الرخصة مش موضحة الفامية

[hamo81]

السادة الكرام
عندما رخصت العربية بصيت في الرخصة لقيت مش مكتوب فيها أي شيء يدل على الفامية الموجود في العربية
بالرغم أن العربية نازلة من المصنع زجاج خلفي فامية
وبصيت في الورق إلي طالع من المصنع الأمل لا يوجد أي شيء يدل على الفامية ( انا محتفظ بنسخة من الورق قبل الترخيص) إيه الحل ؟
هل الرخصة ممكن تعملي مشكلة بعد كده في أي لجنة علشان الفامية بتاع العربية ؟
ياريت أهل الخبرة يفيدوني في الموضوع ده

[Ahmed_Rahem]

لو ورق العربية مفهيوش فامية مش هتعرف تثبتة على الرخصة خالص، انما لو ورق العربية موجود فية ارجع المرور وصلح الرخصة

والسلام ختام

[hamo81]

الورق لا يوجد به أي شيء يدل على الزجاج الفامية
أرجع للمصنع ولا أعمل إيه

[D.Ahmed Ismail]

ارجع للمصنع

[ashouhdy]

بيتكتب فى الورق بتاع العربية : زجاج جانبي وخلفي غامق أو زجاج ملون غير كدة ممكن احتمال المرور يرخم ... بس مفيش حد بيدق علي النص الوراني

[hugan]

لازم تتصرف
كده مش هاتخلص من اللجان

[hamo81]

واضح إني لازم أروح المرور تاني وأعدل الرخصة
ولو منفعش يبقى قدامي المصنع وأمري لله
فعلا الحلو ميكملش
شكرا ليكم يا جماعة مشاركتم الرأي وربنا يعينا على مشوار المرور

[المنسي]

اولا مبروك عليك العربية وربنا يديك خيرها ويكفيك شرها بس كنت عايز اسال حضرتك هى ترخيص الموتور 1500 فى 3 سنين كلفك كام؟؟؟
وازاى ورق العربية مش موضح فيه الفامية

[hamo81]

اولا مبروك عليك العربية وربنا يديك خيرها ويكفيك شرها بس كنت عايز اسال حضرتك هى ترخيص الموتور 1500 فى 3 سنين كلفك كام؟؟؟
وازاى ورق العربية مش موضح فيه الفامية

الله يبارك فيم يا باشا
انا رخصت العربية سنة واحده علشان دي تقسيط من البنك والمصاريف كالتالي
120 ج تأمين
260 ضريبة ورسوم
40 أوراق أستعلام وفحص وخلافة
150 طفاية حريق
65 شنطة أسعافات ومثلث
30 لوحة
=======
665
ده غير الإكراميات كل واحد عايز يمضي ورقة بياخد عليها فلوس

بالنسبة للورق انا صورت كل ورق العربية ماعدا ورقه واحد موجودة في المرور هاروح أتأكد إذا كان فيها زجاج فامية ولا لأ

[hamo81]

الحمد لله تم إثبات الزجاج الملون على الرخصة
ولم يحدد إذا كان خلفة أو أمامي أو جانبي
فقط زجاج ملون

[hugan]

كده صبرت ونولت
ممكن تفيم امامي

[humhum]

الحمد لله تم إثبات الزجاج الملون على الرخصة
ولم يحدد إذا كان خلفة أو أمامي أو جانبي
فقط زجاج ملون

مبروووووك

[M I D O]

انا حصل معايا كدة ورجعت الرخصة كتبلي فيها زجاج ملون بس كان اثبات الفامية موجود في المرور انت بقي هترجع تاني للمعرض الي اشتريت منة الاول وبعدين هتاخد العربية وتطلع بيها علي المرور عشان يضيفلك الفامية