اية التهريج دة بخصوص f3 اوتو

[drmomoking]

يعنى اية العربية تتفول لحد الزور و تمشى 310 كيلو ولمبة البنزين تنور ممكن حد يفهمنى معنى الاستهلاك دة مع العلم ان 90 فى المية من السواقة على طريق السويس يعنى طريق مفتوح و السواق مراتى يعنى لا جرى و لا حرق ولا بتعدى ال 100 كم اصلا مع العلم انهم عملوا حاجة فى صيانة الالف و كانت اتحسنت و لحد اخر تفويلة دى مع العلم العربية 3500 كم دلوقت
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

ارجو حد يقولى اية دة

[ahmedelrayan]

طيب محضرتك تجرب تحسب معدل الاستهلاك ممكن يكون مؤشر البنزين هو اللى فيه مشكلة

[hamo81]

أنا رأي فعلا أنك تفولها وتشوف هتاخد كام لتر ممكن فعلا يكون مؤشر البنزين مش مظبوط

[peter magdy]

طب فول تانى لد الزور و شوف هتاخد كام لتر و احسبها و انت هترف المشكلة من العداد ولا دا استهلاك زايد

[sam909]

تشغيل التكيف بياكل البنزين.يعني عدم تشغيله هيفورلك اكثر من النص.انا معايا 2014 مانويل ١٦٠٠ سس.

[drmomoking]

تشغيل التكيف بياكل البنزين.يعني عدم تشغيله هيفورلك اكثر من النص.انا معايا 2014 مانويل ١٦٠٠ سس.

ازاى التكييف يستهلك كل دة و خصوصا على طريق مفتوح وكمان ظروف تشغيل العربية ما اختلفتش يعنى كنت بشغل التكييف قبل كدة و كان الاستهلاك عادى زى او اعلى حاجة بسيطة من اللى من غير التكييف

[drmomoking]

فولت تانى لحد الزور اخدت حوالى 45 لتر

[mohhassan]

بص للاسف الاعضاء هنا خايفين من الحسد ومحدش هيقولك الاستهلاك عنده كام ،،بس عموما انا منذ اشتريت العربية والتفويلة 45 لتر بتعمل 350 كم وسألت كتير وقولتلهم في صيانة الالف ولكن كما هى ،،بس الغريب عندك انهاكانت كويسة ،،، لو الموضوع يؤرقك روح التوكيل لو هتتحمل الانتظار ،عن نفسي باذن الله بفكر اروح توكيل اسكندرية والله المستعان

[bassem.naguib]

مواضيع استهلاك البنزين قتلت بحثاً في قسم بي واي دي .. يا ريت حضرتك تدور في المواضيع القديمة وحتلاقي المفيد إن شاء الله

[sam909]

والله انا اكتشف ان العربيه حوت بزين بس هعمل .الحمد لله

[peter magdy]

بص للاسف الاعضاء هنا خايفين من الحسد ومحدش هيقولك الاستهلاك عنده كام ،،بس عموما انا منذ اشتريت العربية والتفويلة 45 لتر بتعمل 350 كم وسألت كتير وقولتلهم في صيانة الالف ولكن كما هى ،،بس الغريب عندك انهاكانت كويسة ،،، لو الموضوع يؤرقك روح التوكيل لو هتتحمل الانتظار ،عن نفسي باذن الله بفكر اروح توكيل اسكندرية والله المستعان

هههههههههههههههههه
ياباشا خليها على اللة
انا و الحمد للة التفويلة لحد الزور تعمل من 500 الى 550 كم جوة البلد
بس فى كام حاجة عايز اقول عليها و ممكن تفيد برضو باقى الاعضاء و عن تجربة كذا مرة
----
1 - فلتر الهواء- دة سئ جدا و مش بيستحمل خالص و بيتسد بسرعة فهتلاقى الاستهلاك زاد جدا عن الطبيعى و صوت الموتور بقى عالى --- غييرة و هتحس بالفرق
انا عربيتى 10.000 و تانى مرة اغيرة غير اللى جت بيها العربية - يعنى دة تالت فلتر هواء حاليا
و دى نصيحتى و اهتمو بيها جدا علشان هتفرق كتير
2 - تانى حاجة زيت تخليقى من شركة محترمة - بيساعد على توفير البنزين و بيقلل صوت الماتور بنسبة كبيرة و بيزيد من تسارع العربية
3 - سواقة هادية بدون عنف على دواسة البنزين
4 - مون من بنزينة وطنية - علشان فية فرق رهيب بينة و بين باقى البنزينات علشان الاغلبية مضروب و هتتخض من فرق السحب فى العربية بين الاتنين
-----------------
و زى ماقلك استاذ باسم دور فى المنتدى كويس ممكن حد يكون حل المشكلة دى لو عندة
وربنا يسترها عليك و علينا

[bassem.naguib]

والله انا اكتشف ان العربيه حوت بزين بس هعمل .الحمد لله

لا حوت ولا حاجة يا فندم .. وانتظر احسن أداء إن شاء الله بعد 5000كم .. وراجع المواضيع اللي في القسم الخاصة باستهلاك البنزين .

[mohhassan]

اخيرا حد قال الاستهلاك بتاعه !!!وطيب احنا كده عربيتن حوت بنزين فعلا
وانا من اول تفويله للعربية كان استهلاكها زى ما هو الان

[meemo]

وبعدين باه انتو هتخوفونا من العربية ليه يعني نصرف نظرا ونخلينا في الانفي اضمن

[drmomoking]

هههههههههههههههههه
ياباشا خليها على الله
انا و الحمد لله التفويلة لحد الزور تعمل من 500 الى 550 كم جوة البلد
بس فى كام حاجة عايز اقول عليها و ممكن تفيد برضو باقى الاعضاء و عن تجربة كذا مرة
----
1 - فلتر الهواء- دة سئ جدا و مش بيستحمل خالص و بيتسد بسرعة فهتلاقى الاستهلاك زاد جدا عن الطبيعى و صوت الموتور بقى عالى --- غييرة و هتحس بالفرق
انا عربيتى 10.000 و تانى مرة اغيرة غير اللى جت بيها العربية - يعنى دة تالت فلتر هواء حاليا
و دى نصيحتى و اهتمو بيها جدا علشان هتفرق كتير
2 - تانى حاجة زيت تخليقى من شركة محترمة - بيساعد على توفير البنزين و بيقلل صوت الماتور بنسبة كبيرة و بيزيد من تسارع العربية
3 - سواقة هادية بدون عنف على دواسة البنزين
4 - مون من بنزينة وطنية - علشان فية فرق رهيب بينة و بين باقى البنزينات علشان الاغلبية مضروب و هتتخض من فرق السحب فى العربية بين الاتنين
-----------------
و زى ماقلك استاذ باسم دور فى المنتدى كويس ممكن حد يكون حل المشكلة دى لو عندة
وربنا يسترها عليك و علينا

زيت تخليقى زى ايه لان موبيل وان اللى بيغيروه فى التوكيل مش حلو و هل تغيير نوع الزيت ميخرجش من الضمان؟

ثانيا انا على طول بمون من نفس البنزينة وطنية اللى فى طريق السويس يعنى نوعية البنزين مختلفتش

ثالثا حضرتك بتجيب فلتر الهوا دة منين و نوعة او ماركتة اية و سعرة

و شكرا للاهتمام