مساعدةفى شراء f3

[dr_radioooooo]

السلام عليكم
انا اخوكم من قسم فولكس
و ان شاء الله هشترى f3 كسر زيرو
العربية موديل 2013 ماشية 5000 كم
رشة اكصدامين
لون نبيتى
اوتوماتيك
رخصة حتى شهر 8
السعر بعد الفصال 75 الف
ايه رائيكم فى السعر
و هل الكشف فى التوكيل بتاعها جيد ام لا

[omaranes77]

حضرتك هتبيع الباسات

[bassem.naguib]

أهلاً بيك يا دكتور .. وقسم البي واي دي نور ..

السعر أعتقد أنه مناسب جداً لأن سعرها زيرو تقريباً ب 91 : 92 ألف وهي تعتبر كسر زيرو بالكيلوات اللي عملتها .. ولو أنه من الأفضل برضه سؤال استشاري التسعير في المنتدى .

وبالنسبة للكشف على العربية فمن المهم جداً الكشف على كفاءة الفتيس قبل الموتور وكذلك إذا كانت عاملة حادثة ولا لآه .. وعندك التوكيل .. وإن كنت أرشح لحضرتك بنزينة كالتكس (تقاطع عباس العقاد مع مصطفى النحاس) .. وكان فيه ناس بتشكر في مركز وولف للزيوت بشارع المخيم الدائم أمام بنزينة مصر للبترول اللي عند مصنع البيبسي (عندهم مركز للكشف على العربيات المستعملة) .

ويا ريت حضرتك توالينا بالأخبار أيه ووصلت لأيه ؟!

ولو مفيهاش تطفل العربية لحضرتك ولا لحد تاني .

[dr_radioooooo]

حضرتك هتبيع الباسات

غالبا لانها مانيوال و انا محتاج اوتوماتيك عشان شغلى فى عز الزحمة
بس يصعب عليا ان انا اسيبها
ربنا يقدم اللى فيه الخير

[dr_radioooooo]

أهلاً بيك يا دكتور .. وقسم البي واي دي نور ..

السعر أعتقد أنه مناسب جداً لأن سعرها زيرو تقريباً ب 91 : 92 ألف وهي تعتبر كسر زيرو بالكيلوات اللي عملتها .. ولو أنه من الأفضل برضه سؤال استشاري التسعير في المنتدى .

وبالنسبة للكشف على العربية فمن المهم جداً الكشف على كفاءة الفتيس قبل الموتور وكذلك إذا كانت عاملة حادثة ولا لآه .. وعندك التوكيل .. وإن كنت أرشح لحضرتك بنزينة كالتكس (تقاطع عباس العقاد مع مصطفى النحاس) .. وكان فيه ناس بتشكر في مركز وولف للزيوت بشارع المخيم الدائم أمام بنزينة مصر للبترول اللي عند مصنع البيبسي (عندهم مركز للكشف على العربيات المستعملة) .

ويا ريت حضرتك توالينا بالأخبار أيه ووصلت لأيه ؟!

ولو مفيهاش تطفل العربية لحضرتك ولا لحد تاني .

شكرا يا باشا على ردك
انا عدلت عن العربية دى لان موضوع رش الاكصدامين ده مش مريحنى
مش معقولة عربية مشيت 5000 كيلو و ترش
و كنت سألت عن الكشف فى التوكيل لقيته ب 200 جنيه
ف ان شاء الله هستنى اما ابيع الباسات الاول و بعد كده ادور على واحدة زيها ان شاء الله بس تكون فابريكة

[omaranes77]

طب لية يا باشا دي عربية جميلة دة انا بحب اشوف اخويا عشان اركبها و بعدين يا باشا هتتنزل من الماني لصيني

[M I D O]

بالنسبة للسعر هوة ممتاز و الكشف في التوكيل هيديك تقرير عن كل مسمار في العربية