بخصوص صيانة الالف كيلو

[moh_rag_abd]

السلام عليكم
ان شاء الله هعمل صيانة الالف كمان 3 ايام
وكان عندي شوية استفسارات
عايز اعرف فرع القطامية احسن ولا الشرابية (من حيث المعاملة والشغل اللي بيتم)
ولازم اكون حاجز علشان بتصل بيهم محدش بيرد في القطامية؟

تاني حاجة بالنسبة لزيت المحرك ان شاء الله ناوي اجيب التخليقي من ولف 5w-30
واغيرو في التوكيل السؤال بقي هو [OVERLINE]كدا يخرج الموتور من الضمان[/OVERLINE]؟؟؟؟؟؟؟؟؟؟

اخر حاجة الفتيس طبعا فيه مشكلة العضة الشهيرة ان شاء الله هقولهم عليه
لو قولتلهم يعلو الدبرياج (ليه علاقه بحل مشكلة الفتيس)؟

وانتظرو التقرير الكامل بالصور بعد الصيانة ان شاء الله

[insurancebroke]

اعتقد القطامية احسن

[morabet8]

1- القطامية اعتقد هيكون الافضل ومش هيكون زحمة زى الشرابية بس لازم تراجغ ع الحاجات اللى انت طالبها وممكن تخلي حد يجرب العربية معاك.
2- مش لازم تحجز وممكن تروح على طول.
3- ممكن تغير الزيت برة او تاخدو معاك وهما يغيروه وقولوهم على ضمانتك الشخصية
4- بالنسبة للفتيس معرفش لانى معايا اوتوماتيك بس فى بعض الاخوة غيروا زيت الفتيس وفرق جامد معاهم
وبالتوفيق ان شاء الله

[moh_rag_abd]

شكرا يا شباب علي الردود
وان شاء الله اروح القطامية
بس محتاج حد يرد عليا في موضوع الدبرياج؟

[moh_rag_abd]

لو حد رايح قريب يقولي ونتقابل هناك

[mazo.hero]

متهيالي الافضل انك تحجز بالتليفون هما ليهم كذا نمرة.. انا لما رحت الراجل علي البوابة سالني انت حاجز ولا لأ ده كان اول مرة
تاني مرة رحت فيها بص في الورق عنده واتاكد اني حاجز بس يمكن عشان كان اليوم ده زحمة جدا

[moh_rag_abd]

حجزت النهارده وخت ميعاد الخميس الساعه 12 الضهر

[Ahmed_BYD_F0]

بخصوص عيب الغيار التقيل
قولهم على لموضوع ده وهما حيعلولك الديبرياج شوية من كتير
وحتختفى المشكلة دى ان شاء الله
انا عملت كده وهم ظبطوهالى

[mohhassan]

حجزت النهارده وخت ميعاد الخميس الساعه 12 الضهر

ياترىعملت اية ؟ وايه الاخبار؟