لخبراء البي واي دي

[بومبو]

السلام عليكم ورحمة الله وبركاته

اخوكم بيفكر يجيب بي واي دي اف 3 مانيوال .. لكن الزيرو سعره مش متاح حاليا للاسف

فعاوز اجيب عربية مستعملة استعمال نضيف لاني معايا 132 مطلعه عين ماي فاميلي كلهم الاحياء منهم والاموات

فعاوز عربية نضيفة

وانا عارف طبعا ان العربية على حسب الاستخدام

فممكن للخبراء يساعدوني متوسط اسعار الموديلات من اول 2008 لحد 2012 اكون شاكر شكرا جزيلا

مكتبتش 2013 لان سعرها اعتقد هيبقى فوق الامكانيات

ولو حد قدامه عربية بنت حلال ميبخلش على اخوه

وكمان معلش عاوز ارائكم الحيادية

الاف 3 احسن ولا الاسبيرانزا m 11 ولا ال516 ؟

شكرا مقدما

[بومبو]

لاقيت دلوقتي على دوبيزل واحد عارض اف 3 مانيوال موديل 2012 عاملة 73 الف كيلو عاوز فيها 76 الف جنية!

طب ما اللي هياخدها يروح يجيبها زيرو ب78 الف!

كلامي صح ولا الموديل 2012 كان فيه اوبشنز زيادة ولا ايه

على الرغم من اني كنت حاجز واحده قسط في 2012 وكان سعرها كاش 70 الف بس للاسف محصلش نصيب الحمد لله على كل حال

[morabet8]

عندك حق اعتقد 2012 سعرها يكون 60

[mody112]

متهيالى 2012 سعرها العادل 60000 الى 63000 ج حسب الحالة ولو فى اى اضافات زيادة .
انت ممكن تقول رينجك كام ونحاول نساعدك على قد ما نقدر وربنا يوفقك

[بومبو]

عندك حق اعتقد 2012 سعرها يكون 60

ايوة كده الكلام اللي يفتح النفس

[بومبو]

متهيالى 2012 سعرها العادل 60000 الى 63000 ج حسب الحالة ولو فى اى اضافات زيادة .
انت ممكن تقول رينجك كام ونحاول نساعدك على قد ما نقدر وربنا يوفقك

أولا شكرا على ردك واهتمامك ربنا يجزيك كل خير
ان شاء الله الرينج المتاح هيبقى لحد ال60000 او اقل قليلا لزوم مصاريف الرخصة والمصاريف الضرورية اللي هتكون محتاجاها العربية بإذن الله

[dedi]

يا باشا دة بيستهبل
انا عاوز اقول لك من اسبوعين تقريبا عرضت على عربية عامل35000 كيلو تقريبا موديل من 3 سنوات بتاعت حد قريبى حالتها ممتازة جدا معروضة على 65000 ممكن كان تنزل 2000 و بصراحة لم اتشجع ليها لانة شكل بدا يقل فى السوق
ولم يكن موضوع الصدا ظهر فكنت بافكر فى الايمجراند

[عمرو توفيق]

يا باشا دة بيستهبل
انا عاوز اقول لك من اسبوعين تقريبا عرضت على عربية عامل35000 كيلو تقريبا موديل من 3 سنوات بتاعت حد قريبى حالتها ممتازة جدا معروضة على 65000 ممكن كان تنزل 2000 و بصراحة لم اتشجع ليها لانة شكل بدا يقل فى السوق
ولم يكن موضوع الصدا ظهر فكنت بافكر فى الايمجراند

أنا كمان بادور على عربية byd. ياريت لو تقول لنا بيانات تفصيلية عن عربية قريبك لو لسه موجودة، يمكن حد فينا يشتريها. بس الأولوية لصاحب الموضوع حسب الأصول.

أنقل لكم خبرتي. أنا بادور بقالي 5 شهور وطلع عيني. كل الإعلانات على النت تحمل أسعار مبالغ فيها، وقليل من الناس يكون مرن في التفاوض إذا كانت عربيته مميزة، وتكون النتيجة أن العربية تفضل معروضة شهر أو اثنين لحد ما يقتنع صاحبها بأسعار السوق، وطبعا لا تضمن أن تكون العربية من نصيبك إذا كنت تواصلت معه في البداية.

قمة العجب أن تجد كل العربيات ذات الحالة المميزة من موديلات 2010،2011،2012 كلها معروضة على 65 ألف أو أكثر. ومهما حاولت مع البائع مافيش فايدة، يقوللي أنت نزلت تحت أوي في السعر، فأرد عليه وأقوله للأسف أنت اللي طلعت أوي في السعر. وفي النهاية يقولك عموما لو ماجابتش السعر اللي أنا عايزه هاصرف نظر وأنا مش مضطر للبيع. يعني معناه علي وعلى أعدائي.

هذه العملية تشبه إلى حد كبير عملية الزواج. إذا ذهبت لخطبة بنت غير مميزة، أهلها يقولوا لك مالناش شروط احنا بنشتري راجل، أما إذا تقدمت لذات الجمال أو غيره ستقابل بكم من الطلبات والشروط.

هذا غير مشاكل الغش واللعب في العداد، وغير إنك تسمع كلام رائع في التليفون، وبناء عليه تطلع تجري ومعاك المتخصص للكشف، تلاقي العربية زبالة، وطبعا تكع أجرة الراجل على الفاضي. وتقول ياريتني روحت عاينت الأول لوحدي.

سعر 60 ألف لموديل 2012 من الصعب الوصول إليه لو العربية بحالة مميزة. إلا إذا حاولت عن طريق المعارف وسائقي التاكسي وبعيدا عن الإعلانات.

أقترح على صاحب الموضوع أن يبحث في موديل 2010، 2011 ، ولا تضع شروط كثيرة في المواصفات المطلوبة حتى لا تتعب كثيرا، لقلة المعروض من العربيات النظيفة وكذلك لتعنت البائعين. أنا ضيعت بعض الفرص لأني كنت أستبعد اللون الأسود في حين أن نصف المعروض هو من هذا اللون.

أسأل الله التوفيق.

[mody112]

أولا شكرا على ردك واهتمامك ربنا يجزيك كل خير
ان شاء الله الرينج المتاح هيبقى لحد ال60000 او اقل قليلا لزوم مصاريف الرخصة والمصاريف الضرورية اللي هتكون محتاجاها العربية بإذن الله

ان شاء الله ربنا هيوفقك لعربية تمام بس متستعجلش .
انا والله كنت عارض عربيتى من كام شهر كده للبيع على وكنت عاوز ابدلها باوتوماتيك بس كذا حد قالى بلاش تفرط فيها فقمت صارف نظر عن البيع دلوقتى وان شاء هنزل منها على الزيرو عدل .
فدور براحتك وهتلاقى فرص كتير وربنا يوفقك .

[بومبو]

يا باشا دة بيستهبل
انا عاوز اقول لك من اسبوعين تقريبا عرضت على عربية عامل35000 كيلو تقريبا موديل من 3 سنوات بتاعت حد قريبى حالتها ممتازة جدا معروضة على 65000 ممكن كان تنزل 2000 و بصراحة لم اتشجع ليها لانة شكل بدا يقل فى السوق
ولم يكن موضوع الصدا ظهر فكنت بافكر فى الايمجراند

رأيي ان العربيات اللي بتبقى من العيلة وبالتالي عارف قريبك استخدامه عامل ازاي بتبقى لقطة وفرص
يللا ربنا يعوضك بالاحسن ان شاء الله ويرزقنا جميعا

[بومبو]

أنا كمان بادور على عربية byd. ياريت لو تقول لنا بيانات تفصيلية عن عربية قريبك لو لسه موجودة، يمكن حد فينا يشتريها. بس الأولوية لصاحب الموضوع حسب الأصول.

أنقل لكم خبرتي. أنا بادور بقالي 5 شهور وطلع عيني. كل الإعلانات على النت تحمل أسعار مبالغ فيها، وقليل من الناس يكون مرن في التفاوض إذا كانت عربيته مميزة، وتكون النتيجة أن العربية تفضل معروضة شهر أو اثنين لحد ما يقتنع صاحبها بأسعار السوق، وطبعا لا تضمن أن تكون العربية من نصيبك إذا كنت تواصلت معه في البداية.

قمة العجب أن تجد كل العربيات ذات الحالة المميزة من موديلات 2010،2011،2012 كلها معروضة على 65 ألف أو أكثر. ومهما حاولت مع البائع مافيش فايدة، يقوللي أنت نزلت تحت أوي في السعر، فأرد عليه وأقوله للأسف أنت اللي طلعت أوي في السعر. وفي النهاية يقولك عموما لو ماجابتش السعر اللي أنا عايزه هاصرف نظر وأنا مش مضطر للبيع. يعني معناه علي وعلى أعدائي.

هذه العملية تشبه إلى حد كبير عملية الزواج. إذا ذهبت لخطبة بنت غير مميزة، أهلها يقولوا لك مالناش شروط احنا بنشتري راجل، أما إذا تقدمت لذات الجمال أو غيره ستقابل بكم من الطلبات والشروط.

هذا غير مشاكل الغش واللعب في العداد، وغير إنك تسمع كلام رائع في التليفون، وبناء عليه تطلع تجري ومعاك المتخصص للكشف، تلاقي العربية زبالة، وطبعا تكع أجرة الراجل على الفاضي. وتقول ياريتني روحت عاينت الأول لوحدي.

سعر 60 ألف لموديل 2012 من الصعب الوصول إليه لو العربية بحالة مميزة. إلا إذا حاولت عن طريق المعارف وسائقي التاكسي وبعيدا عن الإعلانات.

أقترح على صاحب الموضوع أن يبحث في موديل 2010، 2011 ، ولا تضع شروط كثيرة في المواصفات المطلوبة حتى لا تتعب كثيرا، لقلة المعروض من العربيات النظيفة وكذلك لتعنت البائعين. أنا ضيعت بعض الفرص لأني كنت أستبعد اللون الأسود في حين أن نصف المعروض هو من هذا اللون.

أسأل الله التوفيق.

اللي عامل كده ومثبت اسعار العربية دي ان الكل بيشكر فيها وصاحب العربية مبيرضاش يفرط فيها الا لو جابت اخرها معاه او لظروف
وده شيء مشجع للي ناوي يشتري حتى مع صعوبة البحث عن عربية جيدة
والدليل الامجراند المعروض منها حاليا عدد كبير جدا قصاد انها لسه جديدة وبينزل اكتر من 10 آلاف في الكسر زيرو !!
والسبب طبعا انها طلعت مقلب خاصة موضوع الصدأ
هسمع نصيحتك ان شاء الله وربنا يوفقك ويوفقني ويرزقنا ان شاء الله

[بومبو]

ان شاء الله ربنا هيوفقك لعربية تمام بس متستعجلش .
انا والله كنت عارض عربيتى من كام شهر كده للبيع على وكنت عاوز ابدلها باوتوماتيك بس كذا حد قالى بلاش تفرط فيها فقمت صارف نظر عن البيع دلوقتى وان شاء هنزل منها على الزيرو عدل .
فدور براحتك وهتلاقى فرص كتير وربنا يوفقك .

ان شاء الله ياباشا

[ehabpopo]

العربية حلوة ما فيش كلام ... وهو دة اللى مخلى اصحابها متمسكين بسعر البيع اللى حددوة ...
وماتنساش ان اسعار العربيات زادت بطريقة غريبة ... حد يصدق ان الاافيو الاوتوماتيك تعدى ال 100000 جم ...
يعنى اللى بيبيع عارف ان هاتقابلة مشكلة فى شراء عربية تانية زيرو

[عمرو توفيق]

الحقيقة المشكلة اللي ذكرتها بخصوص المبالغة في السعر مقصود بيها هو الإصرار على البيع بسعر غير سعر السوق. على سبيل المثال سيارة موديل 2010 بحالة مميزة المفروض سعرها 56-57 ألف. تلاقيها معروضة بـ 65 ألف ولا مجال للتفاوض. وتفضل العربية معروضة شهر أو اتنين ، ويصر البائع على أنه عارف الأسعار كويس، مع التلويح بالتراجع عن البيع.
فالموضوع ليس له علاقة بجودة الـ byd . ودي مشكلة كبيرة لأنها تسبب خسارة للجميع بسبب العطلة ووقف الحال.

[عمرو توفيق]

متهيالى 2012 سعرها العادل 60000 الى 63000 ج حسب الحالة ولو فى اى اضافات زيادة .
انت ممكن تقول رينجك كام ونحاول نساعدك على قد ما نقدر وربنا يوفقك

تفتكر موديل 2013 ممكن يكون سعره كام؟
أنا قدامي واحدة عاملة 38 ألف كيلو. هل عداد الكيلو العالي ده المفروض يفرق في السعر؟