وحده رفع للبي واي دي اف ٣

[sam909]

افكر في تركيب وحده رفع رجاء الافاده من لديه الخبره في هذا الموضوع.اي الانواع اشتري.هل سوف تكون جيده.اذا قمت بتركيبها هل هذا يوثر علي الضمان .هل يقوم التوكيل بتركبها .مع خالص شكري

[A7med AlMaGiC]

اولا هي مفيش فيها تأثير ع الضمان ولا حاجه ولا التوكيل بيعمل فيها مشكله لأنها بتركب ع جهاز السنتر بتاع العربيه ف الباب الرئيسي بتاعك انت كمان مش في كل الابواب والتوكيل بيركبها بس لازم تعد بقي لكن هي بتركب بره التوكيل ب 150 جنية وبتبقي للاربع ابواب انا واحد صاحبي مركبها هو كمان معاة العربيه 2014 وكنت انا وهو في صيانه ال 5000 ومحدش اتكلم معاه ع حاجه وهي راكبه لكن اي نوع مش عارف والله انت تشوف بقي كهربائي كويس وهو يقولك الانواع ايه بس ان شاء الله الاهم ان هي مافيهاش مشاكل ف التوكيل

[sam909]

الف شكر علي اهتمامك والرد علي .الف شكر علي الافاده

[A7med AlMaGiC]

الف شكر علي اهتمامك والرد علي .الف شكر علي الافاده

الشكر لله وان شاء الله اقدر اساعدك علطول

[morabet8]

كنت عاوز اركب وحدة رفع وكلمت عم حمدى الكهربائى قالى السنتر مش هيستحمل وممكن يتحرق
عاوزين نتاكد اكتر

[sfawzy]

معلش يعني ايه وحدة رفع؟

[sam909]

عاوزين الافاده في موضوع ان السنتر مش هيستحمل وممكن يحترق.ارجو الافاده من اهل الخبره

[bassem.naguib]

اولا هي مفيش فيها تأثير ع الضمان ولا حاجه ولا التوكيل بيعمل فيها مشكله لأنها بتركب ع جهاز السنتر بتاع العربيه ف الباب الرئيسي بتاعك انت كمان مش في كل الابواب والتوكيل بيركبها بس لازم تعد بقي لكن هي بتركب بره التوكيل ب 150 جنية وبتبقي للاربع ابواب انا واحد صاحبي مركبها هو كمان معاة العربيه 2014 وكنت انا وهو في صيانه ال 5000 ومحدش اتكلم معاه ع حاجه وهي راكبه لكن اي نوع مش عارف والله انت تشوف بقي كهربائي كويس وهو يقولك الانواع ايه بس ان شاء الله الاهم ان هي مافيهاش مشاكل ف التوكيل

معلش يا أ/ أحمد اسمحلي اعترض مع حضرتك في النقاط التالية :
- تركيب أي حاجة متعلقة بضفيرة الكهرباء أكيد حتخرج كهربة العربية من الضمان .
- أنا مش عارف معلومة أن التوكيل بيركبها ولا لآة .. بس معتقدتش لأنه لو بيركبها أكيد كان حيبقى عندي وعند الأعضاء خبر بالموضوع ده .
- بصفة عامة السيارات الحديثة أي لعب في ضفيرة الكهرباء ممكن يأثر على وحدة تحكم العربية ولا قدر الله ممكن يحصل له حاجة .
- فيه بعض المكونات الكهربائية ممكن تركبها عادي زي الفوجات والسماعات لأنها في الأساس نازلة في العربية بالفيش بتاعتها يعني حتوصل من غير قطع في الضفيرة أو حمل كهربي زيادة على العربية (معمول حسابها) .. مع مراعاة طبعاً الأمبير بتاع لمبات الفوجات وقوة تحمل خامة الفوج نفسه لحرارة اللمبة علشان ميسيحش الفيشة وبالتالي يأثر على الضفيرة .
- لو فيه حد بالفعل ركب وحدات رفع .. وشغالة كويس .. فده ستر من عند ربنا أنه محصلش حاجة لغاية دلوقتي .. وخاصة أنه ضفيرة الكهرباء بتاعة العربية مش بالقوة الكافية لتحمل أحمال أكتر عليها .. واللي نازل في العربية يا دوب على قدها كنوع من التوفير أو كمنهج للشركة الأم في الصين .

ارجو أن كلامي ميكونش ضايقك .. وخاصة أني أقصد الصالح العام في المقام الأول .

خااااااااااالص تحياتي .

معلش يعني ايه وحدة رفع؟

المقصود بوحدات الرفع يا فوزي باشا هو جهاز بيركب بيسمح ليك أنك لو نزلت من العربية والشبابيك مفتوحة بمجرد ما بتدوس على زرار الغلق من الريموت .. زجاج الشبابيك بيقفل لوحده مع سنتر العربية .

وهو مريح فعلاً وامان .. وخاصة أن الواحد ممكن ينسى شباك مفتوح ويمشي .. فبمجرد ما تدوس لوك تبقى العربية متأمنة أنها مقفولة والانذار شغال والشبابيك اتقفلت لو نسيتها مفتوحة .

[sam909]

شكرا ياباشا علي الايضاح الجامد ده

[Emad Habib]

الاستاذ/ باسم

تحياتى

يجب التنبيه على جميع الاعضاء وغير الاعضاء بعدم المساس بالضفيره تماما لآن الخلل فى تركيب ترمله واحده اثناء تصنيع ضفيره السياره يعيب الضفيره بالكامل

فتخيل قص الاسلاك واعاده تربيطها بالطرق البدائيه يؤثر على وحده الكنترول يونيت بالسياره وقد ينتج عن ذلك اعطال فجائيه بالسياره وهذا ينطبق على كل انواع السيارات بكل ماركاتها

ولكل الاعضاء شكرى وامتنانى

عماد حبيب

[bassem.naguib]

الاستاذ/ باسم

تحياتى

يجب التنبيه على جميع الاعضاء وغير الاعضاء بعدم المساس بالضفيره تماما لآن الخلل فى تركيب ترمله واحده اثناء تصنيع ضفيره السياره يعيب الضفيره بالكامل

فتخيل قص الاسلاك واعاده تربيطها بالطرق البدائيه يؤثر على وحده الكنترول يونيت بالسياره وقد ينتج عن ذلك اعطال فجائيه بالسياره وهذا ينطبق على كل انواع السيارات بكل ماركاتها

ولكل الاعضاء شكرى وامتنانى

عماد حبيب

تمام يا عماد باشا .. أوافقك الرأي تماماً .. ولي تجربة مع أحد الأصدقاء يمتلك إحدى السيارات الأوروبية العريقة .. وركب كاميرا خلفية وشاشة خارج التوكيل .. وكانت النتيجة أنه بعد فترة حدث خلل في كمبيوتر السيارة أدى إلى توقفها لوجود تغذية كهربائية عكسية تجاهه أدى إلى تلفه .. وتم استدعاء ونش اعطال والذهاب بها إلى التوكيل لإصلاحها .. ومش حتكلم عن البهدلة والمصاريف اللي اتدفعت بالرغم أن السيارة يمكن تركيب الكاميرا والشاشة عليها ولكن زي ما بنقول في الأمثال الشعبية " الغلطة بفورة " .

ولكن في نفس الوقت يجب أن يراعي التوكيل متطلبات عملائه وتلبية احتياجاتهم في تركيب مثل هذه الكماليات كوحدات الرفع والفوجات ذات الخامات الجيدة والتي لا تضر بالسيارة .

خالص تحياتي .