دردشه حوالين ال byd l3

[M_HaFeZ]

عايز ادردش معاكم ياجماعه بخصوص العربية دى
انا معجب مسبقا بال f3 وفعلا فكرت اشترى الاوتوماتيك منها لحد ماسمعت وشفت ال l3 على الطبيعه وعجبنى فيها اللى مكانش عاجبنى (وجهة نظر يعنى) وهو التابلوه سواء الالوان والبلاستيك اللى على شكل الخشب اللى بيضايقنى شخصياً وبحسه مستفز
ال l3 اجمل فى التصميم الخارجى والداخلى والعربيه ماشاء الله مليانه كماليات
وكنت متردد علشان مفيش منها اوتوماتيك حالياً بس قولت وفيها ايه لما تبقى مانوال مقابل شكل افضل ومختلف وجديد

السؤال هل قطع الغيار فى العفشه زى عفشة الكورولا الشكل القديم؟ وايه الاجزاء المتطابقه مع ال f3 كقطع غيار ؟؟
وبما اننا فى مصر وشعبها الناصح فمش معنى انتشار ال f3 بالتالى يخلى ال l3 تنتشر لان لى صديق مثلا مهتم بالسيارات ومعجب بال f3 وناوى يشتريها ولما شاف ال l3 عجبته بس برضو هيشترى ال f3 علشان منتشره وموجوده والنقطه الاهم من وجهة نظره انها متجربه فى تاكسيات يعنى العربية بتعمل من 12-18 ساعة شغل فى اليوم

وبالنسبه للاوتوماتيك فى ال BYD للناس اللى جربته بقالها كتير ايه رأيهم وهل مريحهم الاوتوماتيك عموما؟ (مسوقتش اوتوماتيك الا دقائق معدودة)

ونقطه جانبيه كده للى بيروح اسكندريه كتير وخصوصا ان كل الناس معجبه بمركز الصيانه فى الاسكندريه عن القاهرة لدرجة ان فى ناس بتسافر مخصوص علشان الصيانه الدورية
هل تعلم ان ال byd f3 نادرة جدا جدا فى الاسكندريه؟
انا بسافر كتير اوى وملاحظ الموضوع ده لدرجة ان فى ميكانيكيه من كثرة جهلهم بالعربية قالوا عليها عربية زبالة وانا متأكد ان ده جهل وغباوة على بعض لانى قريت وسألت سواقين تاكسى عليها كتير

الناس شايفه مستقبل ال l3 ايه وايه اللى متخوفين منه؟
ياريت تبقى مناقشه مفتوحه نتبادل فيها الخبرات وياريت اللى يعرف معلومات عن المعارض اللى فيها وتمنها فى المعارض كام ودفعة الحجز وخلال اد ايه بتستلم

[ayman salem]

انا بضم صوتي لحضرتك واتمني حد يكون جابها حتي يقول الانطباع ايه

[Amir122]

انا عجبنى شكل L3 من الخارج لكنى بحب شكل f3من الداخل خاصة الاسود فى البيج
للا سف التوكيل هو الى ضعف من انتشار العربية ...تخيل لو كانت العربية دى مع توكيل ذى ابو الفتوح او غبور خاصة انى شايفها افضل العربيات الصينى الى نزلت مصر

[dedi]

هل الحريق سيؤثر على الانتاج

[abokoko]

متابع

[mangawy2012]

انا في نفس حيرتك وكنت في المعرض محتار بينهم لحد ما قررت احجز ال l3 ومتردد لحد الان

[ابو جودي]

متابع

[ابو ياسمين]

أعجبتنى فكرة موضوعك جدا ويسعدنى المشاركة فيه
ولكن للأسف فالسيارة l3 جديدة جدا فى السوق المصرى ولن تجد تقرير عنها بسهولة
الا أذا أعتمدت على تقارير بعض المواقع بالبلاد العربية والأجنبية لوجودها هناك من عدة سنوات
ولكنى أطمأنك وأنا متابع لمعظمها أنى لم أجد تقرير واحد جاد وموثوق فيه يسئ إليها

أما عن مركز صيانة byd بالأسكندرية فسأقول لك نتيجة تجربتى معهم لعدة سنوات حتى أنتهت فترة الضمان

عندما ذهبت إلى هناك لم أشعر بأنى دخلت إلى فندق خمسة نجوم ولم أجد مكان للأنتظار مماثل لما فى توكيل bmw

ولم أجد أفراد أمن وأستقبال حاصلين على human resources

ولكنى وجدته بإدارته ومهندسيه الذين تشرفت بالتعرف إليهم أفضل مركز صيانة تعاملت معه على الأطلاق
لدرجة أنى وكثير من الزملاء فى المنتدى كنا نسافر كل صيانة للأسكندرية لمدة ثلاث سنوات

وأذا رجعت للصفحات القديمة للمنتدى وحتى الأن ستجد سيل من الشكر لهم من كل من من قام بالصيانة هناك
ولا شك أن من حق التوكيل أن يفخر بأداء هذا المركز

ملاحظة

للأنصاف لم أجرى أى صيانه بمركز القطامية أو الشرابية فليس لى تجربة شخصية هناك لأتحدث عنها

[M_HaFeZ]

طيب بالنسبه لتوافق قطع الغيار الغير ميكانيكيه يابو ياسمين؟
هل تتوافق فعلياً مع كورولا 2010؟ ولا مفيش تأكيد فى الموضوع ده؟

[ابو ياسمين]

طيب بالنسبه لتوافق قطع الغيار الغير ميكانيكيه يابو ياسمين؟
هل تتوافق فعلياً مع كورولا 2010؟ ولا مفيش تأكيد فى الموضوع ده؟

لم أفهم تماما قصدك بقطع الغيار الغير ميكانيكية
ولكن بالتجربة السابقة مع f3 فأن أجزاء كثيرة فيها متوافقة مع شبيهتها من تويوتا وهذا سيتكرر بالتأكيد مع l3 لأن أساس التصميم هو تويوتا أيضا
ولكن لماذا نبحث عن أجزاء من تويوتا لها مع توافر قطع الغيار بمراكز الصيانة ؟
لقد ذهبت لمركز الصيانة بالقطامية لشراء بعض الأجزاء الخاصة بالسيارة
وأدهشنى وجود وتوافر أى شئ يخطر على بالك من أول التابلوه كامل أو أى جزء منفرد من أجزائه وحتى دلايات العجل !
وبأسعار زهيدة جدا
فما الذى يدخلنا فى أسعار التويوتا دون داعى ؟

[M_HaFeZ]

لم أفهم تماما قصدك بقطع الغيار الغير ميكانيكية
ولكن بالتجربة السابقة مع f3 فأن أجزاء كثيرة فيها متوافقة مع شبيهتها من تويوتا وهذا سيتكرر بالتأكيد مع l3 لأن أساس التصميم هو تويوتا أيضا
ولكن لماذا نبحث عن أجزاء من تويوتا لها مع توافر قطع الغيار بمراكز الصيانة ؟
لقد ذهبت لمركز الصيانة بالقطامية لشراء بعض الأجزاء الخاصة بالسيارة
وأدهشنى وجود وتوافر أى شئ يخطر على بالك من أول التابلوه كامل أو أى جزء منفرد من أجزائه وحتى دلايات العجل !
وبأسعار زهيدة جدا
فما الذى يدخلنا فى أسعار التويوتا دون داعى ؟

اقصد الاجزاء فى غير الموتور لان l3 له نفس موتور f3 ال 1500 سى سى فالتواجد مضمون ان شاء الله
انما اللى قصدته اجزاء العفشه للسيارة الجديدة ال l3

[هانى ظرف منصور]

انا فى انتظار الموديل الاتوماتيك من l3 ولا اعرف سبب تاخر الشركه فى انتاجه

[ابو ياسمين]

اقصد الاجزاء فى غير الموتور لان l3 له نفس موتور f3 ال 1500 سى سى فالتواجد مضمون ان شاء الله
انما اللى قصدته اجزاء العفشه للسيارة الجديدة ال l3

كنت أتصفح المنتدى من فترة ووجدت مشاركة لزميل لنا يقول أن العفشه وباقى الأجزاء هى نفسها الموجودة فى F3
وللأسف نسيت عنوان الموضوع
فأرجو من الزميل الفاضل أن يؤكد لنا هذا مرة أخرى أو أحد الزملاء لو عنده معلومة مؤكدة

التعليق الأمامى للسيارة BYD L3

التعليق الخلفى للسيارة BYD L3

[M_HaFeZ]

كنت أتصفح المنتدى من فترة ووجدت مشاركة لزميل لنا يقول أن العفشه وباقى الأجزاء هى نفسها الموجودة فى f3
وللأسف نسيت عنوان الموضوع
فأرجو من الزميل الفاضل أن يؤكد لنا هذا مرة أخرى أو أحد الزملاء لو عنده معلومة مؤكدة

[/center]

افتكر برضو حاجه زى كده
او ان العفشه زى كورولا 2011 مش متذكر

[hossam165]

السلام عليكم ورحمة الله وبركاته
اؤكد لجميع الاعضاء صحة المعلومة أن العفشه هى نفسها الموجودة فى f3
وعلي نفس الشاسيه
وهذه معلومة مؤكدة ومصدرها مدير مصنع شركة الامل م/طارق