شوية اسئلة عن BYD f3

[moh_rag_abd]

السلام عليكم ورحمة الله وبركاته

ازيكم يا شباب يا رب تكونو بخير وتكون جمعه سعيده عليكم :D

بعت العربية بتاعتي الاكسيل من 10 ايام ومن ساعتها وانا دايخ علي عربية
قررت اشتري عربية جديد
فكرت الاول في اسيبرنزا A113 علشان سعرها حنين شوية
بس رجعت تاني في كلامي وقلت اجيب جديد فكنت حاطط اختيارين
الفيرنا والايمجراند
حذفت الايمجراند من الاختيارات بسبب المشاكل الكتير اللي الناس قابلتها وانا مش عايز وجع دماغ
واخير قررت اجيب فيرنا (كنت هجيبها وانا عاصر علي نفسي لمونة علي رأي ahmedselaraby انا هدفع فلوس علي الماركة مش علي الاوبشن )
بس النهارده شوفت BYD تاكسي
بفكر اغير رأيي واجيبها
بس محتاج منكم مواصفات العربية المانوال ؟ (ويا ريت لو حد معاه البرشور)
وسمعت G3 ايه الفرق بينها وبين F3 وهل موجوده في مصر ولا لأ؟
وكمان عايز اعرف الاسعار بتاعتها ومين الوكيل بتاعها؟

[bassem.naguib]

[Emad Habib]

السلام عليكم ورحمة الله وبركاته

ازيكم يا شباب يا رب تكونو بخير وتكون جمعه سعيده عليكم :d

بعت العربية بتاعتي الاكسيل من 10 ايام ومن ساعتها وانا دايخ علي عربية
قررت اشتري عربية جديد
فكرت الاول في اسيبرنزا a113 علشان سعرها حنين شوية
بس رجعت تاني في كلامي وقلت اجيب جديد فكنت حاطط اختيارين
الفيرنا والايمجراند
حذفت الايمجراند من الاختيارات بسبب المشاكل الكتير اللي الناس قابلتها وانا مش عايز وجع دماغ
واخير قررت اجيب فيرنا (كنت هجيبها وانا عاصر علي نفسي لمونة علي رأي ahmedselaraby انا هدفع فلوس علي الماركة مش علي الاوبشن )
بس النهارده شوفت byd تاكسي
بفكر اغير رأيي واجيبها
بس محتاج منكم مواصفات العربية المانوال ؟ (ويا ريت لو حد معاه البرشور)
وسمعت g3 ايه الفرق بينها وبين f3 وهل موجوده في مصر ولا لأ؟
وكمان عايز اعرف الاسعار بتاعتها ومين الوكيل بتاعها؟

الاستاذ/ الفاضل
تحياتى
الاستاذ باسم قام بالرد على سيادتكم والسعر الحالى 78000 للمانيوال ويمكن الانصال لمعرفه اى تفاصيل 01097771747
غماد حبيب

[M I D O]

استاذ باسم جاب الرد المفيد و في رايي الاف 3 عربية فوق الممتازة عدا التوكيل زبالة

[moh_rag_abd]

شكرا يا استاذ bassem.naguib
العربية فعلا عجباني وربنا يسهل

[ahmedselaraby]

سؤال : الشهادة لله و الحق يقال ,, مع إن شركة الأمل ليست أفضل المجمعين المحليين و ليست أفضل الوكلاء و لكنهم فيهم حاجة كويسة إنهم بيحاولوا يطوروا من نفسهم و من مستوى العربية , إضافة بعض التحسينات و التاتش بتاع الأمل

معلش طولت بس السؤال هنا ,, هل تلافوا مشاكل و عيوب موديلات السنين اللى فاتت القديمة عشان ماتظهرش فل جديد , يعنى مثلا موضوع عدم إتقان الدهان فى بعض المناطق و موضوع عدم نعومة الفتيس و صعوبة غلق الشنطة و كاوتش الابواب أبو شفة ,, يا ريت الرد من حد فل الأمل

[ahmedselaraby]

سؤال : الشهادة لله و الحق يقال ,, مع إن شركة الأمل ليست أفضل المجمعين المحليين و ليست أفضل الوكلاء و لكنهم فيهم حاجة كويسة إنهم بيحاولوا يطوروا من نفسهم و من مستوى العربية , إضافة بعض التحسينات و التاتش بتاع الأمل

معلش طولت بس السؤال هنا ,, هل تلافوا مشاكل و عيوب موديلات السنين اللى فاتت القديمة عشان ماتظهرش فل جديد , يعنى مثلا موضوع عدم إتقان الدهان فى بعض المناطق و موضوع عدم نعومة الفتيس و صعوبة غلق الشنطة و كاوتش الابواب أبو شفة ,, يا ريت الرد من حد فل الأمل

ما هو شوفوا بقه ,, مش كل ما الأفاضل اللى من الأمل اللى موجودين ماعانا هنا فل منتدى يلاقوا السؤال صعب يفضلوا انهم يسكتوا و مايجاوبوش كأنهم مش موجودين

ليه ليه ليه ليه ليه ليه ليه ليه ليه ليه ليه ليه ليه ليه ليه ليه ليه ليه

بقى ينفع كده كده كده كده كده كده كده كده كده كده كده كده كده كده كده كده ياخوانا

ده الناس اللى معاهم توكيل زيوت بيدخلوا و يردوا عل ناس فى كل استفساراتهم و اسئلتهم الرخمة , بين قوسين بتوع زيت وولف

اشمعنا بقى

اه نسيت أقول انه يا ريت لو حبوا يعنى يتكرموا و يردوا يا ريت بلاش الردود الديلوماسية "يا ريت و رب النبى عشان احنا إتهارينا دبلوماسية"

يا ريت جو من المصارحه و الشفافية عشان الواحد مايخبطش كتير و يدق على أبواب تانية غير الوكيل

علفكرة سؤالى سهل جدا إجابته ,, بس لو ناس شايفاه صعب أنا ممكن أروح أى اجانص بيع للأمل و معايا كاميرا و حصور موديل 2014 صور تنفع إجابات على الأسئله

سهله ,, بسيطة ديه ,,, جارى العمل بالموضوع ,,, حول

ها ها ها عبقرى أنا مش كده ,,, يخرب بيت ديه دماغ يا جدع ها ها ها

[mohhassan]

للاسف لا لم يحلو اي مشكلة !! انا معايا 2014 الشنطة ماتقفلش والنور الواطى بيضرب في الدور التانى والدهان بيقشر من اي حكة حتى لو في شئ بلاستيك طبعا ده غير المشاكل الفردية زي استهلاك البنزين والعفشة اللي عايزة تتربط كل شوية ،،، ومع انى احنا ملاك واعضاء المنتدى اصحاب الفضل في تسويق العربية الا انهم بيعاملونا معاملة خاصة معاملة كيف تطفش الزبون ؟؟ معاملة ده طببعى في العرببة!!! ومين مسمعش الكلمة دى في التوكيل ؟؟

[ahmedselaraby]

طب أنا بعتذر ,, أنا غلطان ,, أسف على المشاركتين الاخرانيتين بتوع سؤالى للأمل ,, بلاش الاسئلة اللى ردها معروف ديه ,, نسأل سؤال تانى يمكن ....

ايه أخبار مبيعات بى واى دى فى السوق المصرى ؟ بسم الله ما شاء الله الواحد شايف الاف 3 فى القاهرة ماشية تاكسى و الملاكى كمان ابتدى يتلاحظ و يبقى له وجود و للأسف أغلبه نفس اللون الرمادى كأن مافيش ألوان تانيه للعربيه

فا يا ريت لو حد عارف أخبار مبيعات الاف 3 ايه بالمقارنة بالسنين اللى فاتت من أول ما ظهرت ,, و هل تأثرت مبيعاتها بظهور الجيلى ايميجراند و الاسبرانزا الانفى

زيادة حجم المبيعات سنة عن التانيه و شهر عن التانى بيدل على ثقة المستهلك بالسيارة و رؤية انها الافضل بعد مفاضله خصوصا ان هذه الفئة السعرية فيها منافسين تقال و قدام و المزاج العام للمستهلك المصرى صعب تغييره بسهولة ,, يعنى لو خد انطباع عن منتج صعب انه يغيره ,, و للأسف الغالبيه مايفهموش حاجة فى مجال السيارات و بيفتوا أو بيرددوا اللى بيسمعوه فتلاقى المزاج العام الشعبى قوى حتى و لو كان غلط

[moh_rag_abd]

انت بتسأل شوية اسئلة غريبة يا ahmedselaraby
ولو الاسئلة دية اتسألت برة مصر ماشي لكن جوا مصر عيب :D

بس بالنسبة لمبيعات العربية انا شايف انها منتشرة بدرجة كبيرة جدا
وده اللي شجعني اني اشتريها وبالذات في الفئة السعرية دية مفيش اختيارات كتير قدام اللي بيشتري

[raedegypt]

الفيرنا الاتوماتيك افضل لك من الكلام دة كله . الاميجراند على ما سمعت هاتنزل العام القادم اتوماتيك وممكن ساعتها تغير الجير لو معاك اميجراند مانيوال لانها عربيه تصنيع محلى سيكون متوفر الكلام دة

[ahmedselaraby]

الفيرنا الاتوماتيك افضل لك من الكلام دة كله . الاميجراند على ما سمعت هاتنزل العام القادم اتوماتيك وممكن ساعتها تغير الجير لو معاك اميجراند مانيوال لانها عربيه تصنيع محلى سيكون متوفر الكلام دة

البى واى دى اف 3 نازل منها اتوماتيك برضه ,, اللى محيرنى فعلا هو الناس اللى بتقول الفيرنا أحسن ,, طب سؤال أحسن فى ايه ؟؟؟ !!!

الاتنين تقفيل مصرى ,, يعنى حتى لو واحد كان بيشجع المنتج الوطنى منتج بلده مصر الحبيبة و بيشجع اليد العامله المصرية عشان رزق المصريين ولاد البلد ,,, فالاتنين تقفيل مصرى

أما الناس اللى عندهم عقدة الصينى ,,, أما و الله العظيم ,,, شعب أقرع و نزههى على رأى المثل ,,,, يعنى إحنا محصلناش حتى الصين ,,, و لا عاملين عربيه واحدة ماركة واحده موديل واحد ,,, و رايحيين نشتم الصين و الانتاج الصينى ,,, أما و الله العظيم ,,,, استغرب على ناس مابيعرفوش و بيتنكوا على ناس بتعرف ,,, مش لما نبقى نعرف نبقى نت تان نك على شعوب العالم ,,,,

و لو عاد بيا الزمـــــــــــان ,, و الله العظيم و الله العظيم ما كنت حشترى الفيرنا

[moh_rag_abd]

بعد البحث والتدوير والحيرة الفترة اللي فاتت علشان اجيب عربية في رنج 80 الف
اكتشفت ان كل العربيات في الفئة السعرية دية واحد
كل عربية ليها مميزات وعيوب
وفي نفس الوقت كل واحد بيكون ليه متطلبات في العربية اللي هيشتريها وهيكون علي علم بعيوها
والفيرنا من العربيات اللي بحبها جدا ومنتشرة في كل حتة حماله اسية
بس جرب تقعد في عربية فيرنا وفي عربية BYD وهتعرف الفرق
هنقلك جزء من مقال عن ال BYD وعايز تتخيل اللي بيكتب ده لو كتب عن الفيرنا
التصميم الخارجي:
كالعادة نبدأ في تجاربنا بالتصميم ومن ثم ننتقل تباعاً ضمن نهجنا المعروف إلى أن نصل للحكم الأخير، ومن بدايتنا بالتصميم سنتحدث وبشكل مقتضب نسبياً عن تصميمبى واى دى اف 3 - BYD F3كونها وبصراحة لا ترقى إلى مصاف السيارات العالمية الجديدة التي نقوم بتجربتها وتمتلك من الخطوط والتداخلات والتعقيدات ما يحتاج إلى آلاف الأحرف لسرد وصفها، فF3 سيارة بسيطة في تصميمها وبعيدة عن التعقيدات ولكنها رغم ذلك لا تفتقر إلى حس الجمال من مبدأ "البساطة تولد الجمال".


وطبعا مش ده الاساس في الاختيار بس كأمان وكماليات وثبات البي واي دي
الاعتمادية طبعا الفيرنا تكسب وفي نفس الوقت الاعتمادية بتاعت البي واي دية جيدة جدا

وكل واحد وليه رأيه

تحياتي

[hugan]

البى واى دى اف 3 نازل منها اتوماتيك برضه ,, اللى محيرنى فعلا هو الناس اللى بتقول الفيرنا أحسن ,, طب سؤال أحسن فى ايه ؟؟؟ !!!

الاتنين تقفيل مصرى ,, يعنى حتى لو واحد كان بيشجع المنتج الوطنى منتج بلده مصر الحبيبة و بيشجع اليد العامله المصرية عشان رزق المصريين ولاد البلد ,,, فالاتنين تقفيل مصرى

أما الناس اللى عندهم عقدة الصينى ,,, أما و الله العظيم ,,, شعب أقرع و نزههى على رأى المثل ,,,, يعنى إحنا محصلناش حتى الصين ,,, و لا عاملين عربيه واحدة ماركة واحده موديل واحد ,,, و رايحيين نشتم الصين و الانتاج الصينى ,,, أما و الله العظيم ,,,, استغرب على ناس مابيعرفوش و بيتنكوا على ناس بتعرف ,,, مش لما نبقى نعرف نبقى نت تان نك على شعوب العالم ,,,,

و لو عاد بيا الزمـــــــــــان ,, و الله العظيم و الله العظيم ما كنت حشترى الفيرنا

كلام سليم
الفيرنا والانوس لاتقارن باي عربيه صيني فئه 1600 او الجديد 1500
في رئي الفيرنا والانوس فئات اقل في المستوي والجوده والاتساع والاوبشن والامان

[cobrahi]

متابع