ياجماعة بالله عليكم انجدونى مفتاح بى وادى اف ثرى اوتو بصمة

[eslam87]

هو اللي باظ الريموت ولا الكارت ولا الاتنين؟ العربيه بدور بالريموت والاسبير بتاعه الكارت المفروض تبقى شايل واحد في البيت يالريموت يالكارت

شكرا لحضرتك هيا فعلا ممكن تدور بالريموت . ماانا لو اعرف انها بتدور بالريموت او الراجل اللى فى المعرض كان قالى كنت شيلت واحد لكن انا مكنتش اعرف

[mangawy2012]

بسيطه ان شاء الله

[bassem.naguib]

كلم التوكيل يا اسلام الأول .. وقول ليهم على الموضوع ده .. وشوف أيه التصرف وحيقولولك أيه

[MuslimMeskeen]

عملت إيه؟؟؟؟

[المنسي]

وصلت لحد فين

[eslam87]

السلام عليكم انا كلمت التوكيل وقلتله على اللى حصل قالى حمل العربية كلها وهاتهالنا . وان شاء الله هافضى نفسى بكرة او على يوم السبت . شكرا ياجماعة على الاهتمام . والله المستعان

[bassem.naguib]

ده اللي كنت متوقعه ويا ريت توالينا بالأخبار أول بأول وبالتوفيق إن شاء الله

[ابو جودي]

متابع

[kandil1971]

ربنا معاك وييسرلك الأمور وتخلص في نفس اليوم

[waelfarid]

استاذ اسلام الله يكون في عونك
اسف علي التاخير
انا مش عارف الريموت التاني مين يحتفظ بيه في حالة البيع بالتقسيط
انا متاكد من 2 ريموت وكارت واحد زميلي اشتراها هنا في السعودية وشفت ال2ريموت والكارت وعرفت من المانيوال بتاعها ال pdf علي النت موقع الشركة byd-auto.netمعلومة لو البطارية ضعيفة للريموت قربه من زر التشغيل والايقاف علشان يتعرف عليه ويقبل تشغيل لكن حضرتك بتقول انه اتفرم او اتهرس يعني اتدمر وحضرتك جربت ومنفعش
يبقي تروحلهم بالسلامة زي ما قالولك والحمد لله انه جت علي قد كدة غرامة في قرشين وانك والسيارة بخير
وفي انتظارك تقول لنا خلص الموضوع ازاي وعملو معاك ايه بخصوص الريموتات

[eslam87]

السلام عليكم . متشكرا جدا لحضراتكو .
انا روحت النهاردة التوكيل القطامية حاجة كدة تقرف وخدمة اسوء مايكون وحاجة بصراحة زفت
الموضوع باختصار انو بعتلهم حد قريبى وشرحلهم الموقف واللى حصل وبعدين اتصلو بيا وانا بردو حكيت اللى حصل بالضبط وكلمنى مهندس وقالى روح ناحيت العربية واعمل كذا وكذا يعنى كان بيحاول يخليهالى تدور وانا قولتلو مفيش امل انها تدور لان الريموت والكرت اتهرسو وبعدين قفلت معاه . راح الراجل قريبى قاله يعنى ايه الخلاصة قاله هات العربية والمفاتيح وهانغيرلك البصمة كلها 450 جنيه وهانسلمك كرت وريموت جديد . فا انا حجزت معاهم على يوم السبت اللى هو النهارد فاول مادخلت قالولى لو انت عاوز تعمل اللى انت بتقول عليه وتغير البصمه كلها هايكلفك 10000جنيه فانا قولتلهم ازاى دا قالى ان التكلفة كلها 450 برة 350 بس لو حصل حاجة مش مسؤليتنا لانك كدة هاتركبها برة . روحت بقى عملت مشكلة وبعدين جالى مهندس اسمه ياسر وقالى مين قالك انو هايتغير 450 جنيه دا تمنه 10000 جنيه راح مسك الموظف او المهندس دا معرفش انا شغلته اية وظبطه وتقريبا خصم منه جامد . المهم انا قولتله انى انا جاى من البحر الاحمر وحملت العربية وكلفت وانا جاى على اساس انى هاغير وامشى بعد ساعتين وب450 جنيه قالى انا ظبط الموظف اللى قالك كدة وخصمتله او مشيته الله واعلم روحت قولتله انا ميخصنيش انك تمشيه او تخصمله دا مش هايفدنى فى شىء المهم قالى كلم مهندس مش متذكر اسمه اللى هو مسؤل عن البى وادى فى القاهرة كلها فى مدينة نصر قالى بس يافندم حضرتك كدة كدة كنت هاتجيب العربية عندنا فيه حل تانى ومش مكلف بس هاتستنى اسبوعين ان حضرتك تجيلى مدينة نصر وتجبلى الكارته والريموت وهابعتلك بيهم ايميل برقمهم ونبعتلك عليهم من الصين دا طبعا بعد ماسجدنى بكلمتين وقالى ماتخفش على العربية عندنا هانجرشهالك ومتخفش عليها .

[eslam87]

روحت انا وافقت مابليد من حيلة هاعمل ايه . المهم انو لسة مكلمنى من شوية وقالى ان عاوز يبعت ايميل برقم الكارتة او الريموت وان فيه 4 ارقام مش واضحين لان الكرت اتهرس ومش واضحة الارقام . راح قالى لو الارقام دى معرفناش نوصلها كدة هاتعوز تغيير البصمة كلها ب10000 جنيه . اعمل ايه ياجماعة واللهى انا مش عارف افكر اعمل ايه

[eslam87]

هو مش ممكن ياخد رقم الشاسيه والموتور ويطلع عليه وبناء عليه يعرفو هما هناك باقى الارقام . والعربية عندهم فى التوكيل

[eslam87]

ياريت ياجماعة اللى اشترى العربية كاش او اللى اشترى العربية بشكل عام استلم معاها ريموت وكارت فقط ولا استلم ريموتين وكارتين

[hamada20008]

ازاي الكلام ده هي طابونه عيش اكيدمن رقم الشاسيه ورقم الموتور هيعرفوا رقم البصمه ولا هما شغالين بالبركه