صوت فى فتيس byd 2015 مانيوال

[ameirnabel1977]

السلام عليكم ورحمه الله وبركاته ،،،،
انا الحمد الله استلمت العربيه من 10 ايام وعملت صيانه الف وفى التوكيل قولتلهم على الصوت بتاع الفتيس بس مهندس الصيانه قالي ده طبيعي علشان الشحم بينشف واني احط نقط زيت كل كام يوم عند العصايه من تحت بعد اما افك الكونسول ....
طبعا انا مش مقتنع خالص ومش عارف اعمل ايه هو الفتيس مش مدايقني والغيارات بتيجي بسهوله وبصباع واحد وان كان فى بعض الاحيان الاول بيعصلج لو لسه العربيه بتتحرك ( مش عارف ده طبيعي ولا ايه) ....
المهم انا مش عارف ايه علاج الصوت وخايف انه ممكن يبوظ حاجه فى الفتيس

[cobrahi]

بس مهندس الصيانه قالي ده طبيعي علشان الشحم بينشف واني احط نقط زيت كل كام يوم عند العصايه من تحت بعد اما افك الكونسول

دة كلام المهندس بجد .. دة اكيد مش خريج كليه هندسه ابدا ابدا ابدا
يعنى انا اشترى عربيه زيرو افك الكنسول كل يومين و لا تلاته و احط نقطه زيت ع العصياا .. ههههههه
و الله المهندس دة مسخرة اومال لو مكنتش سيارة زيرو كنا عملنا ايه
يعنى الفتيس الجديد 1500 المانول مضروب بالنار .. ربنا يسترك ع الفتيس الاتوماتيك الجديد بقا
ربنـــــــــــا يوفقك و تلاقى حل للمشكله دى لانها تخليك تفكر كتير

[S O P H O S]

مشاكل فالفتيس المانيوال
تاني مرة اسمع الموضوع ده
ربنا يوفقك وتحل المشكلة

[ameirnabel1977]

المشكله. اني مش عارف اوصف بالضبط هو مش صوت هو زي حكه مع الغيارات

[hamo81]

ياباشا انا معايا العربية مانوال 1500 الجديدة والفتيس الحمد لله كويس مفهوش أي حاجة
والعربية عاملة 3100 كم
ممكن تكون بيتهيألك إنه في صوت , أحيانا لما بتكون لسه شاري عربية جديد بتبقى موسوس شوية من أي صوت في العربية وواضح إن كلام المهندس في مركز الصيانة كان على سبيل الهزار

[ameirnabel1977]

ياباشا انا معايا العربية مانوال 1500 الجديدة والفتيس الحمد لله كويس مفهوش أي حاجة
والعربية عاملة 3100 كم
ممكن تكون بيتهيألك إنه في صوت , أحيانا لما بتكون لسه شاري عربية جديد بتبقى موسوس شوية من أي صوت في العربية وواضح إن كلام المهندس في مركز الصيانة كان على سبيل الهزار

بص يا باشا هو مش صوت هو زي ما تقول كده بحس ان عصايه الفتيس بتحك في حاجه وانا بانقل رغم اني دايس دبرياش علي الاخر .....
علي مهندس التوكيل ماكنش بيهزر لانه فعلا شال الكونسول ووراني احط الزيت فين
انا فعلا مش عارف اعمل ايه

[cobrahi]

متابع باهتمام

[طارق محمد نبيل]

من الافضل انك تراجع التوكيل مرة ثانية ممكن ان يكون المشكلة في الدبرياج مش في الفتيس اصلا

[amrelsaqqa]

ازاى الغيارات بتيجى بسهولة وفي نفس الوقت صوت حكة ؟

[المنسي]

ازاى الغيارات بتيجى بسهولة وفي نفس الوقت صوت حكة ؟

فعلا متفق مع حضرتك ازاى الغيارات بتيجى بسهولة وفى نفس الوقت فى حكة
لصاحب الموضوع خد فى بالك ان الزيرو بيلين مش بس موتور وكمان فتيس
كان فى الموديلات القديمة المشكلة دى موجودة بس كانت عضة فالغيارات وصوت ونة وكان الحل تغيير زيت الفتيس بنوع تانى
موديل العربية عند سيادتك اول حد يشتكى من الفتيس بس ليا سؤال هل فى اى غيار بيعض معاك حتى ولو مش بصفة دائمة
تقبل تحياتى

[cobrahi]

متااابع باهتمام

[ameirnabel1977]

فعلا متفق مع حضرتك ازاى الغيارات بتيجى بسهولة وفى نفس الوقت فى حكة
لصاحب الموضوع خد فى بالك ان الزيرو بيلين مش بس موتور وكمان فتيس
كان فى الموديلات القديمة المشكلة دى موجودة بس كانت عضة فالغيارات وصوت ونة وكان الحل تغيير زيت الفتيس بنوع تانى
موديل العربية عند سيادتك اول حد يشتكى من الفتيس بس ليا سؤال هل فى اى غيار بيعض معاك حتى ولو مش بصفة دائمة
تقبل تحياتى

معلش هو انا مش عارف يعني ايه عضه فى الفتيس .....
انا العربيه معايا الحمد الله زي الفل .... هو موضوع الفتيس ده بس

[المنسي]

معلش هو انا مش عارف يعني ايه عضه فى الفتيس .....
انا العربيه معايا الحمد الله زي الفل .... هو موضوع الفتيس ده بس

عضة الفتيس يعنى تجيب اى غيار تبقى تلاقيها مجاش معاك بسهولة ومش فى كل الاوقات يحصل كده
تقبل تحياتى

[ameirnabel1977]

عضة الفتيس يعنى تجيب اى غيار تبقى تلاقيها مجاش معاك بسهولة ومش فى كل الاوقات يحصل كده
تقبل تحياتى

ده اغلب الاوقات بيحصل وانا بجيب الاول لو لسه العربيه بتتحرك
انما باقي الغيارات زي الفل الحمد الله

[المنسي]

ده اغلب الاوقات بيحصل وانا بجيب الاول لو لسه العربيه بتتحرك
انما باقي الغيارات زي الفل الحمد الله

انتظر اراء باقى الزملاء لانهم كانو بيقولو حل المشكلة دى بتغيير زيت الفتيس والله اعلم
تقبل تحياتى