F3 موديل 2007 و شويه مشاكل كده

[Patrickologyy]

سلام عليكم يا رجاله .. معايا بى واى دى اف 3 موديل 2007 .. دلوقتى بقالى فتره مركب سماعتين كينوود 300 وات ورا و الواد و هو بيركبلى قالى العربيه كهربتها مش مظبوطه .. من اول ما ركبوا .. لما الف الكونتاكت من غير ما ادور العربيه .. لو شغلت الكاسيت يشتغل تمام قوى على الاربع سماعات .. بس اول ما اقلب نور الكاسيت يطفى و يشتغل من الاول .. و كنت كاشف على البطاريه من فتره كويسه كده الراجل قالى ضعيفه قلت مش مهم طالما شغاله .. و عموما بتاخد ثوانى عقبال ما تدور من ساعه ما البطاريه ضعفت و كل ده بعد ما ركبت السماعات .. المهم النهارده ماشى عادى لقيت كل ما ادوس دبرياج و الار بى ام ينزل تقوم العربيه فاصله و امور و ادور من تانى .. كده تبقى المشكله بطاريه ولا دينامو ولا مارش ولا ايه ؟!
مع العلم ان المارش بياخد وقت عقبال ما العربيه تدور .. دى اول مشكله .
تانى مشكله الازاز اليمين احيانا بيعلق بفكر اغير الماكينه بتاعته .. و لا اخلى كهربائى يبصلى عليها احسن ؟!
تالت حاجه عايز اركب فانوسين شبوره بالدراع بتاعهم و اغير لمض الفانوسين قدام بحاجه قويه شويه .. و عايز اركب جهاز انذار محترم و وحدات رفع .. الاهم من ده كله عايز كهربائى محترم و فاهم كويس جدا فى العربيه يظبطلى كل حاجه و بالمره يركبلى الحاجات دى و يستحسن يكون فى مدينه نصر .. اللى عارف اى حاجه مايبخلش يا جدعان اخوكم الصغير برضه .. و شكرا :d

[MuslimMeskeen]

ده رقم عم حمدى الكهربائى.. تخصص بى وا ى دى.. ت/01142067404 ومكانه فى الشرابية..خلف المستشفى العسكرى
أي حاجة تحتاجها في العربية قطع غيار أو صنايعية شوف الموضوع ده
http://www.nilemotors.net/Nile/365844-byd.html

[mody112]

سلام عليكم يا رجاله .. معايا بى واى دى اف 3 موديل 2007 .. دلوقتى بقالى فتره مركب سماعتين كينوود 300 وات ورا و الواد و هو بيركبلى قالى العربيه كهربتها مش مظبوطه .. من اول ما ركبوا .. لما الف الكونتاكت من غير ما ادور العربيه .. لو شغلت الكاسيت يشتغل تمام قوى على الاربع سماعات .. بس اول ما اقلب نور الكاسيت يطفى و يشتغل من الاول .. و كنت كاشف على البطاريه من فتره كويسه كده الراجل قالى ضعيفه قلت مش مهم طالما شغاله .. و عموما بتاخد ثوانى عقبال ما تدور من ساعه ما البطاريه ضعفت و كل ده بعد ما ركبت السماعات .. المهم النهارده ماشى عادى لقيت كل ما ادوس دبرياج و الار بى ام ينزل تقوم العربيه فاصله و امور و ادور من تانى .. كده تبقى المشكله بطاريه ولا دينامو ولا مارش ولا ايه ؟!

عم حمدى الكهربائى فى الشرابية هيفيدك فى الموضوع ده


مع العلم ان المارش بياخد وقت عقبال ما العربيه تدور .. دى اول مشكله .

يعنى فى تعتيلة فى الدوارة ولا بتتاخر بس ؟


تانى مشكله الازاز اليمين احيانا بيعلق بفكر اغير الماكينه بتاعته .. و لا اخلى كهربائى يبصلى عليها احسن ؟!

ممكن تكون المكنة عاوزة تتنضف بس خلى يبص عليها بالمرة


تالت حاجه عايز اركب فانوسين شبوره بالدراع بتاعهم و اغير لمض الفانوسين قدام بحاجه قويه شويه .

اشترى الحاجات دى من عند شخلول فى الشرابية او زكى جرجس فى ش دمشق او الراعى الصالح فى التوفيقية او شركة الفتح ودى معاها توكيل لقطع الغيار فى التوفيقية جوة المول القديم وبعدين وانت عند عم حمدى الكهربائى خليه يركبهملك


. و عايز اركب جهاز انذار محترم

طب ما العربية فيها جهاز انذار هتركب واحد تانى ليه ؟خلي حمدى الكهربائى يظبطلح الحساسية بتاعه وكفاية كده

و وحدات رفع
اشتريها برضه وخليه يركبهملك

.. الاهم من ده كله عايز كهربائى محترم و فاهم كويس جدا فى العربيه يظبطلى كل حاجه و بالمره يركبلى الحاجات دى و يستحسن يكون فى مدينه نصر .. اللى عارف اى حاجه مايبخلش يا جدعان اخوكم الصغير برضه .. و شكرا :d

اى استفسار انا فى الخدمة

[Patrickologyy]

اى استفسار انا فى الخدمة

ربنا يخليك يا باشا متشكر جدا :)
الحمد لله المشكله طلعت فى البطاريه و غيرتها بكلورايد مصرى .. اللى راكبه كانت 55 امبير جبت الجديده 70 امبير علشان تبقى احسن علشان ناوى ازود شويه حاجات :)
لأ انا عربيتى 2007 كانت اول واحده فى مصر غالبا مافيهاش جهاز انذار للأسف فعايز اركب نوع نضيف كده و بفكر فى سباى علشان فيه كذا عضو هنا مجربه .. و اركب معاه وحده الرفع بالمره بس دى مش عارف اجيب نوع ايه او منين او بكام يا ريت حد يقولى :')
كمان عايز اغير السماعتين اللى قدام و ناوى اجيب سونى بس مش عارف هى مقاسها كام يا ريت حد يفيدنى .. بالنسبه لجهاز الانذار و وحدات الرفع اروح لاستاذ حمدى يركبهوملى هو ولا افضل اروح سبير كار او ادريان ؟!
شكرا يا استاذ مودى :)