حد جرب يحط زينون و شبورة f3

[peter magdy]

مساء الخير على احلى شباب فى المنتدى
كل سنة و حضراتكم طيبيين - اعادة اللة على مصر كلها بخير
----------------
انا زهقت من من نور الشبورة بتاع العربية
مش نافع معاة حاجة
جبت نور قوى من توكيل فيلبس - نورها قوى جدا و متقدرش تبص للشبورة لكن اضاءة مشتتة
شلت العدسة اللى على اللمبة و النور بقى اقوى بس برضو مشتت
مش بيبان نور حلو الا لو داخل شارع مظلم خالص - غير كدة ولا لية اى لازمة
حد جرب زينون فى الكشاف
هل بيشتت برضو ولا ممكن فى امل

[MuslimMeskeen]

إزيك يا بيتر.. متابع.. عشان أنا مأخر موضوع الشبورة ده لحد ما أوصل لعلاج للنقطة اللي انت ذكرتها دي

[ameirnabel1977]

سبحان الله انا كنت لسه بفكر في الموضوع ده النهارده لان فعلا الشبوره مالهاش اي فايده
كمان هو لو عملت كده اخرج من الضمان لان لسه العربيه عامله 4000 كم بس

[mohhassan]

ياريت يكون الموضوع ده مرجع للاعضاء بخصوص فوانيس الشبورة وكل اللى ركبها ياريت يقولنا لانه من الحرام ندفع 350 جنيه في حاجة مالهاش لازمة مجرد زينة ومنظر

[peter magdy]

مساء الفل عليكم
طبعا انا اؤيد كل كلام حضراتكم
لكن المشكلة فى الكشاف نفسة فية مشاكل كتير
-----------------
انا فكرت اركب بتاع شبورة اوكتافيا a5 علشان شوفت نور زينون فيها و كان جامد جدا و فارش حلو قوى
و ناس هنا شكرو فية قوى
لكن المشكلة طولة 10 سم و بتاعنا 7 سم لول حطيتة عند بتاع فايبر هيبوظ شكل الاكصدام
و بناع عربية اسبرانزا a620 برضو .9 سم
استاذ ايهاب قبل كدة حط موضوع بتغيرة بشبورة النترا الشكل القديم
لكن نورة مركز قدام العربية مش فارش و ميزتة انة مش مشتت
لكن اللى ذكرتهم احسن و اقوى - لكن حجم اكبر و مالوش مكان
دا اللى وصلتلة بعد بحد و قياس الشبورة للانواع المذكورة

[bassem.naguib]

هي الوظيفة الأساسية للشبورة أيه؟!

وظيفة الشبورة ليست إضاءة الطريق أمامك أو أنها تفرش النور على الطريق .

لكل مقام مقال .

وبصفة عامة يجب مراعاة نوعية اللمبات والوات بتاعها .. فقد لا يستحملها الفانوس الأصلي وتسبب أضرار في ضفيرة العربية .. وده تحذير وجب التنويه عليه حتى لا يحدث ما لا يحمد عقباه .

[peter magdy]

هي الوظيفة الأساسية للشبورة أيه؟!

وظيفة الشبورة ليست إضاءة الطريق أمامك أو أنها تفرش النور على الطريق .

لكل مقام مقال .

وبصفة عامة يجب مراعاة نوعية اللمبات والوات بتاعها .. فقد لا يستحملها الفانوس الأصلي وتسبب أضرار في ضفيرة العربية .. وده تحذير وجب التنويه عليه حتى لا يحدث ما لا يحمد عقباه .

نورت الموضوع يا استاذ باسم
انا حاطط لمبة شديدة جدا و 55 واط
و اللى هاجيبها 35 واط و الزينون مالوش حرارة قد اللمبة العادية
لكن المشكلة انا مش عايز اضايق اللى قدامى لان بصراحة اللى بيعمل ببقى متغاظ منة جدا
و بعدين عم حمدى الكهربائى
دا عامل عندة ليد نهارى و بيخلية يفصل بعد ما اطفى العربية 15 ثانية
الراجل دة مالوش حل - هيا المشكلة الحالية فى تشتيت اضاءة الكشاف التييييييييييييييت دة

[mohhassan]

هو ايه ال ليد نهارى ده؟؟

[المنسي]

متابع

[ehabpopo]

لما توصل لحل يا بيتر ابقى قولنا ...
ولو انى اعتقد ان الحل الوحيد لفوانيس الشبورة لعربيتنا ... هو انك تركب فوانيس شبورة بديلة وتلعب فى الاكصدام .... بس يكون عند حد بتاع فيبر محترف وبتاع مزاج ... مش بتاع البطيخ اللى صورة منة العربية البى واى دى اللى مركبة فوانيس الهيونداى الألينترا ... كان الفنيش بتاعها سيئ ...

[MuslimMeskeen]

إيه الأخبار؟ هل في جديد في الموضوع؟
متابع باهتمام

[ابو جودي]

متابع

[peter magdy]

لما توصل لحل يا بيتر ابقى قولنا ...
ولو انى اعتقد ان الحل الوحيد لفوانيس الشبورة لعربيتنا ... هو انك تركب فوانيس شبورة بديلة وتلعب فى الاكصدام .... بس يكون عند حد بتاع فيبر محترف وبتاع مزاج ... مش بتاع البطيخ اللى صورة منة العربية البى واى دى اللى مركبة فوانيس الهيونداى الألينترا ... كان الفنيش بتاعها سيئ ...

نورت الموضوع يا استاذ ايهاب
انا فكرت فعلا فى التعديل لكشاف شبورة يكون احسن
لكن قابلتنى مشكلة
ان كشاف الشبورة بتاعنا داخل بين شفتين فى الاكصدام مش زى الفيرنا او المتسوبيشى الاكصدام حتة واحدة فممكن التعديل فية
و اشهر فاونيش شبورة كانت بتاع الاكوتافيا a5 و بتاع اسبرانزا a620
المشكلة ان عرض الكشاف بتعنا 7 سم و بتاع a5 طولة 10 سم و التانى 9 سم مش مهم العرض
لكن الطول دة هيخدة من الشفة و هيبقى شكلة وحش مهم حاول الصنايعى يدارية
--------------
لكن فى حاجة كدة انا اخدت بالى منها
و العربيات الجديدة اللى نازلة بموتور صينى 1500 cc
نازل معاها شبورة اصلية فا شوفت نورها اى حد ما مركز على الارض شوية
لكن باللمبة التعبانة اللى بتنزل معاة
فأعتقد انى ممكن احاول اشترى شبورة من التوكيل و اركب اللمبتيين الفيلبس اللى معايا علشان نورهم قوى جدا و امشى حالى و خلاص
لكن برضو معتقدش ان يركب عليهم زينون لانة برضو هيشتت
و احسن حاجة يركب علية زينون بتاع a5 و الاختيار التانى بتاع a620
لكن المشكلة كما ذكرت
يا اما حد يركب الزينون على اللى معاة و خلاص - بس يعلى الكاسيت و مهما سمع يطنش هههههههههههههه