عملت صيانة 10.000

[peter magdy]

مساء الخير على احلى شباب فى المنتدى
---------
روحت امبارح عملت صيانة 10.000
و كان ميعادى الساعة 11 صباحا - و انا روحت 10.45
دخلت المركز كان فاضى جدا جدا و تقريبا عربية قدامى بس و محدش غيرنا
و جية مهندس الاستقبال اسمة استاذ علاء - شاب محترم جدا و خلوق و عندة صبر و ترتاح معاة
كتب امر التشغيل
1 - صيانة 10.000 بدون زيت
2 - الكشف على العفشة علشان فى صوت هبد غريب كدة مع مطب
3 - تغير فلتر بنزين مع تركيبة
4 - شراء فلتر هواء بدون تركيب - مبيعات
5 - تظبيط شنطة العربية
------
اقل من 10 دقائق و العربية دخلت
و دخلت الاستراحة فى عربيات كتير جوة لكن دى العربيات اللى بعد عنى و عنكم اللى موجودة على طول بسبب حوادث
اول حاجة ظبطو الشنطة و بعد كدة خد العربية فتح الكبوت ورفعها على الونش و قعد كتير انا قلت بيغير زيت - نزلت للاستاذ علاء قولتلة مش انت كاتب بدون تغيير زيت قالى اة قولتلة اللى حصل فدخل و شاف و قالى لالا متقلقش دا فلتر الزيت مرشح علشان مش مربوط كويس
فقلتلة طلب تانى بعد اذنك - لمبة abs كل مشوارين او تلاتة تنور و انا ماشى - ف بصراحة بدون ملامح زعل او حاجة دخل تانى و ذودة على امر التشغيل
و بعد بعدها بشوية و هو بينادى على حد - فقالى من نفسة الصيانة خلصت لكن فى مشكلة فى abs فى عجلتين ورا و قدام و لو فى حاجة هتبقى فى الضمان - قلتلة شكرا
و بعدين خلصت ورحت نازل استلم العربية نسيو يركبو فلتر البنزين و بعدها بربع ساعة استلامتها
-----------
و بفتح الكبوت
لقيتهم غسليين الموتور بالفوم - و مزودين مياة خضراء - و زيت الفرامل لانة كان ناقص شوية و انا و انا ماشى على اى بنزينة اجيب
بصراحة انا اول مرة امشى من عندهم مبسوط الصراحة
و كمان فى نظام احسن من الاول
هى كدة مشكلتهم فى الضغط عليهم من كتر عدد العربيات
انا لقيت عربية ملاكى دمياط بتعمل صيانة فى القطامية
يعنى مثلا فرع الشرابية لو فرع كويس و الناس اللى فية فاهمة شغلها كويس - مش هيخلينى اورح للقطامية و انا الفرع التانى جنبى بأقل من 500 متر و هيقلل الضغط على القطامية
-------------
طبعا هو فى بعض العيوب زى مثلا
الذباب فى الاستراحة مستفز جدا - ف بدل ما تقلل الاضاءة و المشكلة ما زالت قائمة هات الصاعق متلا و حل مش مكلف
و مشكلة العربية تخلص ولا زم تبعت حد و تقولة العربية خلصت ممكن حد يطلعها برة
لكن بأمانة انا مبسوط جدا فى التوكيل المرة دى - و اتمنى من التوكيل انة يفضل كدة و احسن علشان يرضى العملاء و يبقى سبب لزيادة انتشار السيارة
شكرا

[bassem.naguib]

ألف مبروك يا بيتر على الصيانة .. وعقبال صيانة المليون وتبقى مبسوط منها على طول .

بس أنت مقولتلناش مشكلة البرجلة دي عملت فيها أيه .. ولا قالوا ليك أيه سببها .

[moh_rag_abd]

مبروك الصيانة وعقبال صيانة المليون
وموضوع الفرامل ده هيعملو فيه ايه؟؟
بس مقلتش الصيانة كلفت كام؟ وفلتر الهوا بكام؟

[peter magdy]

ألف مبروك يا بيتر على الصيانة .. وعقبال صيانة المليون وتبقى مبسوط منها على طول .

بس أنت مقولتلناش مشكلة البرجلة دي عملت فيها أيه .. ولا قالوا ليك أيه سببها .

اللة يبارك فيك يا استاذ باسم - متشكر جدا لزوقك
اة صح نسيت
انا فعلا قلتلة على البرجلة دى فعلا و الحمد للة بقت احسن بس مجربتش تانى
لكن حاسس انة بقى كويس علشان عداد rpm كان بيعلى فى الزحمة و كان رخم شوية
هيبان من كام مشوار كدة
عايزيين مقابلة قريب - انتو وحشتونى قوى - ماليش دعوة اتصرف يا كبييييييييييير

مبروك الصيانة وعقبال صيانة المليون
وموضوع الفرامل ده هيعملو فيه ايه؟؟
بس مقلتش الصيانة كلفت كام؟ وفلتر الهوا بكام؟

متشكر جدا لحضرتك
انا عملت الصيانة من غير زيت
و غيرت فلتر الهوا بدون تركيب - و تغيير و تركيب فلتر بنزيين
التكلفة 161 جنية بالضريبة و المصنعية

[bassem.naguib]

ماليش دعوة يا عم القسم بقى ليه منسق

وكل سنة وانت طيب يا باشا

[aboalmaty]

الف مبروك الصيانة
انا عايز احجز ممكن اعرف رقم تليفونهم لاني كل ما اتصل برقم الموبايل اللى معي بيقول الموبايل خارج نطاق الخدمة والارضي محدش بيرد

[ehabpopo]

مبروك الصيانة ... والحمد لله انك خرجت من عندهم مبسوط ... ودى معجزة طبعا

[good000]

محتار جدا وتعبت من المستعمل بفكر اشتري f3 اوتو ايه رايك يا بيتر بعد تجربة العربية

[meemo]

هو مفيش ليهم مركز صيانة غي ابورواش او حتي مركز خدمة معتمد الحكاية ديه ممكن تفرق معي في قرار الشراء

[mohhassan]

هو مفيش ليهم مركز صيانة غي ابورواش او حتي مركز خدمة معتمد الحكاية ديه ممكن تفرق معي في قرار الشراء

مراكز الصيانة في القطامية والشرابية والعباسية واسكندرية

[tito32]

مبروك الصيانه
161 جنيه كاش ولا قسط

[S O P H O S]

مبرووك الصيانة