تعظيم سلام للاسطى حمدى الميكانيكى

[peter magdy]

مساء الخير على احلى شباب فى المنتدى
وشكر خاص لاستاذ / باسم - منسق المنتدى العزيز
و بسبب مقابلاتة اللى بيجمعنا فيها اتعرفت على احسن و اجدع شخصيات عرفتها ومنها
استاذ صابر ( ابو جنى ) - البشمهندس حسام - استاذ ايمن - و استاذ ايهاب - و غيرهم و انا اسف لو نسيت حد
-----------------------------
الموضوع
كانت عندى مشكلة الفتيس المانيوال اللى عاملى عقدة و اعتقد بردو لناس كتير زى
طبعا روحت التوكيل فى صيانة الالف - و المسكن اشتغل لفترة - و مرة روحت بشكوى من حماية المستهلك و العربية اتعاملت معاملة خاصة - حتى موقفتش فى صف العربيات هههههههههه
لكن للاسف بردو نفس المشكلة كانت قائمة بدون حل
و لفيت كتير و سألت وقلت يمكن الحل فى تغيير زيت الفتيس - و نصحنى استاذ صابر بتغيير زيت فتيس والف - وفعلا غير الزيت - لكن قلل التقل شوية فى النقلات لكن محلش المشكلة لكن قللها
بس الزيت عمل كام ميزة بردو
قلل صوت الفتيس - و كان فى مشكلة ان لما توصل الى 3 rpm على اى غيار و لمست عصايا الفتيس تحس انها عندها مرض الرعاش و اعتقد دة اللى كان عامل الصوت - المهم بردو حلها
و تسارع احسن - مافيش تسقيف الفتيس علشان الزيت ضد برودة الشتا ---------- دى مميزات الزيت الجديد
لكن
المشكلة كانت لسة قائمة اللى حد ما
لغاية ما فى مقابلة من فترة قريبة و استاذ صابر كتر خيرة كلمنى علشان مقابلة و عدى عليا روحنا مع بعض بعربيتة و كمان روحنى لحد البيت ( شكراااااااااا )
و قابلت المجموعة الجميلة اللى القاعدة معاهم ميتشبعش منها و الوقت بيجرى بسرعة
و كان البشمهندس حسام بالصدفة رايح تانى يوم لعم حمدى مخترع المانيوال بدون دبرياج
و استاذ حسام كان بيغير تيل اماى و خلفى و بينظف حساسات
و استاذ صابر شوية تظبيطات بردو
و انا ظبطلى الدبرياج بس الحمد للة تمام و النقلات بقت اسهل و دوسة الدبرياج كانت تقية و رخمة دلوقتى بقت خفيفة و حلوة و لدرجة لما كنت مروح كنت مركز مع الدبرياج علشان الدوسة نعمت قوى و انا مش متعود على كدة هههههههههه فكنت بتأكدة برجلى انى دايس كويس
وكنت لو ماشى على التانى و طالع مطب مقدرش اجيب الاول - و بردو المشكلة الحمد للة اتحلت و بقيت اقدر اجيب الاول - و ساعات المرشدين كان بيبقى رخم قوى بس الحمد للة برضو
و استاذ حسام كان جايب معاة شوية حاجات خاصة بالعناية بالسيارة و من ضمنها شحم فالفولين الابيض فى زجاجة مضغوطة - و بصراحة مبخلش عليا و جية بنفسة وقعد يرش على قاعدة عصاية الفتيس و الوست اللى حوليها بضمير ههههههههههههه ( متشكر جدا لحضرتك ) و زهقتة كمان عقبال ما عرفت اوصل للورشة
نرجع لعم حمدى
ميكانيكى شاطر جدا و فاهم فى العربية كويس جدا و بيتعامل معاها بأحترافية
ولما كنا عندة كان عايز يحط موتور ريجاتا فى سيارة سيات - ايوة سيات ههههههههههههه
الموتور على الارض و بيعملة تعديل و العربية واقفة قدام الورشة بدون موتور
انا قلتلة بتفكرنى بأعلان فانتا برتقال - للى شافة
------------------------------------
يبقى كدة عندنا عم حمدى الكهربائى
و يبقى عندنا عم حمدى الميكانيكى
-------------------------------------
و بعد اذن استاذ باسم - انا بدعو الناس لما يبقى فى مقابلة الناس تيجى علشان هتستفاد جدا و كمان هتتعرف على شخصيات محترمة جدا
اسف على الاطالة و اسف لانى مش بعرف اعمل مواضيع معلش على قدى
شكرا

[bassem.naguib]

ربنا يباركلك يا بيتر في عربيتك ويكفيك شرها .. وإن شاء الله في القريب العاجل حيكون فيه مقابلة في خلال أسبوعين بالكتير .. علشان أجرب بنفسي وأشوف النظام أيه في الفتيس واللي بتقول عليه شعر .. أنا معنديش شك في قدرات حمدي طبعاً .. بس أحب أجرب بنفسي وأشوف فيه فرق ولا لآه .

وكل سنة وأنت طيب .. ويا ريت تكون الرسالة اللي بعتهالك وصلت .

[ahmed_eng2001]

الاستاذ بيتر ...

انا كنت عند عم حمدى الميكانيكى من عدة ايام بعمل طقم شنبر و جات سيرة العربيات البى واى دى و جات سيرة عربيتك اهلا و سهلا بحضرتك
عم حمدى انسان محترم جدا و ربنا يباركله ... فاهم فعلا
العربية السيات فيها شوية شغل فى تظبيط حاجات بسيطة و العربية تكون جاهزة ان شاء الله

[ابوجنى2112]

سلام عليكم..
اولا : عايز اقول لكم حاجة..وانت رايح عند الراجل دة بتحس ان انت رايح عند اخوك
مش عند ميكانيكى.. وخايف احسن يضحك عليك وينفخك انت والعربية...ههههه
ثانيا : لو فى اى حاجة بتخطر على بالك وعايز تعملها..بيعملها لك ..وبتيقى مرتاح..
ثالثا : ممكن يخشوا فى جدال ، وحوار، ومناقشة ..على اى شىء فى العربية..
وكأنك قاعد فى منتدى للميكانيكا والاصلاحات.. عندة عقلية جبارة فى مجاله
ساعات اروح عندة .ومعنديش حاجة..أقعد معاة..واشرب شاى.
مش طماع فى المصنعية..ولو ممعكش كمان يقول توكل على الله..جدعنة الدنيا
وكفاية كدة عشان مايبقاش نفاق....ههههههههه

[mohhassan]

سلام عليكم..
اولا : عايز اقول لكم حاجة..وانت رايح عند الراجل دة بتحس ان انت رايح عند اخوك
مش عند ميكانيكى.. وخايف احسن يضحك عليك وينفخك انت والعربية...ههههه
ثانيا : لو فى اى حاجة بتخطر على بالك وعايز تعملها..بيعملها لك ..وبتيقى مرتاح..
ثالثا : ممكن يخشوا فى جدال ، وحوار، ومناقشة ..على اى شىء فى العربية..
وكأنك قاعد فى منتدى للميكانيكا والاصلاحات.. عندة عقلية جبارة فى مجاله
ساعات اروح عندة .ومعنديش حاجة..أقعد معاة..واشرب شاى.
مش طماع فى المصنعية..ولو ممعكش كمان يقول توكل على الله..جدعنة الدنيا
وكفاية كدة عشان مايبقاش نفاق....ههههههههه

هل تعامله كده مع كل الناس ولا معاكم علشان يعرفكم من مقابلات المنتدى ؟
وهل نسيب الضمان مع التوكيل ونروحله مثلا ؟
ومادام هو معانا في المنتدى فلا داعى لزيادة المدح فيه خوفا عليه من نفسه ، وربنا يبارك له في رزقه ما دام يتقى اللهةفي عمله

[hugan]

عنوانه ايه الحاج حمدي

[حمدى الفنى]

انا متشكر جدا لزوقكم جميعا وفعلاا زى ما قال استاز محسن كفايه كده احسن قربت افرقع من كتر النفخ فنفسيتى ههههه كده يا بيتر عندك حمدى الكهربائى وحمدى الميكانيكى فاضلك حمدى العفشجى وحمدى السروجى وحمدى السمكرى وتبيع العربيه يا ابو جنى واحشنى والله ويا عم باسم اطلع جرب براحتك احنا ما حدش يعرف يشتكينا فحماية المستهلك عشان احنا المستهلك هههه

[ahmed_eng2001]

عنوانه ايه الحاج حمدي

نزلة المعتمدية من الدائرى ( الاتجاه من المحور الى الصحراوى ) ... شارع 6 اكتوبر ... عند جامع الحرمين .. قبل بتوع الرملة .... و ممكن حضرتك تكلمه بالتليفون و هو يوصفلك اكتر

[bassem.naguib]

أه حطلع أجرب .. مجربش ليه .. أنا ميهمنيش حد .. حتى لو حمدي السروجي .. هههههههه

[حمدى الفنى]

أه حطلع أجرب .. مجربش ليه .. أنا ميهمنيش حد .. حتى لو حمدي السروجي .. هههههههه

جرب يا عم حد حايشك بس اوعى تنام وانت سايق هههه

[ebrahim portsa]

ربنا يبارك للاسطي حمدي وكفايه ان الناس بتدعيله وربنا يبارك في رزقه
ممكن رقم تليفونه

[peter magdy]

ربنا يباركلك يا بيتر في عربيتك ويكفيك شرها .. وإن شاء الله في القريب العاجل حيكون فيه مقابلة في خلال أسبوعين بالكتير .. علشان أجرب بنفسي وأشوف النظام أيه في الفتيس واللي بتقول عليه شعر .. أنا معنديش شك في قدرات حمدي طبعاً .. بس أحب أجرب بنفسي وأشوف فيه فرق ولا لآه .

وكل سنة وأنت طيب .. ويا ريت تكون الرسالة اللي بعتهالك وصلت .

شكرا يا استاذ باسم
اكيد انا معاكم نشاء اللة فى المقابلة - و العربية ليها الشرف علشان حضرتك هتركبها
تنور يا باشا - و رسالة العيد وصلت - و حضرتك طيب و الاسرة الكريمة بخير

الاستاذ بيتر ...

انا كنت عند عم حمدى الميكانيكى من عدة ايام بعمل طقم شنبر و جات سيرة العربيات البى واى دى و جات سيرة عربيتك اهلا و سهلا بحضرتك
عم حمدى انسان محترم جدا و ربنا يباركله ... فاهم فعلا
العربية السيات فيها شوية شغل فى تظبيط حاجات بسيطة و العربية تكون جاهزة ان شاء الله

ربنا يخلى حضرتك
و فعلا عم حمدى شخصية محترمة جدا جدا و فاهم شغلة كويس - و انشاء اللة يبقى لية سيط كبير بس ميبقاش ينسانا

سلام عليكم..
اولا : عايز اقول لكم حاجة..وانت رايح عند الراجل دة بتحس ان انت رايح عند اخوك
مش عند ميكانيكى.. وخايف احسن يضحك عليك وينفخك انت والعربية...ههههه
ثانيا : لو فى اى حاجة بتخطر على بالك وعايز تعملها..بيعملها لك ..وبتيقى مرتاح..
ثالثا : ممكن يخشوا فى جدال ، وحوار، ومناقشة ..على اى شىء فى العربية..
وكأنك قاعد فى منتدى للميكانيكا والاصلاحات.. عندة عقلية جبارة فى مجاله
ساعات اروح عندة .ومعنديش حاجة..أقعد معاة..واشرب شاى.
مش طماع فى المصنعية..ولو ممعكش كمان يقول توكل على الله..جدعنة الدنيا
وكفاية كدة عشان مايبقاش نفاق....ههههههههه

استاذ صابر -
فعلا كلام حضرتك سليم و انا شوفت الكلام دة - و الاسطى حمدى ميزتة انة عندة صبر و بيفهمك و يرد عليك و صبور جدا فى شغلة - ربنا يباركلة واللة

هل تعامله كده مع كل الناس ولا معاكم علشان يعرفكم من مقابلات المنتدى ؟
وهل نسيب الضمان مع التوكيل ونروحله مثلا ؟
ومادام هو معانا في المنتدى فلا داعى لزيادة المدح فيه خوفا عليه من نفسه ، وربنا يبارك له في رزقه ما دام يتقى اللهةفي عمله

اعتقد مع الناس كلها كدة - لانة ميعرفنيش قوى - بس هو عندة ضمير و هتاخد احسن شغل

انا متشكر جدا لزوقكم جميعا وفعلاا زى ما قال استاز محسن كفايه كده احسن قربت افرقع من كتر النفخ فنفسيتى ههههه كده يا بيتر عندك حمدى الكهربائى وحمدى الميكانيكى فاضلك حمدى العفشجى وحمدى السروجى وحمدى السمكرى وتبيع العربيه يا ابو جنى واحشنى والله ويا عم باسم اطلع جرب براحتك احنا ما حدش يعرف يشتكينا فحماية المستهلك عشان احنا المستهلك هههه

لالا انت تستاهل و اللة اكتر من كدة
و ربنا يوفقك انشاء اللة

[peter magdy]

أه حطلع أجرب .. مجربش ليه .. أنا ميهمنيش حد .. حتى لو حمدي السروجي .. هههههههه

انتو عمالين تتخانقو على التجربة
طب دلوقتى يا استاذ باسم اللفة بفلوس علشان انا مشغلها توك توك بعد الظهر و انت كدة هتعطلنى
و اللفة بخمسة جنية و الحسابة بتحسب ههههههههههه و الدعوة عامة و يوجد امكانية الحجز مسبقا
----------------------------------
على فكرة انهاردة و انا واقف فى اشارة جية جنبى سواق ميكروباص و قالى
الفتيس عامل معاك اية علشان بسمع ان الفتيس بتاعها ناشف شوية
قولتلو بأختصار انة لية حل بس بشوية تظيبطات - بس مقلتلوش بالتفصيل اية هيا لاننا مشينا
لكن منظر العربية اتشهرت بالفتيس الرخم بتاعها و المشكلة ان التوكيل معرفش يحلها -
و ادى النتيجة الموضوع سمع و بقى الموضوع معروف للى معاة العربية و اللى معاهوش

[حمدى الفنى]

انا ممكن اقول سر الدبرياج للتوكيل بس يكتبلى شيك بعشر الاف جنية ومش هاخدهم غير من الاستاز محمد رمضان مدير مركز القطمية او اللوا حسن سليمان صاحب مصنع بى واى دى ههههه على فكر انا قابلت الاتنين اللواء حسن والاستاز محمد رمضان ناس فعلاا محترمة مشكلتهم الوحيدة الصنيعى

[mody112]

انا ممكن اقول سر الدبرياج للتوكيل بس يكتبلى شيك بعشر الاف جنية ومش هاخدهم غير من الاستاز محمد رمضان مدير مركز القطمية او اللوا حسن سليمان صاحب مصنع بى واى دى ههههه على فكر انا قابلت الاتنين اللواء حسن والاستاز محمد رمضان ناس فعلاا محترمة مشكلتهم الوحيدة الصنيعى

10000 ج بس ده انت طيب اوى يا اسطى حمدى ده اى حد بيروحلهم بينفخوه يبقى انت كمان لازم تنفخهم بس قبل ما تنفخهم خليك محافظ على السر ده شوية لغاية ما اجى انا كمان اظبط ام الدبرياج والفتيس ده اللى مش نافع معاه لا تقفيل الصين ولا تقفيل مصر ولا الهند حتى .
وكمان نعمل رجلاش الفرامل ولا نسيت
بصراحة الاسطى حمدى رجل المهمات الصعبة ( وعن تجربة ).