غيرت المساعدين byd f3 .... والتزييق مازال مستمر :(

[mahshahin]

السلام عليكم
*********
كنت عامل موضوع من فترة عن تزييق في العفشة الخلفية لل F3
انا عربيتي موديل 2012 عامل بيها 38 الف كيلو

بعد نصائح احد الاعضاء لزيارة مركز مدحت الباشا للعفشة بمنيل شيحة ...
روحت امبارح السبت عنده وكانت الساعة 11.30 وكان زحمه جدا الصبح
بص على العفشة وقالي أغير جوز المساعدين الخلفيين بمساعدين تويوتا
اشتريت جوز مساعدين KYB بـ 450 جنيه
وركبت صدادات عالية عشان لما العربية تحمل ما طوطاش وتحك في المطبات
واخد مصنعية 35 جنيه من بقه ومن غير فصال !! ماشوفتش الصراحه حد عنده ضمير كده زي الراجل ده
وتم التغيير والتركيب وخرجت والعربية كانت تمام عملت بالعربية كام مشوار في وسط البلد وروحت على مدينه نصر وهناك بقى كانت المفاجاه الموجعة دخلت في احد الشوراع المكسرة لاقيت العربية بتزييق تاني ونفس صوت التزييق اللي كان موجود بس من ناحية اليمين !!!!

اتصلت ب الاسطى مدحت وقلتلو على الموضوع قالي تجيلي ابصلك عليها تاني

روحت عنده وقالي ان المشكلة في الدنجل الخلفي وفك المسمار بتاعه وشحمه وركب تاني طلعت جربت الصوت راح .... عقبال ماروحت البيت في مدينه نصر كان الصوت رجع تاني ,,

ان شاء الله في زيارة ليه تانيه قريب ... لو في حد عنده اي اقتراح لحل المشكلة يتفضل بيه عشان انا خلاص هاتجنن

[morabet8]

انا اعتقد الموضوع مكانش محتاج تغيير مساعدين خالص انا كان عندى برضو تزييق فى الخلف وروحت التوكيل وربطوا العفشة كويس وجربتها معاهم هناك الحمد لله تمام حرام تغير المساعدين لانهم كويسين جدا

[mahshahin]

انا اعتقد الموضوع مكانش محتاج تغيير مساعدين خالص انا كان عندى برضو تزييق فى الخلف وروحت التوكيل وربطوا العفشة كويس وجربتها معاهم هناك الحمد لله تمام حرام تغير المساعدين لانهم كويسين جدا

روحت التوكيل وربطوا العفشة والصوت برضوا لسة موجود

[hugan]

ممكن يكون الصوت من احتكاك المساعد في جراب مانع التراب
كانت عندي قبل كده

[mahshahin]

ممكن يكون الصوت من احتكاك المساعد في جراب مانع التراب
كانت عندي قبل كده

شيلت الجراب من المساعد .... والصوت برضو موجود

[mahshahin]

ياجماعة انا اكتشفت ان الصوت من الدونجل الخلفي ..... ياتري ايه الحل .... يتغير ازاي