص على كابل الارضى الواصل تحت البطارية
فية كابلين..
واحد مربوط فى جسم السيارة..تحت البطارية مباشرة..
وواحد مربوط فى جسم الفتيس..من تحت تشوفة بعينك
ممكن واحد فيهم سايب شوية ..محتاج يتربط علية لأحكامة جيدا
جرب ومش هاتخسر حاجة..وقول لى عملت ايه..
بتحصل فى البى واى دى كتير وهى لسة جديدة ..بسبب سرعة التقفيل..

[mohhassan]

انا لي رأي روح توكيل الشرابية ارحم في المعاملة والمهندس محمود مدير المركز رجل محترم جدا وبيعامل الناس بكل ذوق وبيرحب بالناس مش بتحس انه قرفان منك لانك هتتعبه مثلا ،،،
موضوع الشغل انا ليا بعض الملاحظات ان شاء الله سأذكرها في موضوع منفصل عن صيانة الالف اللي عملتها النهاردة بسلام والحمد لله ،بس اجمالا هم ارحم من القطامية بدون مااشوفهم .
وعندى احساس ان الارضب مهوي زى ما قالك ابو جنى

[hamada hendawy]

حضرتك كل حاجة تتخيلها مريت عليها بنفسى بس كدة من الواضح ان سليكونات الدينامو هى الى أتأثرت انا معرفش دة ضررة اية بس المفروض يغيرة الدينامو كلة انا كان معايا هوندا سيفيك موديل 92 وكان حصل العيب دة للدينامو بس مكنتش فاهم فى اية لغاية مابوظ البطارية وكانت بقالها شهرين بس واشتريت دينامو استيراد واختفت المشكلة

[hamada hendawy]

انا بصراحة كنت ناوى اروح العباسية بس لو مركز الشرابية موجود فية مهندس بشوش على الاقل اروح هناك وكنت عايز أسأل احط موبيل وان عادى مع العلم ان استخدامى للعربية كتير وأغلبة سفر وطرق سريعة نادرا لما بنزل وسط البلد بالعربية لانى بصراحة مش مستريح لذيت ال 5000 دة

[mohhassan]

المهندس محمود محترم جدا ومتفاهم وبعد ما بيخلص العربية بيخليك تركبها مع حد من عندهم ويسمع لملاحظاتك وكالعادة هتعمل امر الشغل وبعدين تروح تقابله وتشرحله موضوعك وان شاء الله تتحل المشكلة ....ومادام حضرتك كثير السفر ايه رايك تروح توكيل اسكندرية للمهندس اسامة مبروك اخلاق وادب وشطارة ده كله من كلام الاعضاء حتى ان هناك عضو محترم معانا بيسافر لعمل الصيانة الدورية عندهم

[M I D O]

متخرجش من الضمان دلوقتي خالص يا باشا

[dedi]

هو اية الذى بيحصل فينا دة مصانع تجميع و لا ورشة الاسطى بلية
بصراحة الواحد بعد المكتوب هنا وعلى الايمجراند و صدا الابواب باستغرب على اللانوس التى معى ربنا يحفظها و انا كنت عاوز اغيرها دى برقبة كل العك دة
اللة يكون فعلا فى عون الذى اشترى عربية صينى الواحد مفهومة عن السيارات الزيرو اختلف تماما

[ابوجنى2112]

وولف 5W30
فا لفولين 5w30
زيت تخليقى بالكامل..من 10000كم..الى 12000كم..
واسال مسافر دائما..زيك كدة..وابعد عن الموبيل 1

http://www.nilemotors.net/Nile/398979-a.html#post3875372629