برجاء المساعدة .... صوت صفارة غبي جدا

[maybe]

انا عربيتي اتوماتيك ..
عاملة 220 كيلو فقط ...
عندي صوت الصفارة من يوم ما جبتها ...
بس الصفارة زادت قوي خاصة بعد ما تمشي 15 كيلو ..
ولاحظت إن الصوت بيروح لما ما احط رجلي على الفرامل ..
أعمل أيه قولولي ..
شكرا ..
وكل عام وانتم بخير

[mo3tazanas]

بلية

[حمدى الفنى]

غير تيل الفرامل

[maybe]

بلية ولا تيل ؟
وفي كل الاحوال المفروض أروح التوكيل صح ولا انا غلط ؟
وهل لازم موعد سابق ولا اروح على طول ؟

[bassem.naguib]

صوت الصفارة جاي منين بالظبط .. من الحوض (في بداية تشغيل الموتور) ولا من العجل (لما تدوس فرامل) ولا مع المشي العادي

[sv065]

انا عربيتي اتوماتيك ..
عاملة 220 كيلو فقط ...
عندي صوت الصفارة من يوم ما جبتها ...
بس الصفارة زادت قوي خاصة بعد ما تمشي 15 كيلو ..
ولاحظت إن الصوت بيروح لما ما احط رجلي على الفرامل ..
أعمل أيه قولولي ..
شكرا ..
وكل عام وانتم بخير

السلام عليكم

الصفارة دي صوت التيل السيء اللي بيجي مع العربية وأنا فاكر مغيره علي حساب الضمان في صيانة الـ 5000 في العباسية قبل القطامية ما يتبني أصلا ولكن رميته علي طول لأنه كان أسوأ من اللي كان فيها وللعلم عربيتي مستوردة ولكن خامة التيل مش تمام خالص.

إذا عاوز تنسي موضوع الصوت ده وتجيب من الآخر..... جيب تيل تويوتا ياباني أصلي ... غالي شوية بس تمنه فيه وبيفرق في قوة الفرملة كمان وتحافظ علي الطنابير.

تحياتي

[حمدى الفنى]

طب خد السر دة وما تغيرش تيل ولا تروح التوكيل الصبح وانت نازل من البيت ارمى على التيل مية بتغلى وكررها مرتين بس اتأكد ان المية وصلت لكل التيل

[maybe]

السلام عليكم

إذا عاوز تنسي موضوع الصوت ده وتجيب من الآخر..... جيب تيل تويوتا ياباني أصلي ... غالي شوية بس تمنه فيه وبيفرق في قوة الفرملة كمان وتحافظ علي الطنابير.

تحياتي

أنا خايف لو عملت كده العربية تخرج من الضمان وانا سمعن كتير عن تلاكيك التوكيل .. أرجو الافادة

[maybe]

صوت الصفارة جاي منين بالظبط .. من الحوض (في بداية تشغيل الموتور) ولا من العجل (لما تدوس فرامل) ولا مع المشي العادي

أعتقد من العجل مع المشي العادي بعد كام كيلو .. والمفروض لما بدوس فرامل الصوت بيروح ولما برفع رجلي من على الفرامل بيرجع تاني

[bassem.naguib]

على ما أعتقد أن دي ممكن تكون عاوزة نضافة ما بين التيل للعجل والطنابير بكمبروسر الهوا وشوية تشحيمات بسيطة .. على العموم روح للتوكيل وشوف أيه الحكاية مش حتخسر حاجة لأنه مش معقولة من أول 200 كيلو التيل ينزل ويعمل الصوت ده .

[maybe]

الحمد لله رحت التوكيل انهاردة - القطامية - والمشكلة اتحلت كانت فعلا في التيل ، وتم الاصلاح ورجعت البيت بسلامة الله وكل شئ تمام حتى الآن بفضل الله

[bassem.naguib]

الحمد لله .. طب عملو أيه غيروا التيل ولا صنفروه ونضفوه .

[mohhassan]

صحيح عملو ايه في التيل ؟

[monami101]

انا معايا العربيه وعامل بيها 310 كم فقط فى اسبوع .. بمع صوت صفاره عند استخدام الفرامل .. وبسمع صوت خروشه بسيطه وان ماشى ع الأول .. إيه رأيكم أروح للتوكيل دلوقتى ولا استنى لحد صيانة 1000كم ..ولكم جزيل الشكر

[bassem.naguib]

لو موركش حاجة روح التوكيل .. وشوف فيها أيه .. وتبقى فرصة تجرب لحد ال 1000كيلو بعد ما يظبطوه .