مشكلة ثبات السحب وال rpm على الرابع والخامس فى BYD 2012

[melsheshtawy]

أصدقائى الأعزاء
كل سنه وإنتم جميعا طيبين وبألف خير
بقالى فترة مشاركتش معاكو لأنى بصراحة مكنش عندى جديد أضيفة بس اليومين إللى فاتو دول سجلت أول ملاحظة على عربيتى هى طبعا موديل 2012 وعاملة 46 ألف كم ومغيرتش فيها حاجة غير بوجيهات وتيل فرامل .. المهم اليومين إللى فاتو دول إتكرر معايا موقف غريب ، العربية لما تكون ماشية بسرعة ألاقيها تنتش وسرعتها تثبت مهما أنا زودت بنزين .. فى الأول قلت ممكن التكييف مع مطلع مأثر على السحب وروحت واليومين إللى بعد كده الدنيا مشيت كويس لغاية ما إتكرر الموضوع ده إمبارح وكان عندى فرصة أستكشف إللى بيحصل لأن الطريق كان مفتوح ... العربية سحبها كويس جدا على الغيارات الأولى إنما الرابع والخامس وتحديدا عند آر بى أم 2800-3000 بلاقيها ثبتت على كده مهما دوست بنزين وده مع الكبس .. لو سايستها ودوست واحده واحده تبتدى تجمع معايا تانى ... فقلت نتشارك فى الموضوع ده إذ ربما يكون حد مر عليه حاجة زى كده ونستفاد كلنا ... بالمناسبة أنا لسه مغير فلتر بنزين وهواء وبوجيهات عند 42 ألف
ومره تانية كل سنه وإنتم جميعا طيبين وبخير


تم تعديل العنوان ليتناسب مع المحتوى
م ب 3

[المنسي]

هل المشكلة كانت موجودة قبل كده ولا لسه ظاهرة
البنزين اللى بتحطو اخباره ايه؟؟؟؟؟؟؟؟؟؟؟؟
جربت تنظف دورة البنزين؟؟؟؟؟؟؟
جربت تحط منظف دورة البنزين ؟؟؟؟؟؟
اعتقد المشكلة متعلقة بالبنزين
تقبل تحياتى

[melsheshtawy]

هل المشكلة كانت موجودة قبل كده ولا لسه ظاهرة
البنزين اللى بتحطو اخباره ايه؟؟؟؟؟؟؟؟؟؟؟؟
جربت تنظف دورة البنزين؟؟؟؟؟؟؟
جربت تحط منظف دورة البنزين ؟؟؟؟؟؟
اعتقد المشكلة متعلقة بالبنزين
تقبل تحياتى

ممكن يكون الكلام مظبوط بس حته الارتباط بالسرعات العالية بالتحديد خلتنى استبعده شوية .. انا عربيتى لبقديمة لما كانت دورة البنزين بتتسد كانت حتى السرانسية لازم تسندلها بنزين عشان تفضل دايرة .. وده مش بيحصل عندى .. بس فى حاجة حضرتك لفت نظرى ليها لما غيرت فلتر البنزين آخر مرة كان الميكانيكى بيخطبة على برميل كده عنده ينزل طينة مع انى على طول بحط بنزين 92 من بنزينات محترمة ... كمان لما ده محصلش فى الوقت ده بيحصل والفلتر لسه جديد !!!!!!!

[المنسي]

ممكن يكون الكلام مظبوط بس حته الارتباط بالسرعات العالية بالتحديد خلتنى استبعده شوية .. انا عربيتى لبقديمة لما كانت دورة البنزين بتتسد كانت حتى السرانسية لازم تسندلها بنزين عشان تفضل دايرة .. وده مش بيحصل عندى .. بس فى حاجة حضرتك لفت نظرى ليها لما غيرت فلتر البنزين آخر مرة كان الميكانيكى بيخطبة على برميل كده عنده ينزل طينة مع انى على طول بحط بنزين 92 من بنزينات محترمة ... كمان لما ده محصلش فى الوقت ده بيحصل والفلتر لسه جديد !!!!!!!

من الاخر البنزين 92 مفرق عن 80 كتير ... اظن قصدى حضرتك فهمته
تقبل تحياتى

[melsheshtawy]

من الاخر البنزين 92 مفرق عن 80 كتير ... اظن قصدى حضرتك فهمته
تقبل تحياتى

إوعى يكون قصدك أحط 95 .. عموما هو البنزين بيفرق عن بعضة فى نسبة الرصاص .. إنما موضوع النظافة والتراب دى بقى ليها علاقة بنظافة المحطة وإهتمامها بتنظيف الخزانات وتغيير الفلاتر بشكل منتظم

[المنسي]

إوعى يكون قصدك أحط 95 .. عموما هو البنزين بيفرق عن بعضة فى نسبة الرصاص .. إنما موضوع النظافة والتراب دى بقى ليها علاقة بنظافة المحطة وإهتمامها بتنظيف الخزانات وتغيير الفلاتر بشكل منتظم

لا طبعا مقصدش تحط 95 العملية مش ناقصة اساسا الفكرة كلها انى اتاذيت من موضوع البنزين المغشوش مرتين قبل كده
ولان عربيتى كربراتير فالامر كان سهل (اقلب سلوك البوجيهات ومدفعين والدنيا تسلك)
فعلشان كده اول احتمال لمشكلتك ربطتها بالبنزين مع ان زى ماحضرتك قلت المفروض يبقى على كل السرعات ... على العموم انا حاولت افيد على قدر معلوماتى المتواضعة
تقبل تحياتى

[melsheshtawy]

لا طبعا مقصدش تحط 95 العملية مش ناقصة اساسا الفكرة كلها انى اتاذيت من موضوع البنزين المغشوش مرتين قبل كده
ولان عربيتى كربراتير فالامر كان سهل (اقلب سلوك البوجيهات ومدفعين والدنيا تسلك)
فعلشان كده اول احتمال لمشكلتك ربطتها بالبنزين مع ان زى ماحضرتك قلت المفروض يبقى على كل السرعات ... على العموم انا حاولت افيد على قدر معلوماتى المتواضعة
تقبل تحياتى

على فكرة أنا بهزر معاك .. أنا عارف إن فكرة بيع العربية أقرب من حط بنزين 95 بالنسبة لمعظمنا .. خصوصا إن سياراتنا من الفئة المتوسطة ... أنا محترم جدا مشاركات حضرتك وفعلا إحنا بنفكر سوا بصوت عالى وبنشرك الأعضاء معانا عشان نتبادل الخبرات ... لأن أصعب حاجة لو إنت راكب عربية جديدة ويحصل حاجة توقفك مكانك مش هتعرف تتصرف حتى زى ما كنا بنعمل فى العربيات القيمة .. نلمس سلكتين ونعمل كوبرى والكلام ده .. عشان كده أنا مقدر جدا كل المشاركات حتى لو إحتمالات ضعيفة بس بتخلينا لما نتحط فى موقف نعرف نفكر .. وبالمناسبة إحتمال ورة البنزين مش ضعيف ولا حاجة ده وارد جدا بس الغريب ليه مرتبط بوقت معين .... تقبل تحياتى

[المنسي]

على فكرة أنا بهزر معاك .. أنا عارف إن فكرة بيع العربية أقرب من حط بنزين 95 بالنسبة لمعظمنا .. خصوصا إن سياراتنا من الفئة المتوسطة ... أنا محترم جدا مشاركات حضرتك وفعلا إحنا بنفكر سوا بصوت عالى وبنشرك الأعضاء معانا عشان نتبادل الخبرات ... لأن أصعب حاجة لو إنت راكب عربية جديدة ويحصل حاجة توقفك مكانك مش هتعرف تتصرف حتى زى ما كنا بنعمل فى العربيات القيمة .. نلمس سلكتين ونعمل كوبرى والكلام ده .. عشان كده أنا مقدر جدا كل المشاركات حتى لو إحتمالات ضعيفة بس بتخلينا لما نتحط فى موقف نعرف نفكر .. وبالمناسبة إحتمال ورة البنزين مش ضعيف ولا حاجة ده وارد جدا بس الغريب ليه مرتبط بوقت معين .... تقبل تحياتى

سعيد بمشاركة حضرتك وان شاء الله فى انتظار راى باقى الزملاء
تقبل تحياتى

[MuslimMeskeen]

شوف كدة المشاركة دي ليها علاقة بموضوعك:

http://www.nilemotors.net/Nile/3873603599-post16.html

[melsheshtawy]

شوف كدة المشاركة دي ليها علاقة بموضوعك:
http://www.nilemotors.net/nile/3873603599-post16.html

متشكر ليك يا أخى على الإهتمام .. وربنا يسهل لما أروح أفحص العربية أخلى النقطة دى فى بالى

[S O P H O S]

حضرتك بتحط بنزين من محطة معينة