ذهبت للتوكيل وخاب ظنى

[hamada hendawy]

الحمد لله روحت التوكيل النهاردة بدون ميعاد مسبق وكان ذلك فى الواحدة ظهرا استلم منى السيارة موظف يدعى جمال وكان يتعامل بمنتهى الزوق واخبرتة عن موضوع لمبة البطارية واخبرتة بأننى اريد تغيير ذيت موبيل وان المهم أخذ السيارة بالظبط حوالى ساعة وربع وكانت الصيانة خلصت واخبرنى بضرورة استلام السيارة واخبرنى عن موضوع البطارية ان دة طبيعى وان قياس شحن الدينامو مظبوط فسلمت امرى لله وقلتلة المهم ما يتسببش فى اى أضرار وقمت بدفع مبلغ 435 جنية وانصرفت مسرعا لسبير كار فى التجمع وقمت بتركيب انوار الزينون عالى وواطى وقمت بتركيب زينون فى الفوجات وقمت بتركيب وحدات رفع وتركيب كسوة وفرش جلد للأرضية المهم اتكهربت فى 3000 جنية بس مش مشكلة عشان الشغل عجبنى جدا وخصوصا الوان الكسوة وشكل السيارة فى انوار الزينون بس من الواضح ان الفوجات عايزة تتظبط شوية عشان شكلها ضارب لفوق فى عينين الى بيبقى جاى قدامى هابقى اظبطها انا من الريجلاش بتاعها غدا ان شاء الله.

[bassem.naguib]

طيب وأخبار لمبة الدينامو معاك أيه دلوقتي .. لسه على حالها ولا اتظبطت .. وهل قمت بتربيط القطاش وسلك الأرضي

[mody112]

انت معاك الانيوال ولا الاوتو ؟
جبت فوانيس الشبورة منين ؟ وهل خامتها تستحمل الزينون ؟
ياري تعرفنا اسعار الحاجات اللى اشتريتها من سبير كار وكده ؟

[mohhassan]

الحمد لله ان خاب ظنك فيهم بس قولنا بعض التفاصيل زي فاتورة الصيانة واسعار القطع ولو تقدر ترفع صورة منها يبقى تمام..وكمان اسعار الفرش والزينون وفوانيس الشبورة علي حده

[hamada hendawy]

اسعار الفرش ركبتة ب570 جنية سعر الارضية الجلد بالشنطة 300 جنية وسعر الفوجات 100 جنية من عند شخلول والمفتاح جبتة من عند عادل جرجس على اساس يبقى فية التكة الزيادة بتاعة النور الاوتو ب110 جنية بس طلعت التكة الزيادة دى مش شغالة بس مش عملالى مشكلة لانى مكنتش بشتغل على النور الاوتو وخصوصا بعد الزينون بالنسبة للزينون انا كان عندى 4 مديولات 55 ولمبتين اتش 3 بتوع الفوجات واشتريت 2 لمبة اتش 1 و2 لمبة اتش 7 للواطى والعالى و2 مديول 35 للفوجات ب400 جنية وركبت وحدات رفع امامى وخلفى عند سبير كار وركبولى هما الفوجات والزينون كلة ب 400 جنية وبالنسبة للأستاذ الى بيسألنى على العربية العربية اتوماتيك وفى التوكيل تمن الزيت 300 جنية والفلتر 35 ومصنعية 60 والضريبة مجموعهم كلهم 435 وبالنسبة لمشكلة لمبة الدينامو انا حاسس ان المشكلة ما اتحلتش بس هى كانت خفت من قبل ما اروح التوكيل يعنى ممكن ترعش كدة مرة واحدة بس فى اليوم انا كنت خايف لايكون شحن الدينامو مش مظبوط انما اكدولى ان الدينامو بيشحن كويس وانا كمان قستة النهاردة عند كهربائى برة اكدلى سلامة الدينامو وهو دة الى يهمنى بصراحة .

[hamada hendawy]

انا خاب ظنى فيهم فى المعاملة مش فى حاجة تانية يعنى المرة دى حاستهم زوق كتير عن المرة الى فاتت

[hamada hendawy]

خامة الفوجات تستحمل الزينون كويس وعلى فكرة ما فيش فانوس زينون يسيح الا اذا كان معمول من اكياس بلاستيك بقى بس عن تجربة يومين مش السخونة الى ممكن تضر الفانوس ابدا
الاخوة الى عايزين الكاسيت الاصلى بتاع السيارة الى فية الجى بى اس وكل اللميزات الى كان احد الاخوة كاتبها فى احد المواضيع ومركبة فى مصر الجديدة ب 3300 جنية لا انا هاجيبة ب 1700 بس من واحد صديقى مستورد قطع غيار سيارات بس هو مستنية فى شغل جايلة من الصين فى خلال اسبوع واحد ان شاء الله وعلى فكرة مش محتاج خبير لتركيبة فيشة مكان فيشة الا اذا كان الجى بى اس محتاج فنى لتظبيطة بصراحة معرفش طريقة عمل الجى بى اس اصلا وبيشغل المالتى فانكشن الى فى طارة الاتوماتيك .

[cobrahi]

متابع

[ehabpopo]

مبروك الصيانة ... والحمد لله ان خاب ظنك فى التوكيل ... واحنا كلنا عايزين يخيب ظننا بصراحة ...
ومبروك الفرش والحاجات الحلوة اللى عملتها للجميلة .... وربنا يديك خيرها ويكفيك شرها ... لو امكن تصورلنا الحاجات دى ... وطبعا فى انتظار الكاسيت كمان بالصور والسعر والتركيب ...